ತುಲುವೆರೆ ಕಲ ವರ್ಸೋಚ್ಚಯ

ಸಾಹಿತ್ಯ, ಸಂಸ್ಕೃತಿ, ಪ್ರಕೃತಿದ ಅನುಬಂಧ

ಕೊಂಡೆವೂರು ಶ್ರೀ ಆಶೀರ್ವಚನ
ತುಲುವೆರೆ ಕಲ ವರ್ಸೋಚ್ಚಯ

ಕುಡ್ಲ: ಸಾಹಿತ್ಯ ಬೊಕ್ಕ ಪ್ರಕೃತಿ ಒಂಜೆಕ್ಕೊಂಜಿ ಪೂರಕ. ಜಗತ್ತ್‌ಡ್ ಓಲುಲಾ ಉಪ್ಪಂದಿನ ಸಾಂಸ್ಕೃತಿಕ ವೈಶಿಷ್ಟ್ಯ ತುಳುನಾಡ್‌ಡುಂಡು. ಉಂದೆನ್ ದುಂಬುದ ಪೀಳಿಗೆಗೆ ದಾಂಟಾವುನ ಕಾರ್ಯ ಆವೊಡು ಪಂದ್ ಕೊಂಡೆವೂರು ಶ್ರೀ ಯೋಗಾನಂದ ಸರಸ್ವತೀ ಸ್ವಾಮೀಜಿ ಪಂಡೆರ್.

ಉಪ್ಪಳ ಕೊಂಡೆವೂರು ಶ್ರೀ ನಿತ್ಯಾನಂದ ಯೋಗಾಶ್ರಮ ಮಠದ ಸಭಾಂಗಣಡ್ ಐತಾರ ನಡತಿನ ತುಲುವೆರೆ ಕಲ ಸಂಘಟನೆದ ರಡ್ಡನೇ ‘ವರ್ಸೋಚ್ಚಯ’ಡ್ ಆಶೀರ್ವಚನ ಕೊರಿಯೆರ್.

ಶಾಸ್ತ್ರ ಬೊಕ್ಕ ಶಸ್ತ್ರೊಲು ಸಾಹಿತ್ಯಡ್ದ್ ಶಕ್ತಿಯಾಪುಂಡು. ಸನಾತನ ಸಂಸ್ಕೃತಿ, ಪ್ರಕೃತಿ, ಭಾಷೆ ಬೊಕ್ಕ ಸಾಹಿತ್ಯಗ್ ಬೇದ ಮಲ್ಪೆರಾವಂದಿನ ಬಂಧವುಂಡು. ಉಂದೆತ ಒರಿಪುಗು ಪ್ರಯತ್ನ ಅಗತ್ಯ. ತುಳು ಭಾಷೆ ಇತ್ತೆ ಸರ್ವವ್ಯಾಪಿಯಾತ್ತ್ಂಡ್. ಭಾಷೆ, ಸಂಸ್ಕೃತಿ ಬಗೆತ ಅಭಿಮಾನದ ಕಾರ್ಯಕ್ರಮೊಲೆಗ್ ಪ್ರೋತ್ಸಾಹ ಕೊರ್ಪಿನ ನಮ ಮಾತೆರ್ನಲಾ ಕರ್ತವ್ಯ ಪಂಡೆರ್.

ತುಲುವೆರೆ ಕಲತ ಗುರ್ಕಾರ್ದಿ ಗೀತಾ ಲಕ್ಷ್ಮೀಶ್ ಲೇಸ್ದ ಗುರ್ಕಾರ್ಮೆನ್ ವಹಿಸೊಂದಿತ್ತೆರ್. ಹಿರಿಯ ಪತ್ರಕರ್ತೆ, ಸಾಹಿತಿ ಮಲಾರ್ ಜಯರಾಮ ರೈ, ಕುಡ್ಲ ವಿಶ್ವವಿದ್ಯಾಲಯದ ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ತುಳುಪೀಠದ ಸಂಯೋಜಕೆ ಡಾ.ಮಾಧವ ಎಂ.ಕೆ., ಅಖಿಲ ಭಾರತೀಯ ಸಾಹಿತ್ಯ ಪರಿಷತ್ ದ.ಕ. ಜಿಲ್ಲಾ ಅಧ್ಯಕ್ಷೆರಾಯಿನ ಪಿ.ಬಿ.ಹರೀಶ್ ರೈ, ಕೋಟಿ ಚೆನ್ನಯ ಸೇವಾ ಬ್ರಿಗೇಡ್ ಅಧ್ಯಕ್ಷೆರಾಯಿನ ಕಿರಣ್ ಕುಮಾರ್ ಕೋಡಿಕಲ್ ಮೊಕಲ್ನ ಬಿನ್ನಾದಿಗೆ ಇತ್ತ್ಂಡ್.

ನಾಡ್, ನುಡಿ, ಸಂಸ್ಕೃತಿನ್ ಒರಿಪುನಲ್ಪ ಬಾಸೆದ ಮಹತ್ವ’ ಈ ವಿಸಯಡ್ ಡಾ.ಅರುಣ್ ಉಳ್ಳಾಲ್, ‘ತುಳುನಾಡ್ದ ಸಾಹಿತ್ಯ ಪರಂಪರೆ’ ಈ ವಿಸಯಡ್ ತುಲು ಕಲ್ಚರ್ ರಿಸರ್ಚ್ ಫೌಂಡೇಶನ್ದ ಸ್ಥಾಪಕಾಧ್ಯಕ್ಷೆರಾಯಿನ ಮಹಿ ಮುಲ್ಕಿ ವಿಚಾರ ಮಂಡನೆ ಮಲ್ತೆರ್. ರಾಜೇಶ್ ಶೆಟ್ಟಿ ದೋಟ ಬೊಕ್ಕ ಶ್ರೀಶಾವಾಸವಿ ತುಳುನಾಡ್ ಮೊಕಲೆಗ್ ‘ಕಲತ ಬೊಳ್ಳಿ’ ಸನ್ಮಾನ ನಡತ್ಂಡ್. ಗೀತಾ ಲಕ್ಷ್ಮೀಶ್ ಎದುಕೊಂದು ಸೊಲ್ಮೆ ಸಂದಾಯ ಮಲ್ತೆರ್. ರೇಣುಕಾ ಕಣಿಯೂರು, ನವೀನ್ ಕುಮಾರ್ ಪೆರಾರ, ಶ್ರೀಶಾವಾಸವಿ ತುಳುನಾಡ್ ಲೇಸ್ನ್ ಸುದಾರ್ತ್ ಕೊರಿಯೆರ್.

ಆಜಿ ತುಲು ಮಸ್ತಿರೆ ಬುಡುಗಡೆ
ಕಾರ್ಯಕ್ರಮಟ್ ವಿಶ್ವನಾಥ ಕುಲಾಲ್ ಮಿತ್ತೂರು ಮೆರೆನ ‘ರುಪಾಯಿ ನೋಟು’, ಅಶೋಕ ಎನ್.ಕಡೇಶಿವಾಲಯ ಮೆರೆನ ‘ಬದ್ಕ್ ಬಾಗ್ಯೊದ ಬೊಲ್ಪು’, ರಕ್ಷಿತ್ ಬಿ.ಕರ್ಕೇರ ಮೆರೆನ ‘ಮಾಯ್ಕದ ಮೆನ್ಪುರಿ’, ಉಮೇಶ್ ಶಿರಿಯ ಮೆರೆನ ‘ಮಲ್ಲಿಗೆದ ಜಲ್ಲಿ’ ಬೊಕ್ಕ ‘ಸಂಪಿಗೆದ ಕಮ್ಮೆನ’, ಪದ್ಮನಾಭ ಪೂಜಾರಿ ನೇರಂಬೋಳು ಮೆರೆನ ‘ಎಸಲ ಪನಿ’ ಬೂಕುಲು ಬುಡುಗಡೆಯಾನ್ಡ್. ಸಾಹಿತಿಲಾಯಿನ ಮುದ್ದು ಮೂಡುಬೆಳ್ಳೆ, ಸದಾನಂದ ನಾರಾವಿ, ರಘು ಇಡ್ಕಿದು, ಕುಶಾಲಾಕ್ಷಿ ವಿ.ಕಣ್ವತೀರ್ಥ, ಸತೀಶ್ ಶೆಟ್ಟಿ ಒಡ್ಡಂಬೆಟ್ಟು, ಅನುರಾಧಾ ರಾಜೀವ್ ಸುರತ್ಕಲ್, ವಿಜಯಲಕ್ಷ್ಮೀ ಕಟೀಲ್ ಮೊಕಲೆಗ್ ಗೌರವ ಸಂದೈತ ಆಂಡ್.

ಬಾನದಾರೆ ಕಬಿಕೂಟ
ಸಾಹಿತಿ, ಐಲೇಸಾ, ದ ವಾಯ್ಸ ಆಫ್ ಓಷನ್ ನಿರ್ದೇಶಕೆರಾಯಿನ ಶಾಂತಾರಾಮ್ ವಿ.ಶೆಟ್ಟಿ ಮೆರೆನ ಗುರ್ಕಾರ್ಮೆಡ್ ‘ಬಾನದಾರೆ’ ಕಬಿಕೂಟ ನಡತ್ಂಡ್. ಸಾಹಿತಿಲಾಯಿನ ರವೀಂದ್ರ ಕುಲಾಲ್ ವರ್ಕಾಡಿ, ಭಾಸ್ಕರ್ ಎ.ವರ್ಕಾಡಿ, ರೇಮಂಡ್ ಡಿ’ಕುನ್ಹಾ ತಾಕೊಡೆ, ಶ್ರೀಶಾವಾಸವಿ ತುಳುನಾಡ್, ಪದ್ಮನಾಭ ಪೂಜಾರಿ ನೇರಂಬೋಳು, ರಕ್ಷಿತ್ ಬಿ.ಕರ್ಕೇರ, ಸವಿತಾ ಕರ್ಕೇರ ಕಾವೂರು, ಅಶೋಕ ಎನ್.ಕಡೇಶಿವಾಲಯ, ವಿದ್ಯಾಶ್ರೀ ಅಡೂರ್, ಸೌಮ್ಯಾ ಆರ್.ಶೆಟ್ಟಿ, ಕೆ.ಶಶಿಕಲಾ ಭಾಸ್ಕರ್ ದೈಲಾ, ನಳಿನಿ ಭಾಸ್ಕರ್ ರೈ ಮಂಚಿ, ಜಯರಾಮ ಪಡ್ರೆ, ಚಂದ್ರಹಾಸ ಕುಂಬಾರ ಬಂದಾರು, ಸುಮಂಗಲಾ ದಿನೇಶ್ ಶೆಟ್ಟಿ, ಹರೀಶ್ ಕುಮಾರ್ ಮೆಲ್ಕಾರ್, ಡಾ.ಸುರೇಶ್ ನೆಗಳಗುಳಿ, ಅನುರಾಧಾ ರಾಜೀವ್ ಸುರತ್ಕಲ್, ಪ್ರಶಾಂತ್ ಎನ್.ಆಚಾರ್ಯ, ಪದ್ಮನಾಭ ಮಿಜಾರ್, ವಿಶ್ವನಾಥ ಕುಲಾಲ್ ಮಿತ್ತೂರು, ಮಲ್ಲಿಕಾ, ಪ್ರೇಮಾ ಆರ್.ಶೆಟ್ಟಿ ಮುಲ್ಕಿ, ಅಶ್ವಿನಿ ತೆಕ್ಕುಂಜ ಕುರ್ನಾಡ್, ಗುಲಾಬಿ ಸುರೇಂದ್ರ ಸುರತ್ಕಲ್, ಉಮೇಶ್ ಶಿರಿಯ, ನಿರ್ಮಲಾ ಶೇಷಪ್ಪ ಕುಲಾಲ್, ಹಿತೇಶ್ ಕುಮಾರ್ ಎ., ಅಮರ್‌ನಾಥ್ ಪೂಪಾಡಿಕಲ್ಲ್, ನವೀನ್ ಕುಮಾರ್ ಪೆರಾರ, ಮುರಳೀಧರ ಆಚಾರ್ಯ, ಬಾಲಿನಿ ಎನ್.ಕರ್ಕೇರಾ, ಶ್ಯಾಮ್‌ಪ್ರಸಾದ್ ಭಟ್, ವಿಂದ್ಯಾ ಎಸ್.ರೈ, ಆರ್ಯನ್ ಸವಣಾಲ್ ಪಾಲ್ ಪಡೆದಿತ್ತೆರ್.