ಶಬರಿಮಲೆ ಯಾತ್ರಿಕೆರೆಗ್ ಎಚ್ಚರ

ಶಬರಿಮಲೆ ಯಾತ್ರಿಕರೇ ಎಚ್ಚರಡುಪ್ಪುಲೇ

ಮೆದುಳು ತಿನ್ಪಿನ ಅಮೀಬಾ (ನೇಗ್ಲೇ ರಿಯಾ ಫೌಲೇರಿ) ಬಗೆಟ್ ಆರೋಗ್ಯ ಸಚಿವಾಲಯಡ್ದ್ ಸುರಕ್ಷತಾ ಸಲಹಾ ಮಾರ್ಗಸೂಚಿ

ಬೆಂಗಳೂರು, ನವೆಂಬರ್ 19, (ಕರ್ನಾಟಕ ವಾರ್ತೆ):

ಕೇರಳ ರಾಜ್ಯಡ್ ನೇಗ್ಲೇರಿಯಾ ಫೌಲೇರಿ (Naegleria fowleri) ಡಾದ್ ಆಪಿನ ಅಮೀಬಿಕ್ ಮೆನಿಂಗೊಎನ್ಸೆಫಲೈಟಿಸ್ (Amoebic meningoencephalitis) ಪ್ರಕರಣೊಲು ತೋಜಿದ್ ಬರೊಂದುಂಡ್.

ಈ ಹಿನ್ನೆಲೆಡ್ ರಾಜ್ಯಡ್ ಶಬರಿಮಲೆ ಪಿದಾಡುನ
ಯಾತ್ರಿಕೆರು ತಮ್ಮ ಆರೋಗ್ಯದ ಬಗ್ಗೆ, ಜಾಗರೂಕರಾದುಪ್ಪರೆಗ್ ಬೊಕ್ಕ ಸೋಂಕು ತೆಗೆಯಿರಿ ಗ್ಅಗತ್ಯ ಮುನ್ನೆಚ್ಚರಿಕೆ ಬೊಕ್ಕ ಸುರಕ್ಷಿತಾ ಕ್ರಮಕುಲೆನ್ ಪಾಲಿಸಾವುನ ಬಗ್ಗೆ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸೇವೆದ ಆಯುಕ್ತಾಲಯ ಅಗತ್ಯ ಮುನ್ನೆಚ್ಚರಿಕೆ ಕ್ರಮ ಪಾಲಿಸಾವರೆಗ್ ಸಲಹೆ ಕೊರ್ತುಂಡ್.

ನೇಗ್ಲೇರಿಯಾ ಫೌಲೇರಿ (Naegleria fowlen) ಪನ್ಪಿನವ್ ಒಂಜಿ ಸ್ವತಂತ್ರವಾದ್ ಬದುಕುನ ಅಮೀಬಾ ಆದಿತ್ತುದ್, ಉಂದು ಮುಖ್ಯವಾದ್ ಬೆಚ್ಚ ಸೀಪೆನೀರು ಬೊಕ್ಕ ಮಣ್ಣುಡ್ ತೋಜಿದ್ ಬರ್ಪುಂಡ್.. ಉದಾಹರಣೆಗ್ ಉಂತಿನ ನೀರು, ಕೆದು ಈಜು ಕೊಳ ಬೊಕ್ಕ ಕೆರೆ..
ಈ ಸೋಂಕು ವ್ಯಕ್ತಿಡ್ ವ್ಯಕ್ತಿಗ್ , ಕಲುಷಿತ ಆಯಿನ ನೀರುನ್ ಪರ್ಪಿನೇಟ್ ಬರ್ಪುಜಿ.
ನೇಗ್ಲೇರಿಯಾ ಫೌಲರಿ (Naegleria fowleri) ಅತ್ಯಂತ ವಿಷಕಾರಿ (virulent) ಸೂಕ್ಷ್ಮಜೀವಿಯಾದಿತ್ತುದ್, ನೀರುಡ್ ಮೂಕುಗ್ ಪ್ರವೇಶ ಮಲ್ತಿನಪಗ ಅವ್ ಮೆದುಳುಗ್ ಪೋದ್ ಅಮೀಬಿಕ್ ಮೆನಿಂಗೊಎನ್ಸೆಫಲೈಟಿಸ್ (Amoebic meningoencephalitis) ಪನ್ಪಿನ ಅಪರೂಪದ ಗಂಭೀರ ಬೊಕ್ಕ ಮಾರಣಾಂತಿಕ ಖಾಯಿಲೆನ್ ಉಂಡು ಮಲ್ಪುಂಡ್.. ಆಂಚಾದ್ ಯಾತ್ರೆದ ಸಂದರ್ಭಡ್ ಉಂತಿನ ನೀರುಡ್ ಮೀಪಿನಪಗ ನೀರು ಪ್ರವೇಶ ಆವಂದಿಲೆಕ್ಕ ಮೂಕುದ ಕ್ಲಿಪ್‌ ಲೆನ್ ಬಳಸಾದ್ ಅತ್ತುಂಡ ನಿಕ್ಲೆನ ಮೂಕುನ್ ಬಿಗಿಯಾದ್ ಮುಚ್ಚಿ ಪಸೊಂದು ಮುನ್ನೆಚ್ಚರಿಕೆ ಮಲ್ಪುನ ಸೂಕ್ತ.
ನೀರುದ ಸಂಪರ್ಕದ ಏಳು ದಿನತ್ತ ಉಲಾಯಿ ಜ್ವರ ತೀವ್ರ ತರೆಬೇನೆ ವಾಕರಿಕೆ, ವಾಂತಿ, ಕುತ್ತಿಗೆ ಬಿಗಿತ, ಗೊಂದಲ, ಮಾನಸಿಕ ಸ್ಥಿತಿಟ್ ಬದಲಾವಣೆ ಬೊಕ್ಕ ವ್ಯಕ್ತಿನ ವರ್ತನೆಡ್ ಅಸ್ವಸ್ಥತೆ (behavioural disorders) ಲಕ್ಷಣ ತೋಜಿದ್ ಬತ್ತುಂಡ ನಿರ್ಲಕ್ಷಿಸಾವಂದೆ ತುರ್ತು ಆರೈಕೆನ್ ಪಡೆಯರೆಗ್ ಕೈತಲುದ ಸರ್ಕಾರಿ ಆಸ್ಪತ್ರೆ ಅತ್ತುಂಡ ವೈದ್ಯೆರೆನ್ ಸಂಪರ್ಕಿಸಾವರೆಗ್ ಆರೋಗ್ಯ ಬೊಕ್ಕ ಕುಟುಂಬ ಕಲ್ಯಾಣ ಸೇವೆದ ಇಲಾಖೆದ ಆಯುಕ್ತೆರು ಪ್ರಕಟಣೆಡ್ ತೆರಿಪಾದೆರ್.