ಕಡಲುಡೇ ಕುಲಕಸುಬು ಮಲ್ತೊಂದ್ ಬದುಕು ನಡಪಾವೊಂದುಪ್ಪುನ ಕಡಲಪ್ಪೆ ಜೋಕುಲು ಇಂಚಪ್ಪ ಕಡಲುಡ್ ಮತ್ಸ್ಯಸಂಪತ್ತು ಕಮ್ಮಿ ಆವೊಂದುಪ್ಪುನೆಡ್ದಾವರ ಕಂಗಾಲಾತೆರ್. ದೈವ ದೇವಸ್ಥಾನಲೆಡ್ ಪೂಜೆ ಪುರಸ್ಕಾರ ಕೊರೊಂದು ತನ್ನ ಬಂಜಿದಪಡಿಕ್ಕಾದ್ ಭಕ್ತಿದ ಸುಗಿಪು ಮಲ್ತೊಂದ್ ಪರಕೆಲಾ ಕೊರೊಂದುಲ್ಲೆರ್.
ಇಂಚಪ್ಪೊಗ್ ಜೀರ್ಣೋದ್ದಾರ ಆದ್ ದೇವಸ್ಥಾನ ಆದ್ ಬ್ರಹ್ಮಕಲಶೋತ್ಸವ ನಡತಿನ ಕಾಪುದಪ್ಪೆ ಮಾರಿಯಮ್ಮ ಪಂಡುದೇ ಪುಗಾರ್ತೆನ್ ಪಡೆಯಿನ ಪೊಸಮಾರಿಗುಡಿ ದೇವಸ್ಥಾನಗ್ ಇನಿ ಸಮಸ್ತ ಮೀನುಗಾರೆರ್ ಭೇಟಿ ಕೊರ್ದ್ ಮತ್ಸ್ಯಸಂಪತ್ತುಗಾದ್ ಕಾಪುದಪ್ಪೆಗ್ ವಿಶೇಷ ಸೇವೆ ಕೊರಿಯೆರ್. ಈ ಪೊರ್ತುಡ್ ನವದುರ್ಗಾ ಲೇಖನ ಯಜ್ಞ ಸಮಿತಿದ ಉಪಾಧ್ಯಕ್ಷ ಹರಿಯಪ್ಪ ಕೋಟ್ಯಾನ್, ಪರ್ಸಿನ್ ಮೀನುಗಾರರ ಸಂಘದ ಅಧ್ಯಕ್ಷೆರಾಯಿನ ನಾಗರಾಜ್ ಸುವರ್ಣ ಮಲ್ಪೆ, ಕಾರ್ಯದರ್ಶಿ ಸಂತೋಷ್ ಸುವರ್ಣ ಬೊಕ್ಕ ನವೀನ್ ಕೋಟ್ಯಾನ್, ಗೌರವ ಸಲಹೆಗಾರೆರಾಯಿನ ಕೃಷ್ಣ ಸುವರ್ಣ ಮಲ್ಪೆ ಬೊಕ್ಕ ಗುರುದಾಸ್ ಬಂಗೇರ ಬೊಕ್ಕ ಪದಾಧಿಕಾರಿಲು ಬೊಕ್ಕ ಸದಸ್ಯೆರು ಉಪಸ್ಥಿತರಿತ್ತೆರು.
by 