ಶ್ರೀ ಗೋಪಾಲಕೃಷ್ಣ ಸನ್ನಿಧಿ

ಉಡುಪಿ ತಾಲೂಕುದ ಶ್ರೀ ಗೋಪಾಲಕೃಷ್ಣ ಸನ್ನಿಧಿ ಕಲ್ಲಮಠ, ಪುತ್ತಿಗೆ ದ 1.55 ಕೋಟಿ ರೂಪಾಯಿಯ ಅಂದಾಜು ವೆಚ್ಚದ ಜೀರ್ಣೋದ್ಧಾರ ಪ್ರಕ್ರಿಯೆ ಚಾಲನೆಡಿತ್ತುದ್, ಈ ಪುಣ್ಯದ ಕಾರ್ಯಗ್ “ಶ್ರೀ ಕ್ಷೇತ್ರ ಧರ್ಮಸ್ಥಳ ಧರ್ಮೋತ್ಥಾನ ಟ್ರಸ್ಟ್” ಮುಖಾಂತರ ಪೂಜ್ಯೆರಾಯಿನ ಡಾ| ಡಿ. ವೀರೇಂದ್ರ ಹೆಗ್ಗಡೆ ಮೇರು ಕೊರ್ತಿನ 5 ಲಕ್ಷ ರೂಪಾಯಿದ ಮೊತ್ತದ ಡಿಡಿ ನ್ ಶ್ರೀ ಕಲ್ಲಮಠದ ಜೀರ್ಣೋದ್ಧಾರ ಸಮಿತಿ ದಕ್ಲೆಗ್ ಭಕ್ತಿಪೂರ್ವಕವಾದ್ ಹಸ್ತಾಂತರ ಮಲ್ತೆರ್. ಈ ಸಂದರ್ಭಡ್ ಜೀರ್ಣೋದ್ಧಾರ ಸಮಿತಿ ಬೊಕ್ಕ ಟ್ರಸ್ಟ್ ದ ಪ್ರಧಾನ ಕಾರ್ಯದರ್ಶಿಯಾಯಿನ ಶ್ರೀ ಹರೀಶ್ ಪೂಜಾರಿ ಎಸ್. ಮೇರು ಮಾತೆರೆನ್ ಸ್ವಾಗತ ಮಲ್ತುದ್, ಶ್ರೀ ಕ್ಷೇತ್ರ ಧರ್ಮಸ್ಥಳದ ಕೊಡುಗೆನ್ ಮನಃಪೂರ್ವಕವಾದ್ ಶ್ಲಾಘಣೆ ಮಲ್ತೆರು.
ಶ್ರೀ ಕ್ಷೇತ್ರ ಧರ್ಮಸ್ಥಳ ಗ್ರಾಮಾಭಿವೃದ್ದಿ ಯೋಜನೆ(ರಿ)ದ ಉಡುಪಿ ತಾಲೂಕು ಯೋಜನಾಧಿಕಾರಿಯಾಯಿನ ಶ್ರೀಯುತ ಸುರೇಂದ್ರ ನಾಯ್ಕ್ ಮೇರು ಪಾತೆರ್ದ್ ಶ್ರೀ ಕ್ಷೇತ್ರ ಧರ್ಮಸ್ಥಳ ಡ್ದ್ ದೇವಸ್ಥಾನ, ಭಜನಾ ಮಂದಿರ, ಶಾಲೆ ಬೊಕ್ಕ ಬಾಕಿದ ಸಾಮಾಜಿಕ ಚಟುವಟಿಕೆಲೆಗ್ ಇದಮುಟ್ಟ ಕೋಟಿಗಟ್ಟಲೆ ರೂಪಾಯಿಲೆನ್ ಕೊರ್ಪಿನತ್ತಾವಂದೆ, ಜನಕ್ಲೆನ ಕಷ್ಟ ಸುಖನ್ ತೆರಿಯೊಂದ್ ಸ್ವಾವಲಂಬಿಯಾದ್ ಬದುಕು ಕಟ್ಟೊನರೆಗ್ ಬೋಡಾಯಿನ ಮಾತಾ ರೀತಿದ ಸಹಕಾರ ಶ್ರೀ ಕ್ಷೇತ್ರ ಕೊರ್ಪಿನವ್ವೆನ್ ವಿವರಣೆ ಕೊರಿಯೆರು.
ಈ ಕಾರ್ಯಕ್ರಮಡ್ ಜೀರ್ಣೋದ್ಧಾರ ಸಮಿತಿ ಬೊಕ್ಕ ಟ್ರಸ್ಟ್ ದ ಅಧ್ಯಕ್ಷೆರಾಯಿನ ಶ್ರೀ ಪದ್ಮನಾಭ ಭಟ್ ಕಲ್ಲಮಠ, ಶ್ರೀ ಗೋಪಾಲಕೃಷ್ಣ ಮಠದ ಪ್ರಧಾನ ಅರ್ಚಕೆರಾಯಿನ ಶ್ರೀ ರಘುಪತಿ ಭಟ್, ಶ್ರೀ ಧರ್ಮಸ್ಥಳ ಮಂಜುನಾಥೇಶ್ವರ ಭಜನಾ ಪರಿಷತ್ತ್, ಉಡುಪಿ ತಾಲೂಕು ಅಧ್ಯಕ್ಷೆರಾಯಿನ ಶ್ರೀ ವಿಜಯ ಶೆಟ್ಟಿ ಕೊಂಡಾಡಿ, ಶ್ರೀ ಕ್ಷೇತ್ರ ಧರ್ಮಸ್ಥಳ ಸ್ವಸಹಾಯ ಸಂಘಗಳ ಹಿರಿಯಡ್ಕ ವಲಯದ ಅಧ್ಯಕ್ಷೆರಾಯಿನ ಶ್ರೀ ಗಣೇಶ್ ನಾಯ್ಕ್, ಹಿರಿಯಡ್ಕ ವಲಯದ ಮೇಲ್ವಿಚಾರಕೆರಾಯಿನ ಶ್ರೀ ರಾಜ್, ಜೀರ್ಣೋದ್ಧಾರ ಸಮಿತಿ ಬೊಕ್ಕ ಟ್ರಸ್ಟ್ ದಉಪಾಧ್ಯಕ್ಷೆರಾಯಿನ ಶ್ರೀಮತಿ ಪರಿಮಳ ಆಶಾ, ಕೋಶಾಧಿಕಾರಿ ಶ್ರೀ ಸುರೇಶ್ ನಾಯ್ಕ್, ಸದಸ್ಯೆರಾಯಿನ ರಾಜು ಶೆಟ್ಟಿ ಕದಿಕೆ, ಶ್ರೀ ಭೋಜ ಶೆಟ್ಟಿ ಮಟ್ಟಿಬೈಲು, ಒಕ್ಕೂಟದ ಸೇವಾ ಪ್ರತಿನಿಧಿಲಾಯಿನ ಶ್ರೀಮತಿ ಪ್ರತಿಮಾ ಬೊಕ್ಕ ಶ್ರೀಮತಿ ಯಶೋದ ಆಚಾರ್ಯ, ತಾಲೂಕು ಭಜನಾ ಪರಿಷತ್ತಿನ ಕೋಶಾಧಿಕಾರಿ ಶ್ರೀಮತಿ ಪೂರ್ಣಿಮಾ, ಭಜನಾ ಪರಿಷತ್ತಿನ ಪೆರ್ಡೂರು ವಲಯ ಬೊಕ್ಕ ಪೆರ್ಡೂರು ಗ್ರಾಮ ಪಂಚಾಯತ್ ಮಾಜಿ ಅಧ್ಯಕ್ಷೆರಾಯಿನ ಶ್ರೀಮತಿ ಶಾಂಭವಿ ಕುಲಾಲ್, ಒಕ್ಕೂಟದ ಅಧ್ಯಕ್ಷೆರಾಯಿನ ಶ್ರೀಮತಿ ಜಯಲಕ್ಷ್ಮೀ ಹೆಗ್ಡೆ ಬೊಕ್ಕ ಬಾಕಿದ ಕೆಲವು ಸಂಘದ ಸದಸ್ಯೆರು ಉಪಸ್ಥಿತರಿತ್ತೆರು.