ಭಕ್ತಿರಥಯಾತ್ರೆ

ಕೊಡವೂರು ದೇವಳಡ್ ಭಕ್ತಿರಥ ಯಾತ್ರೆಗ್ ಸ್ವಾಗತ

ಜಗದ್ಗುರು ಮಧ್ವಾಚಾರ್ಯರ ಮಹಿಮೆನ್ ಪ್ರತಿಬಿಂಬಿಸಾವುನ ಬೊಕ್ಕ ಪೆರ್ಣಂಕಿಲ ಶ್ರೀ ಮಹಾಲಿಂಗೇಶ್ವರ ಮಹಾಗಣಪತಿ ದೇವಳಡ್ ನಡಪರೆಗುಪ್ಪುನ ಭಕ್ತಿ ಸಿದ್ಧಾಂತೋತ್ಸವ ಬೊಕ್ಕ ರಾಮೋತ್ಸವದ ಪ್ರಯುಕ್ತ ಉಡುಪಿಯಾದ್ಯಂತ ಸಂಚಾರ ಮಲ್ಪುನ ಭಕ್ತಿರಥ ಯಾತ್ರೆಗ್  ಕೊಡವೂರು ದೇವಳಡ್ ಸ್ವಾಗತ ಕೊರ್ದ್ , ದೇವರೆಗ್  ಮಹಾ ಮಂಗಳಾರತಿ ನೆರವೇರುಂಡ್.

ರಥಯಾತ್ರೆಗ್ ಬತ್ತಿನ  ವಿದ್ವಾನ್ ಶಶಾಂಕ್ ಭಟ್ , ವಿದ್ವಾನ್ ಕೃಷ್ಣರಾಜ್ ಭಟ್ ಕುತ್ಪಾಡಿ, ಬೊಕ್ಕ ವಿ ಜಿ ಆಚಾರ್ಯ ಮೆರೆನ್ ಶ್ರೀ ದೇವಳದ ವತಿಡ್ದ್  ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಪ್ರಕಾಶ್ ಜಿ ಕೊಡವೂರು ಶಾಲು ಪಾಡ್ದ್ ಗೌರವಿಸಾಯೆರು.

ಈ ಸಂದರ್ಭಡ್  ಸಮಿತಿ ಸದಸ್ಯೆರಾಯಿನ ಪ್ರಸಾದ್ ಭಟ್, ವಾದಿರಾಜ್ , ಎ ರಾಜ ಸೇರಿಗಾರ್, ಯಶೋಧರ್, ಭಾಸ್ಕರ್ ಪಾಲನ್ , ಕೆ. ಬಾಬ, ಉಷಾ ಆನಂದ್ , ಶೀಲಾ ದೇವಾಡಿಗ , ಶಂಕರನಾರಾಯಣ ಭಕ್ತವೃಂದದ ಅಧ್ಯಕ್ಷ ದಿವಾಕರ ಶೆಟ್ಟಿ, ಶಂಕರನಾರಾಯಣ ಸೇವಾ ಸಮಿತಿದ ಕಾರ್ಯದರ್ಶಿ ಜನಾರ್ದನ್ ಕೊಡವೂರು , ರವಿರಾಜ್ ಹೆಗ್ಡೆ , ರಾಮ ಶೇರಿಗಾರ್, ಶೇಖರ್ ಉದ್ದಿನ ಹಿತ್ಲು, ಪ್ರಕಾಶ್ ಬಂಗೇರ, ಅರುಣ್ ಗಾಣಿಗ ದೇವಳದ ಉಮೇಶ್ ರಾವ್, ವಾಸುದೇವ ಉಪಾಧ್ಯ, ರೋಹಿಣಿ ಬಾಯರಿ, ಪ್ರೇಮ ಬಾಯರಿ ಇತ್ತೆರು.