ಭಜನೆನ್ ಮಾತೆರ್ಲ ಒಟ್ಟಾದ್ ಪನ್ನಗ ಯಾನು ಪನ್ಪಿನ ಮನೋಭಾವ ಪೋದ್ ನಮ ಪನ್ಪಿನ ಮನೋಭಾವ ಬರ್ಪುಂಡ್ ಚಾರಿತ್ರಿಕವಾಯಿನ ಜಾಗವಾಯಿನ ಮಲ್ಪೆಡ್ ಭಜನಾ ಸ್ಪರ್ಧೆ ದ ಹೆಚ್ಚು ಹೆಚ್ಚು ಭಜನಾ ತಂಡೊಲು ಮೂಡುದ್ ಬರಡ್ ಪನ್ಪಿನ ಆಶಯಡ್ ಆಯೋಜನೆ ಮಲ್ದಿನ ಈ ಕಾರ್ಯಕ್ರಮಡಾದ್ ನನಲಾತ್ ತಂಡೊಲು ಮೂಡ್ದ್ ಪಂಡುದ್ ಪ್ರೊ. .ಎಮ್.ಎಲ್.ಸಾಮಗ ಪಂಡೆರ್.ಆರು ಶ್ರೀ ಕೃಷ್ಣ ಪರಿಸರ ಪ್ರತಿಷ್ಠಾನದ ವತಿಡ್ದ್ ಮಲ್ಪೆದ ಆನಂದ ಶರಧಿಡ್ ನಡತೊಂದುಪ್ಪುನ ಭಜನಾ ಸ್ಪರ್ಧೆನ್ ಉದಿಪನ ಮಲ್ತುದ್ ಪಾತೆರಿಯೆರು.
ಈ ಪೊರ್ತುಡ್ ವೇದಿಕೆ ಡ್ ಪಡುಬಿದ್ರಿ ಖಡ್ಗೇಶರಿ ಶ್ರೀ ವನದುರ್ಗಾ ಬ್ರಹ್ಮ ಸ್ಥಾನದ ಕಾರ್ಯದರ್ಶಿ ಲಾಯಿನ ಶ್ರೀ ವೈ.ಎನ್.ರಾಮಚಂದ್ರರಾವ್ , ಮಲ್ಪೆ ಹನುಮಾನ್ ನಗರ ಹನುಮಾನ್ ವಿಠೋಬ ಭಜನಾ ಮಂದಿರದ ಅಧ್ಯಕ್ಷೆರಾಯಿನ ಶ್ರೀ ರವಿ ಕಾಂಚನ್, ಕೊಡವೂರು ಸಿ.ಎ.ಬ್ಯಾಂಕ್ ದ ಅಧ್ಯಕ್ಷೆ ರಾಯಿನ ಶ್ರೀ ನಾರಾಯಣ ಬಲ್ಲಾಳ್,ತುಶಿಮಾಮ(ರಿ) ದ ಅಧ್ಯಕ್ಷೆ ರಾಯಿನ ಶ್ರೀ ಜಯರಾಮ ಆಚಾರ್ಯ ಬೈಲೂರು ,ರುಕುಮಾಯಿ ಮಹಿಳಾ ಮಂಡಳಿದ ಅಧ್ಯಕ್ಷೆ ರಾಯಿನ ಶ್ರೀಮತಿ ಗೀತಾ ಬಾಲಕೃಷ್ಣ, ಉದ್ಯಾವರ ಸಂಗಮ ಸಾಂಸ್ಕೃತಿಕ ವೇದಿಕೆದ ಅಧ್ಯಕ್ಷೆರಾಯಿನ ಶ್ರೀ ಗಣೇಶ್ ಕುಮಾರ್, ಜಿಲ್ಲಾ ಪಂಚಾಯತ್ ದ ನಿಕಟಪೂರ್ವ ಸದಸ್ಯೆರಾಯಿನ ಶ್ರೀಮತಿ ಗೀತಾಂಜಲಿ ಸುವರ್ಣ ಉಪಸ್ಥಿತರಿತ್ತೆರು ಅದಮಾರು ಮಠದ ದಿವಾನೆರಾಯಿನ. ಶ್ರೀ ಗೋವಿಂದರಾಜ್ ಸ್ವಾಗತ ಮಲ್ತುದ್, ಓಂಪ್ರಕಾಶ್ ಭಟ್ ಧನ್ಯವಾದ ಸಮರ್ಪಿಸಾಯೆರು. ವಿದ್ವಾನ್ ಷಣ್ಮುಖ ಹೆಬ್ಬಾರ್ ಸಭಾಕಾರ್ಯಮದ ನಿರೂಪಣೆ ಮಲ್ತೆರು.
ಸಭಾ ಕಾರ್ಯಕ್ರಮಡ್ ಬೊಕ್ಕ ಯುವಕೆರೆನ ತಂಡದ ಭಜನಾ ಸ್ಪರ್ಧೆ ನಡತುಂಡ್.ಭಜನಾ ಸಂಚಾಲಕೆರಾಯಿನ ಶ್ರೀ ಅರುಣ್ ಕುಂದರ್ ಭಜನಾ ಸ್ಪರ್ಧೆದ ನಿಯಮಲೆನ್ ತೆರಿಪಾಯೆರ್.ವಿದೂಷಿ ಲಲಿತಾ ಶ್ರೀ ರಾಮ್ ಬೊಕ್ಕ ವಿದ್ವಾನ್ ಅಶೋಕ್ ಆಚಾರ್ ತೀರ್ಪು ಗಾರೆರಾದ್ ಸಹಕಾರ ಮಲ್ತೆರ್.
by 