ಶ್ರೀಕ್ರಷ್ಣನ ಬಗೆಟ್ ಬೇತೆ ಬೇತೆ ಬಾಸೆಡ್ ಕಬಿತೆ,ಭಜನೆ ರಚನೆಗ್ ಲೆಪ್ಪು..

ಶ್ರೀ ಕೃಷ್ಣನ ಮಿತ್ತ್ ನಾನಾ ಬಾಸೆಡ್ ಸ್ವಂತ ಕಬಿತೆ ಅಂಚೆನೇ ಭಕ್ತಿ ಗೀತೆ, ಭಜನೆ ರಚನೆಗ್ ಲೆಪ್ಪು

ಕಲ್ಕೂರ ಪ್ರತಿಷ್ಠಾನ ಅಟ್ಟನೆ ಮಲ್ದಿನ ರಾಷ್ಟ್ರ ಮಟ್ಟದ ಜೋಕುಲ್ನ ಉಚ್ಚಯ ಶ್ರೀ ಕೃಷ್ಣ ವೇಸ ಪಂತೊದ ಅಂಗವಾದ್ ಶ್ರೀ ಕೃಷ್ಣನ ಬಗೆಟ್ ನಾನಾ ಬಾಸೆಡ್ ಸ್ವಂತ ಕಬಿತೆ ಕಟ್ಟುನ ಪಂತೊ ನಡಪರೆ ಉಂಡು. ಈ ಪಂತೊ ಮೂಜಿ ವಿಬಾಗಡ್ ನಡಪರೆ ಉಂಡು ಹೈಸ್ಕೂಲ್ ವಿಬಾಗ, ಕಾಲೇಜ್ ವಿಬಾಗ ಬೊಕ್ಕ ಸಾರ್ವಜನಿಕ ವಿಬಾಗ. ಕನ್ನಡ, ತುಳು, ಹಿಂದಿ, ಸಂಸ್ಕೃತ, ಮಲಯಾಳ ಇಂಚ ಒವ್ವೆ ಬಾಸೆಡ್ ಸ್ವಂತ ಕಬಿತೆ ಬರೆದ್ ಸೆಪ್ಟೆಂಬರ್ 1 ತ್ತ ಉಲಯ್ ನಿಕಲ್ನ ಅಡ್ರೆಸ್ಸ್ ಬೊಕ್ಕ ಫೋನ್ ನಂಬರ್ದ ಒಟ್ಟುಗು ಕೊರ್ತಿನ ಅಡ್ರೆಸ್ಸ್‌ಗ್ ಕಡಪುಡ್ಲೆ ಇಜ್ಜಿಂಡ ವಾಟ್ಸಾಪ್ ಮಲ್ಪುಲೆ. ಆಯ್ಕೆ ಆಯಿನ ಕಬಿತೆಲು ಮಸ್ತಿರೆ ಆದ್ ಶ್ರೀ ಕೃಷ್ಣ ವೇಷ ಪಂತೊದಾನಿ ಬುಡುಗಡೆ ಆವರೆ ಉಂಡು. ಅಂಚೆನೇ ಶ್ರೀ ಕೃಷ್ಣನ ಬಗೆಟ್ ಬಕ್ತಿಗೀತೆ ಬೊಕ್ಕ ಬಜನೆ ರಚನೆ ಪಂತೊಲಾ ನಡಪರೆ ಉಂಡು. ಉಂದು 18 ವರ್ಸ ಮಿತ್ತುದ ಅಂಚೆನೇ 18 ವರ್ಷ ತಿರ್ತ್‌ದ ರಡ್ಡ್ ವಿಬಾಗಡ್ ನಡಪರೆ ಉಂಡು. ರಚನೆ ಲಯಬದ್ಧವಾದ್ ಪೊರ್ಲುಡು ರಾಗೊಡು ಪನ್ಪಿನ ಲೆಕ್ಕ ಉಪ್ಪೊಡು. ಆಯ್ಕೆ ಆಯಿನ ರಚನೆಲು ಮಸ್ತಿರೆ ಆದ್ ಬುಡುಗಡೆ ಆರೆ ಉಂಡು. ಬಕ್ತಿಗೀತೆ ಬೊಕ್ಕ ಬಜನೆ ಕಡಪುಡ್ರೆ ಅಕೇರಿದ ದಿನ ಸೆಪ್ಟೆಂಬರ್ 2. ರಚನೆ ಪೊಸತ್ತ್ ಆದುಪ್ಪೊಡು ದುಂಬು ಬರೆದ್ ಪೂರ ಕಡೆ ಪಟ್‌ದಿನ ಬರವುಗು ಅವಕಾಸ ಇಜ್ಜಿ. ಕವಿತೆಲೆನ್ ಅಂಚೆನೇ ಬಕ್ತಿಗೀತೆ ಬಜನೆನ್ ನಿಕಲ್ನ ಪುದರ್, ಪತ್ತಾ, ಫೋನ್ ನಂಬರ್, ಬೊಕ್ಕ ವಿಬಾಗ ಇಂಚ ಪೂರ ಮಾಹಿತಿದ ಒಟ್ಟುಗು ಈ ವಿಲಾಸಗ್ ಕಡಪುಡ್ಲೆ
ಪತ್ತಾ : ಶ್ರೀಮತಿ ಗೀತಾ ಲಕ್ಷ್ಮೀಶ್, ಶ್ರೀ ಕೃಷ್ಣ ಕವನ ಸ್ಪರ್ಧಾ ವಿಭಾಗ, ಕಲ್ಕೂರ ಪ್ರತಿಷ್ಠಾನ, ಶ್ರೀ ಕೃಷ್ಣ ಸಂಕೀರ್ಣ, ಮಹಾತ್ಮ ಗಾಂಧಿ ರಸ್ತೆ, ಕೊಡಿಯಾಲ್ ಬೈಲ್, ಮಂಗಳೂರು 575003.

ವಾಟ್ಸಾಪ್ ನಂಬರ್ : 9535656805