ಆರೋಗ್ಯ ಸಪ್ತಾಹ

ಆ.11ರಿಂದ 17ರವರೆಗೆ ಆರೋಗ್ಯ ಸಪ್ತಾಹ ಕಾರ್ಯಕ್ರಮ

ಉಡುಪಿ: ಲಯನ್ಸ್ ಕ್ಲಬ್ ಉಡುಪಿ ಅಮೃತ್, ರೋಟರಿ ಕ್ಲಬ್ ಕಲ್ಯಾಣಪುರ, ಉಡುಪಿ ಜಿಲ್ಲಾ ಆಸ್ಪತ್ರೆ, ಮಣಿಪಾಲ ಕಸ್ತೂರ್ಬಾ ಆಸ್ಪತ್ರೆ ಬೊಕ್ಕ ಮುನಿಯಾಲು ಆಯುರ್ವೇದಿಕ್ ಆಸ್ಪತ್ರೆದ ಸಂಯುಕ್ತ ಆಶ್ರಯಡ್ ಆರೋಗ್ಯ ಸಪ್ತಾಹ ಕಾರ್ಯಕ್ರಮನ್ ಉಡುಪಿ ಅಂಬಾಗಿಲುದ ಅಮೃತ್ ಗಾರ್ಡನ್ ಡ್ ಆಗಸ್ಟ್ 11ಡ್ದ್ 17ಮುಟ್ಟ  ಆಯೋಜನೆ ಮಲ್ದುಂಡ್.

ಉಡುಪಿಡ್  ನಡತಿನ ಸುದ್ದಿಗೋಷ್ಠಿಡ್  ಪಾತೆರಿನ  ಕಾರ್ಯಕ್ರಮದ ಸಂಯೋಜಕ ವಿನಯಕುಮಾರ್ ಕಬ್ಯಾಡಿ, ಆ. 11ಗ್ ಮಧುಮೇಹ ಬೊಕ್ಕ ರಕ್ತದೊತ್ತಡ, 12ಗ್ ಕಣ್ಣುದ ಪರೀಕ್ಷೆ, ಕೆಬಿ, ಮೂಕು, ಗಂಟಲು ಬೊಕ್ಕ ಶ್ರವಣ ಪರೀಕ್ಷೆ, 13 ಗ್ ಗರ್ಭಕೋಶ ಕ್ಯಾನ್ಸರ್ ಸ್ತನ ಕ್ಯಾನ್ಸರ್  ಬೊಕ್ಕ ದಂತ ಪರೀಕ್ಷೆ, 14ಗ್  ಚರ್ಮರೋಗ ಬೊಕ್ಕ ಎಲುಬು, ಆಯುಷ್ ವೈದ್ಯಕೀಯ ಪರೀಕ್ಷೆ, 15ಗ್ ರೆಡ್ ಕ್ರಾಸ್ ಸಂಸ್ಥೆ ಕುಂದಾಪುರ ಮೊಕ್ಲೆನ  ಸಹಯೋಗದೊಟ್ಟುಗ್ ನೆತ್ತೆರ್ ದಾನ ಶಿಬಿರ ಬೊಕ್ಕ ನೆತ್ತೆರ್  ಮಾದರಿ ಪರೀಕ್ಷೆ, 16ಗ್  ಮುನಿಯಾಲು ಆಯುರ್ವೇದಿಕ್ ಸಂಸ್ಥೆಡ್ದ್  ವೈದ್ಯಕೀಯ ತಪಾಸಣೆ, 17ಗ್ ಯೋಗಾ ಶಿಬಿರ ನಡಪರೆಗುಂಡ್ ಪಂಡೆರು.

ಈ ಶಿಬಿರಲು ಅಂಬಾಗಿಲು ಅಮೃತ್ ಗಾರ್ಡನ್ ಡ್ ಪ್ರತಿದಿನ 9:30 ಡ್ದ್  ಮಧ್ಯಾಹ್ನ 1.30 ರ ಮುಟ ನಡಪುಂಡ್.. ಆರೋಗ್ಯ ಸಪ್ತಾಹ ಕಾರ್ಯಕ್ರಮನ್  ಆಗಸ್ಟ್ 11ಗ್ ಬೆಳಿಗ್ಗೆ 9ಗಂಟೆಗ್  ರೋಟರಿ ಕ್ಲಬ್ ಐಪಿಡಿಜಿ ದೇವಾನಂದ ಉದ್ಘಾಟನೆ ಮಲ್ಪುವೆರು.

ಸುದ್ದಿಗೋಷ್ಠಿಡ್  ರೋಟರಿ ಕ್ಲಬ್ ಕಲ್ಯಾಣಪುರ ಅಧ್ಯಕ್ಷ ಶಶಿಕಾಂತ್ ನಾಯಕ್, ಅಮೃತ್ ಗಾರ್ಡನ್‌ ಮ್ಯಾನೇಜರ್ ಹರೀಶ್ ಎಂ.ಯು., ಲಯನ್ಸ್ ಕ್ಲಬ್ ಉಡುಪಿ ಅಮೃತ್ ನ ಅಧ್ಯಕ್ಷ ಗೋಪಾಲ್ ಅಂಚನ್, ಕಾರ್ಯದರ್ಶಿ ಜಯಪ್ರಕಾಶ್ ಭಂಡಾರಿ ಉಪಸ್ಥಿತರಿತ್ತೆರು