ಅಗಸ್ಟ್ 17,ಪಣಿಯಾಡಿ ಪ್ರಶಸ್ತಿ.

ಆಗಸ್ಟ್ 17, ಪಣಿಯಾಡಿ ಪ್ರಶಸ್ತಿ .

ತುಳುನಾಡು, ತುಳುಭಾಷೆ, ಸಾಹಿತ್ಯ, ಸಂಸ್ಕೃತಿದ ಬುಲೆಚ್ಚಿಲ್ ಗಾದ್ ಕರಿನ 40 ವರ್ಷಡಿಂಚಿ ಬೆನ್ನಿ ಬೆನೊಂದುಪ್ಪುನ ಸಂಸ್ಥೆ ಉಡುಪಿದ “ತುಳು ಕೂಟ (ರಿ)”.
ತುಳುನಾಡುಡ್ ತುಳು ಚಳುವಳಿನ್ ಸುರು ಮಲ್ತುದ್ ತುಳು ಸಾಹಿತ್ಯ ಬುಲೆಯರೆಗ್ ಪ್ರೋತ್ಸಾಹ ಕೊರಿನಾರು – ತುಳುನಾಡ್ ಪ್ರೆಸ್, ತುಳು ಸಾಹಿತ್ಯಮಾಲೆ, ತುಳು ಕಾದಂಬರಿ, ತುಳು ವ್ಯಾಕರಣ ರಚನೆ ಇಂಚ ಬೇಲೆಲೆನ್ ಮಲ್ತಿನಾರು, ಸ್ವದೇಶಿ ಚಳುವಳಿಡ್ ಪಾಲ್ ಪಡೆದ್ – ತುಳುನಾಡ್ ಬ್ಯಾಂಕ್ ಬೊಕ್ಕ ತುಳು ಚಳುವಳಿ ಸುರು ಮಲ್ತೆರು, ದಕ್ಷಿಣ ಕನ್ನಡ ಜಿಲ್ಲೆನ್ ತುಳುನಾಡು ಪಂಡುದ್ ಲೆಪ್ಪೊಡು. ಮುಲ್ಪ ತುಳು ಭಾಷೆ ಕಲ್ಪಾವುನ ಶಾಲೆ ಆವೊಡು ಬೊಕ್ಕ , ತುಳು ಭಾಷೆಡೇ ಪುಸ್ತಕ ಪ್ರಕಟ ಆವೊಡು, ತುಳುನ್ ಆಡಳಿತ ಭಾಷೆಯಾದ್ ಪರಿಗಣಿಸಾವೊಡು ಪಂಡುದು 1923ಡೇ ಕನ ಕಟ್ಟುದಿನಾರ್ – ಪಣಿಯಾಡಿ ಶ್ರೀನಿವಾಸ ಉಪಾಧ್ಯಾಯೆರು.
ಉಡುಪಿದ ತುಳು ಕೂಟ ಕರಿನ 30 ವರ್ಷಡಿಂಚಿ ತುಳು ಕಾದಂಬರಿ ಸ್ಪರ್ಧೆಲೆನ್ ಆಯೋಜನೆ ಮಲ್ತುದ್, ಅಯಿಟ್ ಶ್ರೇಷ್ಠ ಸ್ಥಾನ ಪಡೆಯಿನಕ್ಲೆಗ್ “ಪಣಿಯಾಡಿ ಪ್ರಶಸ್ತಿ” ಕೊರ್ಪಿನ ಮೂಲಕ ಎಸ್. ಯು. ಪಣಿಯಾಡಿ ಅರೆನ ನೆಂಪುನ್ ಶಾಶ್ವತ ಮಲ್ದುಂಡ್.. ಈ ಮೂಲಕ ಆರು ಮಲ್ದಿನ ಕೆಲಸೊನ್ ನೆಂಪು ಮಲ್ತುದ್ ಇತ್ತೆದ ಬೊಕ್ಕ ದುಂಉದ ಜನಾಂಗದ ಅರಿವುಗ್ ಕನಪಿನ ಮಹತ್ವದ ಕಾರ್ಯೊನ್ ನಿರಂತರವಾದ್ ಮಲ್ತೊಂದುಂಡ್..
ಈ ಬಾರಿ ಮುಪ್ಪನೇ ವರ್ಷದ ವಿಶ್ವಪ್ರಭಾ ಪ್ರಾಯೋಜಿತ ಪಣಿಯಾಡಿ ಕಾದಂಬರಿ ಪ್ರಶಸ್ತಿ ಪ್ರದಾನ ಕಾರ್ಯಕ್ರಮ ಆಗಸ್ಟ್ 17,ಐತಾರ ಬಯ್ಯಗ್4 ಗಂಟೆಗ್ ಉಡುಪಿ ಕಿಡಿಯೂರು ಹೋಟೆಲ್‌ ದಪವನ್ ರೂಫ್ ಟಾಪ್ ಸಭಾಂಗಣಡ್ ನಡಪರೆಗುಂಡ್.. ಕಾರ್ಯಕ್ರಮನ್ ತುಳು ಕೂಟದ ಅಧ್ಯಕ್ಷೆರಾಯಿನ ಶ್ರೀ ಜಯಕರ್ ಶೆಟ್ಟಿ ಇಂದ್ರಾಳಿ ಮೆರೆನ ಗುರ್ಕಾರ್ಮೆಡ್ ನಡಪುಂಡ್.. ನಮ್ಮ ಕೊಡವೂರು ಮೂಲದ, ಪ್ರಸ್ತುತ ಮುಂಬೈಡುಪ್ಪುನ ಶ್ರೀಮತಿ ಶಾರದಾ ಎ. ಅಂಚನ್ ಅರೆನ “ಅಕೇರಿದ ಎಕ್” ಕಾದಂಬರಿಗ್ ಪ್ರಶಸ್ತಿ ಪ್ರದಾನ ನಡಪುಂಡ್..
ಪುಸ್ತಕ ಪರಿಚಯನ್ ಶ್ರೀಮತಿ ಸುಲೋಚನಾ ಜನಾರ್ಧನ್ (ಪಚ್ಚಿನಡ್ಕ) ಮಲ್ಪುವೆರ್.. ಮಲ್ಲ ಬಿನ್ನೆರಾದ್

ಉದ್ಯಮಿ ಬೊಕ್ಕ ತುಳು ಕೂಟ ಭದ್ರಾವತಿ ಗೌರವಾಧ್ಯಕ್ಷೆರಾಯಿನ ಶ್ರೀ ಸುಧಾಕರ್ ಶೆಟ್ಟಿ
ಕನ್ನಡ ಬೊಕ್ಕ ಸಂಸ್ಕೃತಿ ಇಲಾಖೆದ ಉಡುಪಿ ಸಹಾಯಕ ನಿರ್ದೇಶಕಿ ಶ್ರೀಮತಿ ಪೂರ್ಣಿಮಾ
ಶಿವ ಸಾಗರ್ ಗ್ರೂಪ್ ಆಫ್ ಹೋಟೆಲ್ಸ್‌ನ ಉದ್ಯಮಿ ಶ್ರೀ ಪ್ರಭಾಕರ್ ಪೂಜಾರಿ
ಉಡುಪಿ ವಿಶ್ವನಾಥ್ ಶೆಣೈ ಇಪ್ಪುವೆರ್..
ಈ ಪೊರ್ತುಡ್ SSLC ಪರೀಕ್ಷೆಡ್ ತುಳು ಪಠ್ಯಡ್ 100% ಅಂಕ ಪಡೆಯಿನ ವಿದ್ಯಾರ್ಥಿಲೆಗ್ ಸನ್ಮಾನ ಮಲ್ಪುಂಡ್ ಪಂಡುದು ಪ್ರಕಟಣೆಡ್ ತೆರಿಪಾದೆರ್..