ಸುಮನಸಾ ಕೊಡವೂರು ರಂಗಪರ್ಬ

ಸುಮನಸಾ ಕೊಡವೂರು ನಾಟಕೋತ್ಸವ ರಂಗಹಬ್ಬ-14ರ ಮೂಜನೇ ದಿನತ ಕಜ್ಜೊಡ್  ಜಯಕರ ಶೆಟ್ಟಿ ಇಂದ್ರಾಳಿ

ರಂಗಭೂಮಿಡ್ದ್  ಯುವಪೀಳಿಗೆದ ಬುಲೆಚ್ಚಿಲ್

ಉಡುಪಿ: ಯುವಪೀಳಿಗೆದ  ಪ್ರತಿಭೆ ಅರ್ಲರೆಗ್, ಯುವಜನತೆ ಬುಲೆಯರೆಗ್  ರಂಗಭೂಮಿ ಸಹಕಾರಿ ಪಂಡುದು ಉಡುಪಿ ತುಳುಕೂಟದ ಅಧ್ಯಕ್ಷ ಜಯಕರ ಶೆಟ್ಟಿ ಇಂದ್ರಾಳಿ ಅಭಿಪ್ರಾಯಪಟ್ಟೊಂಡೆರು.

ಸುಮನಸಾ ಕೊಡವೂರು ಸಾಂಸ್ಕøತಿಕ ಸಂಘಟನೆದ ನಾಟಕೋತ್ಸವ ರಂಗಹಬ್ಬ-14ರ ಮೂಜನೇ ದಿನತ ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತುದ್ ಪಾತೆರಿಯೆರು.

ಸುಮನಸಾ ಸಂಸ್ಥೆದ  ಶಿಸ್ತು, ರಂಗ ಚಟುವಟಿಕೆ, ಸಮಾಜಮುಖಿ ಕಾರ್ಯಕ್ರಮೊಲು ಮಾದರಿಯಾತುಂಡ್. ಜೋಕ್ಲೆನ್  ಬುಲೆಪಾವುನ ಕ್ರಮ ಈ ಸಂಘಟನೆಡ್ದ್  ಕಲ್ಪೊಡ್  ಪಂಡುದು ಸಲಹೆ ಕೊರಿಯೆರು.

ರಂಗಚಟುವಟಿಕೆಲು  ಮಾನವೀಯತೆದ ಪಾಠ ಕಲ್ಪಾವುಂಡ್. ಜನಕ್ಲೆನ್  ಸಾದಿ  ತಪ್ಪಂದಿನಂಚ ಸರಿಸಾದಿಗ್ ಕನಪುಂಡ್.. ಸಮಾಜದ ಅಂಕುಡೊಂಕುಲೆನ್ ರಂಗಭೂಮಿ ದೆರ್ತ್  ತೋಜಾವುಂಡ್ ಪಂಡೆರು.

ರಂಗಸಾಧಕ  ತಮ್ಮನ ದೆತೊಂಡಿನ ಸಂಗೀತ ಗುರು ರಮೇಶ್ ಕೆ. ಪುತ್ತೂರು ಪಾತೆರ್ದ್ , ಸಂಗೀತ ಕಲ್ಪುನವ್  ನಮ್ಮ ಕಾಲೊಡ್  ಕಷ್ಟದ ಬೇಲೆ ಆದಿತ್ತುಂಡ್.. ಇತ್ತೆ ರೆಕಾರ್ಡ್ ಮಲ್ತೊಂದ್ ಬತ್ತುದು ಪನ್ಪೆರ್. ಕರೊಕೆ ಬತ್ತಿನೇಡ್ ಬೊಕ್ಕ ಪದ ಪನ್ಪಿನಾಯೆ ಬುಡುಂಡ  ಬೇತೆ ಒವ್ವ್ ಪಕ್ಕವಾದ್ಯೊಲು ಬೊಡ್ಚಾತುಂಡ್ ” ಪಂಡೆರು.

ಉದ್ಯಮಿ ಸಾಧು ಸಾಲ್ಯಾನ್, ಉದ್ಯಮಿ ಮಹೇಶ್ ಶೆಣೈ, ಹೋಟೆಲ್ ಪಂಚರತ್ನ ಪ್ಯಾರಡೈಸ್ ಮಾಲೀಕ ಸಂತೋಷ್ ಶೆಟ್ಟಿ, ರಾಷ್ಟ್ರೀಯ ಬಿಲ್ಲವ ಈಡಿಗ ಮಹಾ ಮಂಡಳದ ಉಡುಪಿ ಜಿಲ್ಲಾ ಅಧ್ಯಕ್ಷ ಚಂದ್ರಶೇಖರ ಕಾಪು, ಹಿಂದೂ ಯುವಸೇನೆ ಉಡುಪಿ ಜಿಲ್ಲಾಧ್ಯಕ್ಷ ಅಜಿತ್ ಕೊಡವೂರು, ಸುಮನಸಾ ಕೊಡವೂರು ಸಾಂಸ್ಕøತಿಕ ಸಂಘಟನೆದ ಅಧ್ಯಕ್ಷ ಪ್ರಕಾಶ್ ಜಿ. ಕೊಡವೂರು ಉಪಸ್ಥಿತರಿತ್ತೆರು.

ಸುಮನಸಾ ಕೊಡವೂರು ಸಾಂಸ್ಕøತಿಕ ಸಂಘಟನೆದ ಬಾಲಕೃಷ್ಣ ಶಿಬಾರ್ಲ ಎದ್ಕೊಂಡೆರು. ಶ್ರೀವತ್ಸ ಸೊಲ್ಮೆ ಸಂದಾಯ್ತ ಮಲ್ತೆರು, ಗಣೇಶ್ ಸಗ್ರಿ ಕಜ್ಜೊದ ಮದಿಪು ಕೊರಿಯೆರ್..