ಉಡುಪಿಡ್ ಪವಿತ್ರ ಗುರುವಾರ ಆಚರಣೆ

ಉಡುಪಿ: ಯೇಸು ಕ್ರಿಸ್ತೆರು ತನ್ನ ಶಿಷ್ಯೆರೆನ ಒಟ್ಟುಗ್  ಅಂತಿಮ ಭೋಜನ ಮಲ್ತಿನ  ಬೊಕ್ಕ  ಕ್ರೈಸ್ತ ಧರ್ಮಸಭೆತ್ತ ಉಗಮದ ನೆನಪುನ್  ಸಾರುನ ಪವಿತ್ರ ಗುರುವಾರನ್ ಉಡುಪಿ ಜಿಲ್ಲೆಡ್ ಕ್ರೆಸ್ತೆರು ಶ್ರದ್ಧೆ, ಭಕ್ತಿಡ್  ಆಚರಣೆ ಮಲ್ತೆರು.
ಧರ್ಮ ಪಾಂತ್ಯದ ಪ್ರಧಾನ ಧಾರ್ಮಿಕ ಕಾರ್ಯಕ್ರಮ ಕಲ್ಯಾಣಪುರ ಮಿಲಾಗ್ರಿಸ್ ಕೆಥೆಡ್ರಲ್ನಡ್  ಉಡುಪಿ ಧರ್ಮ ಪ್ರಾಂತ್ಯದ ಧರ್ಮಾಧ್ಯಕ್ಷ ವಂ.ಡಾ.ಜೆರಾಲ್ಡ್ ಐಸಾಕ್ ಲೋಬೊ ನೇತೃತ್ವಡ್  ನಡತುಂಡ್.
ಧರ್ಮಾಧ್ಯಕ್ಷೆ ರು 12 ಜನ  ಪ್ರೇಷಿತರ (ವಿಶ್ವಾಸಿಗಳು) ಪಾದ ದೆಕ್ಕುದ್   ಏಸುಕ್ರಿಸ್ತರು ಸಾರಿನ ದೀನತೆ ಬೊಕ್ಕ ಪ್ರೀತಿದ ಸಂದೇಶ  ಕೊರಿಯೆರು.
ಈ ಪೊರ್ತುಡ್  ತಮ್ಮ ಸಂದೇಶಡ್  ಬಿಷಪ್ ಲೋಬೊ  ಪವಿತ್ರ ಗುರುವಾರದಾನಿ ಕ್ರೈಸ್ತ ಸಭೆ ಪ್ರಮುಖ ಮೂಜಿ ವಿಷಯದ ಬಗ್ಗೆ ನೆನಪು ಮಲ್ಪುಂಡ್. ಆನಿ ಯೇಸು ಸ್ವಾಮಿ ಪರಮ ಪ್ರಸಾದ ಸ್ಥಾಪನೆ, ಯಾಜಕ ದೀಕ್ಷೆದ  ಸ್ಥಾಪನೆ ಬೊಕ್ಕ ತನ್ನ ಅಂತಿಮ ಭೋಜನದ ದಿನದಾನಿ ಸೇವೆದ ಆಜ್ಞೆನ್  ತನ್ನ ಅನುಯಾಯಿಲೆಗ್ ಕೊರಿಯೆರು. ಯೇಸು ಸ್ವಾಮಿ ಲೋಕಕಲ್ಯಾಣಕ್ಕಾದ್  ತನನ್  ತಾನೇ ಈ ಲೋಕಗ್  ಅರ್ಪಣೆ ಮಲ್ತೆರು. ಅಂಚೆನೇ  ನಮ್ಮ ಜೀವನನ್  ಪರೋಪಕಾರಿಯಾದ್  ಜೀವಿಸಾವುನ ಮೂಲಕ ಮಾದರಿಯಾವೊಡ್  ಪಂಡೆರು.
ಕ್ಯಾಥೆಡ್ರಲ್ನ ಪ್ರಧಾನ ಧರ್ಮಗುರು ವಂ|ವಲೇರಿಯನ್ ಮೆಂಡೊನ್ಸಾ, ಸಹಾಯಕ ಧರ್ಮಗುರು ವಂ|ಜೋಯ್ ಅಂದ್ರಾದೆ, ನಿವೃತ್ತ ಧರ್ಮಗುರು ವಂ|ಲೊರೆನ್ಸ್ ರೊಡ್ರಿಗಸ್ ಉಪಸ್ಥಿತರಿತ್ತೆರು.
ಪವಿತ್ರ ಗುರುವಾರದಾನಿ  ಯೇಸು ಸ್ವಾಮಿಯು ತನ್ನ 12 ಮಂದಿ ಶಿಷ್ಯೆರೆನೊಟ್ಟುಗ್ ಸೇರ್ದ್  ತನ್ನ ಅಂತಿಮ ಭೋಜನ ಮಲ್ದಿತ್ತೆರು. ಈ ಪೊರ್ತುಡ್  ತನ್ನ ಶಿಷ್ಯೆರೆನ ಪಾದ  ದೆಕ್ಕುನ  ಮೂಲಕ ತನ್ನ ಶಿಷ್ಯರೆಗ್  ದೀನತೆದ  ಬೊಕ್ಕ  ಸೇವೆದ  ಸಂದೇಶ ಸಾರುದಿತ್ತೆರು. ಈ ದಿನ ಚರ್ಚ್ ಲೆಡ್  ಪರಮ ಪ್ರಸಾದ ಸಂಸ್ಕಾರ, ಗುರು ದೀಕ್ಷೆದ ಸಂಸ್ಕಾರ, ಸೇವೆದ ಸಂಸ್ಕಾರದ ಸ್ಮರಣೆದೊಟ್ಟುಗ್  ವಿಶೇಷ ಪ್ರಾರ್ಥನೆ, ಬಲಿಪೂಜೆ, ಆರಾಧನೆಲು  ನಡಪುಂಡ್.
ಪವಿತ್ರ ಗುರುವಾರದ ಬೊಕ್ಕ ಶುಕ್ರವಾರದಾನಿ ಯೇಸು ಸ್ವಾಮಿನ್  ಶಿಲುಬೆಗೇರಿಸಾದ್  ಶುಕ್ರವಾರದಾನಿ  ಕ್ರಿಸ್ತೆರು ಶುಭ ಶುಕ್ರವಾರವಾದ್  ಆಚರಣೆ ಮಲ್ತುದ್  ಧ್ಯಾನ, ಉಪವಾಸ ಬೊಕ್ಕ ಯೇಸುನ ಶಿಲುಬೆದ  ತಾದಿನ್  ನೆರವೇರಿಸಾವುನ  ಮೂಲಕ ಆಚರಣೆ ಮಲ್ಪುವೆರ್.