ನಡುವಣ ಲೋಕದ ನಡೆ” ಬೂಕು ಬುಡುಗಡೆ
ಕುಂಜೂರು, ಮೇ 30 : ಕೆ.ಎಲ್.ಕುಂಡಂತಾಯೆರ್ನ
“ನಡುವಣ ಲೋಕದ ನಡೆ – ದೈವಾರಾಧನೆ ನೆಲೆ – ಕಲೆ” ಬೂಕುದ ರಡ್ಡನೇ ಅಚ್ಚಿನ್ ಉದ್ಯಮಿ ನೈಮಾಡಿ ನಾರಾಯಣ ಕೆ.ಶೆಟ್ರ್ ಕುಂಜೂರು ದುರ್ಗಾ ದೇವಲ್ಯೊಡು ನಡತ್ತಿನ ಲೇಸ್ ಡ್ ಬುಡುಗಡೆ ಮಲ್ತೆರ್. ಎಲ್ಲೂರು ಗುತ್ತು ಪ್ರಪುಲ್ಲ ಶೆಟ್ರ್ ಜೊತೆಟಿತ್ತೆರ್.
ಪೆರಿಯ ಸಾಹಿತಿ,ವಿಮರ್ಶಕೆ ಡಾ.ಜನಾರ್ದನ ಭಟ್ರ್ ಗುರ್ಕಾರ್ಮೆ ವಹಿಸಿದಿತ್ತೆರ್ , ದೈವಾರಾಧನೆ, ನಾಗಾರಾಧನೆ,ಅಂಚೆನೆ ದೇವಲ್ಯ ಸಂಸ್ಕೃತಿತ ಬಗೆಟ್ ಕುಂಡಂತಾಯೆರ್ನ ಕೆಲಸ ಮೇಲ್ ಕಾಲೊಗು ಒರಿಯುನವು ಪಂಡೆರ್.ರಾಷ್ಟ್ರ ಪ್ರಶಸ್ತಿ ಪಡೆಯಿನ ಕಲಾ ಶಿಕ್ಷಕೆ ಮೂಡುಬೆಳ್ಳೆ ಉಪಾಧ್ಯಾಯೆರ್,
ದೇವಲ್ಯದ ಆಡಳೆತೆ ದಾರೆ ನಡಿಲ್ಲದ ದೇವರಾಜ ರಾಯೆರ್,ಪಂ. ಸದಸ್ಯೆ ಯಶವಂತ ಶೆಟ್ರ್,ದೇವಲ್ಯದ ಸುಧಾರಿಕೆದ ಗುರ್ಕಾರೆ ರಾಘವೇಂದ್ರ ಶೆಟ್ರ್ ಪಾಲ್ ಪಡೆದಿತ್ತೆರ್.
ಕವಿ,ಸಾಹಿತಿ,ವಿಮರ್ಶಕೆ ಪ್ರೊ.ರಾಮದಾಸ ಕುಂಡಂತಾಯ, ವಾಮನ ಕುಂಡಂತಾಯ ವಿಶೇಷ ಬಿನ್ನೆರಾದಿತ್ತೆರ್.ಜನಾರ್ದನ ಭಟ್ರ್ ಬೊಕ್ಕ ಉಪಾಧ್ಯಾಯೆರೆಗ್ ಮಾನಾದಿಗೆ ನಡತ್ಂಡ್.
ನಿವೃತ್ತ ಪ್ರಾಂಶುಪಾಲೆರಾಯಿನ ಸುದರ್ಶನ
ವೈ.ಎಸ್.ಪ್ರಸ್ತಾಪ ಮಲ್ತ್ ದ್ ಎದ್ಕೊಂಡೆರ್. ಸತೀಶ ಗುಡ್ಡೆಚ್ಚಿ ಲೇಸ್ ಸುಧಾರ್ತ್ ದ್ ಸೊಲ್ಮೆ ಸಂದಾಯೆರ್.~~~~~~
by 