ಆನಂದ ಶರಧಿ ಡ್ ಭಜನಾ ಸ್ಪರ್ಧೆ

ಮಲ್ಪೆ ದ ಆನಂದ ಶರಧಿನ್ ತೀರ್ಥಕ್ಷೇತ್ರವಾದ್  ಸಂರಕ್ಷಣೆ ಮಲ್ಪೊಡ್ ಪಂಡುದು. ವೇದಮೂರ್ತಿ ಶ್ರೀ ಪ್ರವೀಣ್ ತಂತ್ರಿ ಪಂಡೆರ್.ಆರ್ ಮಲ್ಪೆ ಆನಂದ ಶರಧಿಡ್ ಶ್ರೀ ಕೃಷ್ಣ ಪರಿಸರ ಪ್ರತಿಷ್ಠಾನದ ವತಿಡ್ದ್ ಆಯೋಜನೆ ಮಲ್ದಿನ ಭಜನಾ ಸ್ಪರ್ಧೆದ ಸಭಾ ಕಾರ್ಯಕ್ರಮಡ್ ಮಲ್ಲ ಬಿನ್ನೆರಾದ್ ಪಾತೆರಿಯೆರ್. ಹಿಂದೂ ಧರ್ಮಡ್ ಉಪ್ಪುನ ಧರ್ಮ ಗ್ರಂಥೊಲು ಬೇತೆ ಧರ್ಮೊಡ್ ಇಜ್ಜಿ. ಆಂಡ ದುರಂತ ಪಂಡ ಅವ್ವ್ ಮಾತಾ  ಸಂಸ್ಕೃತ ಭಾಷೆಡ್ ಉಂಡು.ಅವ್ವ್ ಒಂಜಿ ವರ್ಗಗ್ ಮಾತ್ರ ಸೀಮಿತ ಆದುಂಡ್. ಭಗವದ್ಗೀತೆ ಪುಸ್ತಕಗ್ ಅರಶಿನ ಕುಂಕುಮ ಪಾಡ್ದ್ ಪೂ ದೀದ್ ಪೂಜೆ ಮಲ್ತುದ್ ಶ್ರೀ ಕೃಷ್ಣ ನ ಅನುಗ್ರಹ ಆಂಡ್ ಪಂಡುದು ಎನ್ನುಂಡ ಆಪುಜಿ.ಭಗವದ್ಗೀತೆನ್ ಓದುದ್ ಅರ್ಥ ಮಲ್ತೊಂದ್ ಅವ್ವೆನ್ ನಮ್ಮ ಬದುಕು ಡ್  ಪಾಲಿಸಾಂಡ ಮಾತ್ರ ಅಯಿಕ್ಕೊಂಜಿ ಸಾರ್ಥಕತೆ ಬರ್ಪುಂಡ್..ಆಂಡ ಈ ದುರಂತಗ್ ನಮ್ಮ ಹಿರಿಯೆರ್ ಒಂಜಿ ಪರಿಹಾರಲಾ ನಾಡುದೆರ್.ದಾಸಸಾಹಿತ್ಯ ಬುಲೆದ್ ಬತ್ತುಂಡ್.  ವಾದಿರಾಜೆರೆನ ಕಾಲಘಟ್ಟೊಡ್ ದಾಸಸಾಹಿತ್ಯದ ಮೂಲ ಪುರುಷೆರಾದ್ ತೋಜಿನಾರ್ ಮಧ್ವಾಚಾರ್ಯೆರ್.ಅರೆನ ಪರಂಪರೆಡ್ ಬತ್ತಿನ, ಅದಮಾರು ಶ್ರೀ ಕ್ಲೆನ ಮೂಲ ಪರಂಪರೆ ಡ್ ಬತ್ತಿನ ನರಹರಿ ತೀರ್ಥರು ಯಕ್ಷಗಾನೊನ್ ಮುಲ್ಪ ಆರಂಭ ಮಲ್ತುದ್ ,ವಾದಿರಾಜೆರ್ ತುಳು ಬಾಸೆ ಡ್ ತಯಾರ್ ಮಲ್ತೆರ್.ಅಂಚಾದ್ ವೇದೊಲು ಪುರಾಣೊಲು ಸಾಮಾನ್ಯೆರೆಗುಲಾ ಅರ್ಥ ಆಪಿಲೆಕ್ಕ ಆಂಡ್.