ಕಾಪು ಪೊಸ ಮಾರಿಗುಡಿಟ್ ಜೂ.17 ಗ್ “ದೇವಿ ದ್ವಾರ ಸ್ಥಾಪನೆ”.

ಇತಿಹಾಸೊಡೇ ಪುಗಾರ್ತೆನ್ ಪಡೆದಿನ ಕಾಪುದ ಮೂಜಿ ಮಾರಿಗುಡಿಲೆನ್ ಒಂಜಾಯಿನ ಜೀರ್ಣೋದ್ಧಾರ ಆವೊಂದುಪ್ಪುನ ಪೊಸ ಮಾರಿಗುಡಿಟ್ ಜೂ.17 ತಾರೀಕು ಶುಕ್ರವಾರದಾನಿ ಕಾಂಡೆ 9 ಗಂಟೆ 9. ನಿಮಿಷೊಗ್ ಸರಿಯಾದ್ ಗರ್ಭಗುಡಿ ಬೊಕ್ಕ ಉಚ್ಚಂಗಿ ಗುಡಿತ್ತ “ದೇವಿ ದ್ವಾರ ಸ್ಥಾಪನೆ” ಊರ ಪರವೂರ್ದ ಗಣ್ಯೆರೆನ ,ದಾನಿಲೆನ ಉಪಸ್ಥಿತಿಡ್ ನಡಪರೆಗುಂಡ್.ಅಪ್ಪೆನ ಭಗವದ್ಭಕ್ತೆರ್ ಈ ಪುಣ್ಯಕಾರ್ಯೊಡ್ ಪಾಲ್ ಪಡೆದ್ ಶ್ರೀ ದೇವಿನ ಕ್ರಪೆಕ್ ಪಾತ್ರರಾವೊಡ್ ಪಂಡುದ್ ಪೊಸಮಾರಿಗುಡಿತ್ತ ಅಭಿವ್ರದ್ಧಿ ಸಮಿತಿದ ಅಧ್ಯಕ್ಷೆರ್ ಬೊಕ್ಕ ಸರ್ವಸದಸ್ಯೆರ್ ಬಿನ್ನಪ ಮಲ್ತುದೆರ್.

ದೇವಸ್ಥಾನದ ಜೀರ್ಣೋದ್ಧಾರ ಸಮಿತಿದ ಉಪಸಮಿತಿಡುಪ್ಪುನ ಮುಖ್ಯ ಸಂಚಾಲಕೆರ್,ಸಂಚಾಲಕೆರ್,ಬೊಕ್ಕ ಸರ್ವಸದಸ್ಯೆರ್ ಎಲ್ಲೆ ನಡಪರೆಗುಪ್ಪುನ ಗರ್ಭಗುಡಿ ಬೊಕ್ಕ ಉಚ್ಚಂಗಿ ಗುಡಿತ್ತ ದೇವಿದ್ವಾರ ಸ್ಥಾಪನೆದ ಕಾರ್ಯಕ್ರಮೊಗ್ ಕಾಂಡೆ 8.15 ಗ್ ದೇವೆರೆನ ಎದುರುಡ್ ನಡಪುನ ಪ್ರಾರ್ಥನೆಡ್ ಪಾಲ್ ಪಡೆಯೊಡ್ ಪಂಡುದ್ ಬಿನ್ನಪ ಮಲ್ತುದೆರ್.