ವೈಭವದ ಪುದೆಕಾಣಿಕೆ

ಕೊಡವೂರು ಮಹಾರುದ್ರಯಾಗ: ವೈಭವದ ಪಚ್ಚ ಪುದೆಕಾಣಿಕೆ ಮೆರವಣಿಗೆ

ಬ್ರಹ್ಮರ್ಷಿ ಆನಂದ ಸಿದ್ದ ಪೀಠದ ಸಂಸ್ಥಾಪಕ ಶ್ರೀ ಮಹರ್ಷಿ ಆನಂದ ಗುರೂಜಿ ಚಾಲನೆ

ಗಮನಸೆಳೆಯಿನ ಟ್ಯಾಬ್ಲೊ, ಗೊಂಬೆ, ಭಜನೆ ಕುಣಿತ, ತಟ್ಟಿರಾಯ, ಕೀಲು ಕುದುರೆ

ಉಡುಪಿ: ಕೊಡವೂರು ಶಂಕರನಾರಾಯಣ ದೇವಸ್ಥಾನಡ್  ಪ್ರಸಾದ್ ರಾಜ್ ಕಾಂಚನ್ ನೇತೃತ್ವಡ್  ಲೋಕ ಕಲ್ಯಾಣಾರ್ಥ, ನಾಡುದ ಜನಕ್ಲೆನ ಸುಭೀಕ್ಷೆಗಾದ್ ಮೇ 14ಡ್ದ್  19ಮುಟ್ಟ ನಡಪರೆಗುಪ್ಪುನ ಮಹಾರುದ್ರಯಾಗದ ಪ್ರಯುಕ್ತ ಅದ್ದೂರಿ ಪಚ್ಚ ಪುದೆಕಾಣಿಕೆ ಮೆರವಣಿಗೆ ಗುರುವಾರ ಬಯ್ಯಗ್ ಅದ್ಧೂರಿಯಾದ್  ನಡತುಂಡ್..
ಮಲ್ಪೆ ಅಯ್ಯಪ್ಪ ಮಂದಿರಡ್  ಬ್ರಹ್ಮರ್ಶಿ ಆನಂದ ಸಿದ್ದ ಪೀಠದ ಸಂಸ್ಥಾಪಕೆರಾಯಿನ  ಶ್ರೀ ಮಹರ್ಷಿ ಆನಂದ ಗುರೂಜಿ ಪೂಜೆ ಮಲ್ತುದ್ , ಬೊಕ್ಕ ಕೇಸರಿ ಬಾವುಟ ರಾಪಾವುನ  ಮೂಲಕ ಪಚ್ಚೆ ಪುದೆಕಾಣಿಕೆ ಮೆರವಣಿಗೆಗ್  ಚಾಲನೆ ಕೊರಿಯೆರು.
ಬೊಕ್ಕ  ಆರಂಭ ಆಯಿನ  ವೈಭವದ ಮೆರವಣಿಗೆ ಕೊಡುವೂರು ದೇವಸ್ಥಾನಗ್  ಬತ್ತುದ್ ತಲುಪುಂಡ್.. ಮೆರವಣಿಯುದ್ಧಗುಲಾ  ಕೊಂಬು, ವಾದ್ಯ, ನಾಸಿಕ್ ಬ್ಯಾಂಡ್, ಡೋಲು, ಯಕ್ಷಗಾನ ವೇಷಧಾರಿಲು,, ತಟ್ಟಿರಾಯ, ಕಲ್ಲಡ್ಕ ಗೊಂಬೆಲು,, ಕೀಲು ಕುದುರೆ, ಪೀಲಿವೇಷಧಾರಿ, ಕುಣಿತ ಭಜನೆ ಬೊಕ್ಕ  ಬೇತೆ ಬೇತೆ ಆಕರ್ಷಕ ಟ್ಯಾಬ್ಲೊಲು,, ಜಾನಪದ ಕಲಾವಿದೆರು ಗಮನಸೆಳೆಯೆರು. ಕಲಶ ಪಸೊಂದ್  ರಸ್ತೆಯುದ್ಧಗುಲಾ  ಸಾಗುದ್ ಬತ್ತಿನ  ಮಹಿಳೆಯೆರು ಮೆರವಣಿಗೆಗ್  ಕುಡಲಾತ್ ಮೆರುಗು ಕೊರಿಯೆರು.
ಮಹಾ ರುದ್ರಯಾಗ ಸಮಿತಿಧ  ಕಾರ್ಯಾಧ್ಯಕ್ಷ ಪ್ರಸಾದ್ ರಾಜ್ ಕಾಂಚನ್, ದೇವಳದ ಅಧ್ಯಕ್ಷೆರಾಯಿನ  ಪ್ರಕಾಶ್ ಜಿ ಕೊಡವೂರು, ಉದ್ಯಮಿ ಹರಿಯಪ್ಪ ಕೋಟ್ಯಾನ್, ನಗರಾಭಿವೃದ್ಧಿ ಪ್ರಾಧಿಕಾರದ ಅಧ್ಯಕ್ಷರಾಯಿನ  ದಿನಕರ ಹೇರೂರು, , ಮಹಾರುದ್ರ ಯಾಗ ಸಮಿತಿದ  ಪ್ರಧಾನ ಸಂಚಾಲಕೆರಾಯಿನ  ತಾರನಾಥ ಪೂಜಾರಿ, ಕೆ ಕೃಷ್ಣಮೂರ್ತಿ ಆಚಾರ್ಯ, ಸಂಚಾಲಕೆರಾಯಿನ  ನಂದಕಿಶೋರ್ ಕೆಮ್ಮಣ್ಣು ರಮೇಶ್ ತಿಂಗಳಾಯ, ವಿಜಯ ಕೊಡವೂರು, ಪ್ರಖ್ಯಾತ್ ಶೆಟ್ಟಿ ಯತೀಶ್ ಕರ್ಕೇರಾ  ಗಣ್ಯೆರು ಉಪಸ್ಥಿತರಿತ್ತೆರು.
ನೂದೇಕುಲಾ  ಜಾಸ್ತಿ  ವಾಹನಲೆಡ್  ತಾರಾಯಿ, ಪೆಲಕಾಯಿ, ಬೆಲ್ಲ, ದವಸ ಧಾನ್ಯೊಲು, ಅರಿ, ಕಲ್ಲಂಗಡಿ ಬೊಕ್ಕ ಬೇತೆ ಬೇತೆ ಸಾಮಗ್ರಿಲು ದೇವಸ್ಥಾನಗ್  ಬತ್ತುದ್  ಮುಟ್ಟುದುಂಡ್.