ಧರ್ಮಾಧ್ಯಕ್ಷೆರೆನ ಪೀಠಾರೋಹಣ

ಉಡುಪಿ ನೂತನ ಧರ್ಮಾಧ್ಯಕ್ಷ ಡಾ. ಲೆಸ್ಲಿ ಕ್ಲಿಫರ್ಡ್ ಡಿ’ಸೋಜಾರ ಪೀಠಾರೋಹಣಗ್ ಸಿದ್ದತೆ ಪೂರ್ಣ

ಉಡುಪಿ:  ಧರ್ಮಕ್ಷೇತ್ರದ ದ್ವಿತೀಯ ಧರ್ಮಾಧ್ಯಕ್ಷೆರಾದ್  ಅತಿ ಗೌರವಾನ್ವಿತ ಡಾ. ಲೆಸ್ಲಿ ಕ್ಲಿಫರ್ಡ್ ಡಿ’ಸೋಜಾ ಅರೆನ ಧರ್ಮಾಧ್ಯಕ್ಷರೆನ  ಅಭಿಷೇಕ  ಬೊಕ್ಕ ಪೀಠಾರೋಹಣ ಸಮಾರಂಭ  ಏಪ್ರಿಲ್ 20, 2026ಗ್  ಸೋಮವಾರ ಕಲ್ಯಾಣಪುರದ ಮಿಲಾಗ್ರಿಸ್ ಕಾಲೇಜು ಮೈದಾನಡ್ ನೆರವೇರಗಿತ್ತುದ್  ಕಡೇತ್ತ ಹಂತದ ಸಿದ್ದತೆಲು ಪೂರ್ಣ ಆತುಂಡ್.

ಸಂತೆಕಟ್ಟೆ ಬಸ್ ನಿಲ್ಡಾಣಡ್ದ್  ಮಿಲಾಗ್ರಿಸ್ ಪ್ರಧಾನಾಲಯಗ್  ಪೋಪಿನ ಮಾರ್ಗೊನ್  ಸಂಪೂರ್ಣವಾದ್ ಅಲಂಕಾರ ಮಲ್ದಿತ್ತುದ್  ಬೃಹತ್ ಗಾತ್ರದ  ಸ್ವಾಗತ ಕಮಾನುಲೆನ್ ಅಳವಡಿಕೆ ಮಲ್ದೆರ್.. ಸಾದಿ ಉದ್ದಗುಲಾ ಶುಭಾಶಯ ಕೋರುನ ಫ್ಲೆಕ್ಸ್ ಅಳವಡಿಕೆ ಮಲ್ದೆರ್.. ಕಾರ್ಯಕ್ರಮದ ಪ್ರಧಾನ ವೇದಿಕೆ ಸಿದ್ದ ಆದಿತ್ತುದ್  ಅಯಿಟ್  ನೂತನ ಧರ್ಮಾಧ್ಯಕ್ಷರೆನ  ಅಭಿಷೇಕ   ಬೊಕ್ಕ ಪೀಠಾರೋಹಣ ಸಮಾರಂಭ ಪವಿತ್ರ ಬಲಿಪೂಜೆದೊಟ್ಟುಗ್ ನಡಪುಂಡು .ವೇದಿಕೆಡ್  ಸುಮಾರು 35 ಧರ್ಮಾಧ್ಯಕ್ಷೆರು ಆಸೀನರಾದಿತ್ತುದ್  ಬಲಿಪೂಜೆಡ್  ಬೊಕ್ಕ ಸಾರ್ವಜನಿಕ ಅಭಿನಂದನಾ ಸಮಾರಂಭಲಾ  ಅವ್ವೇ  ವೇದಿಕೆಡ್  ನಡಪುಂಡ್. ಭಕ್ತಾದಿಲೆಗ್  ಕುಲ್ಲರೆಗ್  ಬೃಹತ್ ಪೆಂಡಾಲ್ ವ್ಯವಸ್ಥೆಲೆನ್  ಮಲ್ದೆರ್.. ಜೊಂಬುದ ಶಾಖ ವಿಪರೀತ ಇಪ್ಪುನ ನಿಟ್ಟುಡ್  ಕೆಲವ್  ಸಂಖ್ಯೆ ಡ್ ಫ್ಯಾನ್ ವ್ಯವಸ್ಥೆದೊಟ್ಟುಗ್  ಪರ್ಪಿನ ನೀರುದ  ವ್ಯವಸ್ಥೆಲಾ  ಮಲ್ದೆರ್..

ಧರ್ಮಾಧ್ಯಕ್ಷರೆನ ದೀಕ್ಷಾ ಸಮಾರಂಭ ಬಾರೀ ಪವಿತ್ರ ಕಾರ್ಯಕ್ರಮವಾದಿತ್ತುದ್  ಈ ಪೊರ್ತುಡ್ ವೇದಿಕೆದಲ್ಪ ಕಾರ್ಯಕ್ರಮದ ಪಾವಿತ್ರ್ಯತೆನ್ ಕಾಪುನ  ಸಲುವಾದ್ ಸಾರ್ವಜನಿಕರೆಗ್  ಛಾಯಾಗ್ರಹಣ ಬೊಕ್ಕ ವೀಡಿಯೋಗ್ರಫಿ ನಿಷೇಧ ಮಲ್ದುಂಡ್. ಮಾಧ್ಯಮದವರಿಗೆ ಫೋಟೊ ಬೊಕ್ಕ ವೀಡಿಯೊಗ್  ಸೂಕ್ತ ವ್ಯವಸ್ಥೆಲೆನ್  ಮಲ್ದೆರ್. ಧರ್ಮಾಧ್ಯಕ್ಷರೆನ ದೀಕ್ಷಾ ಸಮಾರಂಭನ್  ಸಂಪೂರ್ಣವಾದ್  ನೇರಪ್ರಸಾರ ಮಲ್ದಿತ್ತುದ್  ವಿದೇಶಡುಪ್ಪುನ ಕ್ರೈಸ್ತ ಭಕ್ತಾದಿಲು  ಕಾರ್ಯಕ್ರಮ ವೀಕ್ಷಣೆ ಮಲ್ಪುನವ್ಯವಸ್ಥೆ ಮಲ್ದುಂಡ್.. ಕಾರ್ಯಕ್ರಮದ ಯಶಸ್ಸಿಗಾದ್  ಬೇತೆ ಸಮಿತಿದ ಮೂಲಕ ತಯಾರಿಲು   ನಡೆದುಂಡ್.

ಏಪ್ರಿಲ್ 20 ಗ್  ಕಾಂಡೆ 8.15ಗ್ ಗೋವಾ ಬೊಕ್ಕ ದಮನ್ ಮಹಾಧರ್ಮಪ್ರಾಂತ್ಯದ ಮಹಾಧರ್ಮಾಧ್ಯಕ್ಷೆರು ಬೊಕ್ಕ FABC ಬೊಕ್ಕ CCBI ಅಧ್ಯಕ್ಷರಾಯಿನ ಕಾರ್ಡಿನಲ್ ಫಿಲಿಪ್ ನೆರಿ ಫೆರಾವೊ, ಬೆಂಗಳೂರು ಮಹಾಧರ್ಮಾಧ್ಯಕ್ಷ ಡಾ. ಪೀಟರ್ ಮಚಾದೊ ಬೊಕ್ಕ ಉಡುಪಿ ಧರ್ಮಕ್ಷೇತ್ರದ ಪ್ರೇಷಿತ ಆಡಳಿತಾಧಿಕಾರಿ ಡಾ. ಜೆರಾಲ್ಡ್ ಐಸಾಕ್ ಲೋಬೊ, ಭಾರತ ಬೊಕ್ಕ ನೇಪಾಳದ ಅಪೊಸ್ತೊಲಿಕ್ ನುನ್ಸಿಯೋ (ಪೋಪ್ ಅವರ ವ್ಯಾಟಿಕನ್ ರಾಯಭಾರಿ) ಡಾ. ಲಿಯೋಪೋಲ್ಡೊ ಗಿರೆಲ್ಲಿ, ಬೊಕ್ಕ ನೂತನ ಧರ್ಮಾಧ್ಯಕ್ಷರಾಯಿನ ಡಾ. ಲೆಸ್ಲಿ ಕ್ಲಿಫರ್ಡ್ ಡಿ’ಸೋಜಾ ಮೊಕ್ಲೆನ್  ಮಿಲಾಗ್ರಿಸ್ ಪ್ರಧಾನಾಲಯದ ಪ್ರವೇಶ ದ್ವಾರಡ್  ಸಾಂಪ್ರದಾಯಿಕವಾದ್ ಸ್ವಾಗತ ಮಲ್ತುದ್  ಧರ್ಮಾಧ್ಯಕ್ಷೆರೆನ  ಅಭಿಷೇಕ  ಬೊಕ್ಕ ಪೀಠಾರೋಹಣ ಕಾರ್ಯಕ್ರಮಲೆಗ್  ಚಾಲನೆ ತಿಕ್ಕುಂಡ್..

ಕಾರ್ಯಕ್ರಮಡ್  250ಗುಲಾ  ಜಾಸ್ತಿ ಧರ್ಮಗುರುಕುಲು, ಆತೇ ಸಂಖ್ಯೆಡ್  ಧರ್ಮಭಗಿನಿಯೆರು ಬೊಕ್ಕ 6000  ಸಾರ್ವಜನಿಕೆರು, ಬೇತೆ ಬೇತೆ ಸಾಮಾಜಿಕ, ರಾಜಕೀಯ ಮುಖಂಡೆರು ಪಾಲ್ ಪಡೆಯರೆಗಿತ್ತುದ್  ಒವ್ವೇ ರೀತಿ ದ ಸಮಸ್ಯೆ ಆವಂದಿನಂಚ  ಅಚ್ಚುಕಟ್ಟುದ ವ್ಯವಸ್ಥೆನ್  ಸ್ವಯಂ ಸೇವಕೆರು ಬೊಕ್ಕ ಪೊಲೀಸ್ ಇಲಾಖೆದ  ನೆರವುದೊಟ್ಟುಗ್ ಮಲ್ದುಂಡ್.

ವಾಹನದ  ವ್ಯವಸ್ಥಿತ ಪಾರ್ಕಿಂಗ್ ಮಲ್ಪರೆಗ್ ಬೇತೆ ಜಾಗೆನ್  ಅಟ್ಟಣೆ ಮಲ್ದುಂಡ್.

ಮಿಲಾಗ್ರಿಸ್ ಪ್ರಧಾನಾಲಯದ ಆವರಣ: ನುನ್ಸಿಯೋ, ಕಾರ್ಡಿನಲ್, ಆರ್ಚ್ ಬಿಷಪ್ ಬೊಕ್ಕ ಬಾಕಿದ ಧರ್ಮಾಧ್ಯಕ್ಷೆರ್, ಮಾಧ್ಯಮ ಬೊಕ್ಕ ಗಾಯನ ತಂಡದ ವಾಹನೊಲು
ಮಿಲಾಗ್ರಿಸ್ ಆಂಗ್ಲ ಮಾಧ್ಯಮ ಶಾಲೆ ಬೊಕ್ಕ ಕಾಲೇಜು ಆವರಣ: ಧರ್ಮಗುರುಕುಲು ಬೊಕ್ಕ ಧರ್ಮಭಗಿನಿಯೆರು.
ಸಂತೆಕಟ್ಟೆ ಮೌಂಟ್ ರೋಸರಿ ಚರ್ಚ್ ಆವರಣ: ಸಾರ್ವಜನಿಕರೆನ ವಾಹನೊಲು
ವಿಲ್ಸನ್ ಫೆರ್ನಾಂಡಿಸ್ ಮೈದಾನ: ಶಂಕರಪುರ ಬೊಕ್ಕ ಶಿರ್ವ ಚರ್ಚ್ ದ ಭಕ್ತಾದಿಲೆನ  ವಾಹನೊಲು(ಬಸ್ಸುಲೆನ್ ಬುಡ್ದ್)
ಪೈ ಶಾಲಾ ಆವರಣ: ಗೌರವ ಅತಿಥಿಲು
ಜೊವಿಟಾ ಮೈದಾನ ಬೊಕ್ಕ ರಸ್ತೆಯ ಇಕ್ಕೆಲಡ್ : ದ್ವಿಚಕ್ರ ವಾಹನೊಲು ಉಂತಾವರೆಗ್ ಅವಕಾಶ ಉಂಡು..
ಮಿಲಾಗ್ರಿಸ್ ಹೋಮ್: ಧರ್ಮಾಧ್ಯಕ್ಷರೆನ ವಾಹನೊಲು
ಆಲ್ವಿನ್ ನಜರೆತ್ ಮೈದಾನ: ಕೆಮ್ಮಣ್ಣು, ಮೌಂಟ್ ರೋಸರಿ, ತೊಟ್ಟಂ, ಮಿಲಾಗ್ರಿಸ್ ಚರ್ಚ್ ದ ಭಕ್ತಾದಿಲೆನ ವಾಹನ ನಿಲುಗಡೆಗ್ ಅವಕಾಶ
ವಾಹನ ದಟ್ಟಣೆ ಹೆಚ್ಚಾಂಡ ನೇಜಾರು ಮೈದಾನಡುಲಾ   ನಿಲುಗಡೆಗ್ ಅವಕಾಶ ಮಲ್ದುಂಡ್.
ಸಂತೆಕಟ್ಟೆ ಮೌಂಟ್ ರೋಸರಿ ಚರ್ಚ್ ಆವರಣಡ್  ವಾಹನ ನಿಲುಗಡೆ ಮಲ್ಪುನಕ್ಲೆಗ್  ಕಾರ್ಯಕ್ರಮದ ಆಪಿನಡೆಮುಟ್ಟ  ತಲುಪಿಸಾರೆಗ್ ಪ್ರತ್ಯೇಕ ಬಸ್ಸುಲು ಬೊಕ್ಕ ಟೆಂಪೋ ವ್ಯವಸ್ಥೆ ಮಲ್ದುಂಡ್.