ರುದ್ರಯಾಗ ಲೆಪ್ಪೋಲೆ ಬುಡುಗಡೆ

ಮಹಾತೋಬಾರ ಕೊಡವೂರು ಶಂಕರನಾರಾಯಣ ದೇವಸ್ಥಾನ:  ಮಹಾರುದ್ರಯಾಗದ ಲೆಪ್ಪೋಲೆ ಬುಡುಗಡೆ

ಎ. 26:  ಕೊಡವೂರು ಶಂಕರನಾರಾಯಣ ದೇವಸ್ಥಾನಡ್ ಲೋಕ ಕಲ್ಯಾಣಾರ್ಥ, ನಾಡುದ  ಜನಕ್ಲೆನ ಸುಭೀಕ್ಷೆಗಾದ್ ಪ್ರಸಾದ್‌ರಾಜ್‌ ಕಾಂಚನ್‌ ನೇತೃತ್ವಡ್  ಮೇ 14ಡ್ದ್  19ಮುಟ್ಟ ನಡಪರೆಗುಪ್ಪುನ ಮಹಾ ರುದ್ರಯಾಗದ ಲೆಪ್ಪೋಲೆದ ಬುಡುಗಡೆ ಸಮಾರಂಭ ಐತಾರ ಕೊಡವೂರು ಶಂಕರನಾರಯಾಣ ದೇಗುಲದವಸಂತ  ಮಂಟಪಡ್ ನಡತುಂಡ್.

    ಲೆಪ್ಪೋಲೆ ನ್ ಉದ್ಯಮಿ  ಸಾಧು ಸಾಲ್ಯಾನ್‌ ಬುಡುಗಡೆ ಮಲ್ತುದ್ ಶುಭ ಹಾರೈಸಿಯೆರು. ಮಹಾರುದ್ರಯಾಗ ಸಮಿತಿದ ಕಾರ್ಯಾಧ್ಯಕ್ಷ ಪ್ರಸಾದ್‌ರಾಜ್‌ ಕಾಂಚನ್‌ ಪಾತೆರ್ದ್  ಮಹಾ ರುದ್ರಯಾಗ  ನಡಪುನ್ ಬಾರೀ ಕಮ್ಮಿ. ಈ ರುದ್ರಯಾಗದ ಒಟ್ಟುಗ್  ಬಡಜನಕ್ಲೆಗ್  ಆರೋಗ್ಯ ಸೇವೆ ಬೊಕ್ಕ ಉದ್ಯೋಗನ್ ಕಲ್ಪಿಸಾವುನ ಮಹತ್ಕಾರ್ಯೊನ್ ಮಲ್ಪರೆಗುಲ್ಲೆರ್..

ಕ್ರೀಡಾಕೂಟ, ವಸ್ತು ಪ್ರದರ್ಶನ, ಪ್ರಸಿದ್ದ ಕಲಾವಿದೆರೆಡ್ದ್ ಸಾಂಸ್ಕ್ರತಿಕ ಕಾರ್ಯಕ್ರಮ ನಡಪರೆಗುಂಡ್. ಸುಮಾರು 40 ಸಾರ ಜನಕ್ಲೆಗ್ ಲೆಪ್ಪೋಲೆ ನ್ ವಿತರಣೆ ಮಲ್ಪರೆಗ್ ಉಂಡು.ಮೇ 14 ಡ್ದ್ 5 ದಿನ ಕಾಲ ಅನ್ನಸಂತರ್ಪಣೆ ಉಂಡು. ವಿಶೇಷವಾದ್  5ಸಾವಿರ ಮಹಿಳೆಯೆರೆಗ್ ಮಹಾ ರುದ್ರಯಾಗ ಸಂಕಲ್ಪದೊಟ್ಟುಗ್ ಪಾಲ್ ಪಡೆಯರೆಗ್ ಅವಕಾಶ ಕಲ್ಪಿಸಾದುಂಡ್  ಪಂಡೆರು.

ಈ ಸಂದರ್ಭಡ್ ಬನ್ನಂಜೆ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷ ಮಾದವ ಪೂಜಾರಿ ಬನ್ನಂಜೆ, ಉಪ್ಪೂರು ಸಿದ್ದಿವಿನಾಯಕ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿಧ  ಅಧ್ಯಕ್ಷ ಪ್ರಶಾಂತ್‌ ಸುವರ್ಣ, ಬೆಳ್ಕಳೆ ಮಹಾಲಿಂಗೇಶ್ವರ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷ ಪ್ರಖ್ಯಾತ್‌ ಶೆಟ್ಟಿ ಬೆಳ್ಕಳೆ, ನಗರಸಭಾ ಮಾಜಿ ಸದಸ್ಯ ವಿಜಯ ಕೊಡವೂರು, ಡೆಂಟಾಕೇರ್‌ನ ಡಾ| ವಿಜಯೇಂದ್ರ ವಸಂತ್‌, ಭಜನಾ ಸಂಚಾಲಕ ಧನಂಜಯ ಕಾಂಚ್‌ನ್,  ದೇವಳದ ವ್ಯವಸ್ಥಾಪಾನಾ ಸಮತಿದ ಸದಸ್ಯೆರಾಯಿನ  ವಾದಿರಾಜ್‌ ಸಾಲ್ಯಾನ್ , ರಾಜ ಸೇರಿಗಾರ, ಶೀಲ ಕೃಷ್ಣ ದೇವಾಡಿಗ, ಭಾಸ್ಕರ ಪಾಲನ್‌ ಬಾಚನಬೈಲು , ಕೆ.  ಬಾಬ ಮೊಕುಲು ಪಾಲ್ ಪಡೆದಿತ್ತೆರು.

ವ್ಯವಸ್ಥಾನಪನಾ ಸಮಿತಿದ  ಅಧ್ಯಕ್ಷ ಪ್ರಕಾಶ್‌ ಜಿ. ಕೊಡವೂರು ಸ್ವಾಗತ ಮಲ್ತುದ್ . ಪೂರ್ಣಿಮಾ ಜನಾರ್ದನ್‌ ನಿರೂಪಣೆ ಮಲ್ತೆರು. ಸೇವಾ ಸಮಿತಿಧ  ಕಾರ್ಯದರ್ಶಿ ಜನಾರ್ದನ್‌ ಕೊಡವೂರು ಸೊಲ್ಮೆ ಸಂದಾಯ್ತ ಮಲ್ತೆರ್..