ಪುದೆ ಕಾಣಿಕೆ ಮೆರವಣಿಗೆ

ಕೊಡವೂರು ಶಂಕರನಾರಾಯಣ ದೇವಸ್ಥಾನ: ಮಹಾ ರುದ್ರಯಾಗ

ಇನಿ ವೈಭವದ ಪುದೆಕಾಣಿಕೆ ಮೆರವಣಿಗೆ

ಮಲ್ಪೆ ಮೇ 14: ಕೊಡವೂರು ಶ್ರೀ ಶಂಕರ ನಾರಾಯಣ ದೇವಸ್ಥಾನಡ್ ಪ್ರಸಾದ್‌ ರಾಜ್ ಕಾಂಚನ್  ನೇತೃತ್ವಡ್ ಲೋಕ ಕಲ್ಯಾಣಾರ್ಥವಾದ್ ಮೇ 14ಡ್ದ್ 19ಮುಟ್ಟ ನಡಪರೆಗುಪ್ಪುನ ಮಹಾ ರುದ್ರಯಾಗದ ಪೂರ್ವಭಾವಿಯಾದ್ ಗುರುವಾರ ಪಚ್ಚ ಪುದೆಕಾಣಿಕೆ ಮೆರವಣಿಗೆ ಮಲ್ಪೆ ಶ್ರೀ ಅಯ್ಯಪ್ಪ ಮಂದಿರಡ್ದ್ ಕೊಡವೂರು ಶಂಕರನಾರಾಯಣ ದೇವಸ್ಥಾನಗ್ ವೈಭವಯುತವಾದ್  ಸಾಗುದ್ ಬರ್ಪುಂಡು..

ಡಾ| ಮಹರ್ಷಿ ಆನಂದ ಗುರೂಜಿ ಪಾಲ್

ಬ್ರಹ್ಮರ್ಷಿ ಆನಂದ ಸಿದ್ದಿ ಪೀಠಂ ಬೊಕ್ಕ ಶ್ರೀ ಲಕ್ಷ್ಮೀ ಭೂ ವರಾಹ ಸಾಲಿಗ್ರಾಮ ಕ್ಷೇತ್ರದ ಸಂಸ್ಥಾಪಕೆರಾಯಿನ  ಡಾ| ಮಹರ್ಷಿ ಆನಂದ ಗುರೂಜಿ ಮೇರುಮೆರವಣಿಗೆಡ್ ಪಾಲ್ ಪಡೆದ್ ಬೊಕ್ಕ ಆಶೀರ್ವಚನ ಕೊರ್ರೆಗುಲ್ಲೆರ್. ಮಹಾರುದ್ರಯಾಗ ಸಮಿತಿದ ಗೌರವಾಧ್ಯಕ್ಷ ನಾಡೋಜ ಡಾ| ಜಿ. ಶಂಕರ್ ಚಾಲನೆ ಕೊರ್ಪೆರು. ಮೆರವಣಿಗೆಡ್ ಕೊಂಬು, ಕಹಳೆ, ವಾದ್ಯಘೋಷ, ಕೀಲು ಕುದುರೆ, ಕರಗ ನೃತ್ಯ, ಚೆಂಡೆ, ವಯೋಲಿನ್, ನವ ದುರ್ಗೆಯೆರು, 6 ಮಂದಿ ಮಹಿಳೆಯೆರೆನ ಮರಕಾಲುದ ನಡಿಗೆ, ಕಲಶ  ಪಸೊಂದಿನಮಹಿಳೆಯೆರು, ಕುಣಿತ ಭಜನೆ, ವೈವಿಧ್ಯಮಯ ಸ್ತಬ್ಧಚಿತ್ರೊಲು ಮೇಳೈಸರೆಗುಂಡ್ ಪಂಡುದು ಮೆರವಣಿಗೆದ ಸಂಚಾಲಕ ಪಾಂಡುರಂಗ ಮಲ್ಪೆ ತೆರಿಪಾದೆರ್.

ಮಹಾ ರುದ್ರಯಾಗದ ಸಂಕಲ್ಪದ ಪೊರ್ತು

ಮಹಾರುದ್ರಯಾಗಡ್  ಸಂಕಲ್ಪ ಮಲ್ಪುನ ಸಮಯ ಇಂಚ ಉಂಡು.. ಮೇ 15ಗ್  ಕಾಂಡೆ  10ಗಂಟೆಡ್ದ್  ಬಯ್ಯಗ್ 6 ಗಂಟೆ ಮುಟ್ಟ , ಮೇ 16, 17 ಬೊಕ್ಕ 18ತಾರೀಕುಗ್  ಕಾಂಡೆ  8.30ಗಂಟೆಡ್ದ್  ಬಯ್ಯಗ್ 6 ಗಂಟೆಮುಟ್ಟ, ಮೇ 19 ಪೂರ್ಣಾಹುತಿದಾನಿ  ಕಾಂಡೆ 7 ಗಂಟೆಡ್ದ್ 10ಗಂಟೆಮುಟ್ಟ ಅವಕಾಶ ಉಂಡು .ಆನಿ ಕಾಂಡೆ  11 ಗಂಟೆಡ್ದ್  ರಾತ್ರೆ 8ಗಂಟೆಮುಟ್ಟ   ರುದ್ರಯಾಗ ವಿಶೇಷ ಪ್ರಸಾದ ವಿತರಣೆ ಮಲ್ಪುಂಡ್ ಪಂಡುದು ಸಮಿತಿದ ಪ್ರಕಟನೆ ತೆರಿಪಾದುಂಡ್..