ತುಳು ಕೋಟಿ ಗೀತಾ ಲೇಖನ

..

ಒಡಿಪುದ ಅಷ್ಟಮಠಟ್ ಒಂಜಾಯಿನ ಶ್ರೀಪುತ್ತಿಗೆ ಮಠತ ಸ್ವಾಮಿಲಾಯಿನ ಶ್ರೀ ಶ್ರೀ ಶ್ರೀ ಸುಗುಣೇಂದ್ರ ತೀರ್ಥ ಸ್ವಾಮಿಲು ಶ್ರೀಕೃಷ್ಣ ಸಂದೇಶೊನು ಲೋಕೊರ್ಮೆ ಪಟ್ಟುನ ಉದ್ದೇಶ ದೀವೊಂದು ತನ್ನ “ವಿಶ್ವ ಗೀತಾ ಪರ್ಯಾಯೊಡು” ಮಾತಾ ಭಾಸೆದ ಲಿಪಿಟ್ ಭಗವದ್ಗೀತೆನ್ ಬರೆಪಿನ ಸಂಕಲ್ಪೊನ್ ದೀವೊಂಡೆರ್. ಉಂದೆನ್ ಯಜ್ಞದ ಲೆಕ ಮಲ್ಪೆರೆ ಪಿದಡ್ದಿನೆಡ್ದಾತ್ರ “ಕೋಟಿ ಗೀತಾ ಲೇಖನ ಯಜ್ಞಾ” ಪಂದ್ ಪುದರ್ ದೀತೆರ್.
ತುಲು ಪರ ಚಾಕಿರಿಗ್ ಪುಗೆಲಾದ್ ಉಂತುನ ಜೈ ತುಲುನಾಡ್ (ರಿ) ಕೂಟೊದ ಒಡಿಪು ಎಗ್ಗೆ ತುಲು ಲಿಪಿತ ಕೋಟಿ ಗೀತಾ ಲೇಖನ ಯಜ್ಞದ ಜಬದಾರಿಗೆ ಗೆತೊಂದುಂಡ್.  16.11.2025ನೇ ಐತಾರದಾನಿ “ತುಲುವೆರೆ ದಂಡ್” ಪನ್ಪಿನ ದಿಬ್ಬಣದ ಮೂಲಕ  ಜೋಡುಕಟ್ಟೆಡ್ದ್ ಪಿದಾಡುದ್ ದಿಬ್ಬಣ  ಶ್ರೀಕೃಷ್ಣ ಮಠೊತ ಗೀತಾ ಮಂದಿರೊಡ್ ಬೂಕುಲೆನ್  ಪುತ್ತಿಗೆ ಶ್ರೀ ಕ್ಲೆನ ಮುಖೇನ. ತುಳುಲಿಪಿತ ಭಗವದ್ಗೀತೆನ್ ,  ಒಡಿಪು ಶ್ರೀಕೃಷ್ಣ ಗ್ ಸಮರ್ಪಣೆ ಮಲ್ತೆರ್..

ಈ ಪೊರ್ತುಡ್ ಆಶೀರ್ವಾದ ಮಲ್ತಿನ ಪುತ್ತಿಗೆ ಶ್ರೀ ಕುಲು ಪಾತೆರ್ದ್ ‌ದುಂಬುದ ಕಾಲದ ಗ್ರಂಥ ತುಳುಟೇ ಇತ್ತುಂಡ್.ತುಳು ಬಾಸೆ ಶ್ರೇಷ್ಠ ಬಾಸೆ.ಅವ್ವ್ ಮಧ್ವಾಚಾರ್ಯರೆನ ಬಾಸೆ.  ಆರ್ ತುಳುಟೇ ಪಾತೆರೊಂದಿತ್ತೆರ್ .ಮಠತ್ತ ಮಾತಾ ಸ್ವಾಮಿನಕುಲು ತುಳುಲಿಪಿಟೇ ದಸ್ಕತ್ತ್ ಪಾಡವೆರ್.ಆಂಡ ತುಳುಟ್ ಲಿಪಿ ಉಂಡು ಪಂಡುದ್ ಎರೆಗುಲಾ ಗೊತ್ತು ಜಿ.ವಾಸ್ತವ ದಾದ ಪಂಡ ತುಳು ಲಿಪಿನೇ ಮಲಯಾಲ ದಕುಲೆ ಕೊರ್ತಿನಿ.ಮಲಯಾಲದಕುಲು ಪನ್ಪಿನಿ ತುಳುಕ್ ಲಿಪಿ ಇಜ್ಜಿ ಪಂಡುದ್ ಆಂಡ ತುಳು ಲಿಪಿನೇ ಅಕುಲು ದೆತೊಂದಿನಿ.ಮಲಯಾಲಗ್ ಪ್ರತ್ಯೇಕ ಲಿಪಿ ಇಜ್ಜಿ.ಪಂಡುದ್ ಸ್ವಾಮೀಜಿಲು ತೆರಿಪಾಯೆರ್.