ಕೊಡವೂರು ಮಹತೋಭಾರ ಶ್ರೀ ಶಂಕರನಾರಾಯಣ ಸನ್ನಿಧಾನಡ್ ಅಪರೂಪಡ್ ಅಪರೂಪದ ಮಹಾ ರುದ್ರಯಾಗ ಸಂಪನ್ನ ಆವರೆಗುಂಡ್ ಪಂಡುದ್ ಮಹಾರುದ್ರ ಯಾಗ ಸಮಿತಿದ ಕಾರ್ಯಾಧ್ಯಕ್ಷೆರ್ ಬೊಕ್ಕ. ಸೇವಾಕರ್ತೆರಾಯಿನ ಶ್ರೀ ಪ್ರಸಾದ್ ರಾಜ್ ಕಾಂಚನ್ ಪಂಡೆರ್. ಆರ್ ಕೊಡವೂರು ಶ್ರೀ ಶಂಕರನಾರಾಯಣ ದೇವಸ್ಥಾನಡ್ ನಡತಿನ ಪತ್ರಿಕಾಗೋಷ್ಠಿಡ್ ಪಾತೆರ್ದ್
ಶ್ರೀ ಶಂಕರನಾರಯಣ ದೇವಸ್ಥಾನಡ್ ,ಲೋಕ ಕಲ್ಯಾಣಾರ್ಥ ನಾಡುದ ಜನಕ್ಲೆನ ಸುಭೀಕ್ಷೆಗಾದ್ ಮಹಾ ರುದ್ರ ಯಾಗ ಆಯೋಜನೆ ಮಲ್ದುಂಡ್ಪಂಡೆರ್.
ಮೇ 14 ಡ್ದ್ ಮೇ19 ಮುಟ್ಟ ಕೊಡವೂರುದ ಪುಣ್ಯ ನೆಲಟ್ ಆಯೋಜನೆ ಮಲ್ದಿನ ಈ ಪುಣ್ಯ ಕಾರ್ಯದ ಪೊರ್ತುಡ್ ಧಾರ್ಮಿಕ,ಮನರಂಜನೆ ,ಕ್ರೀಡೋತ್ಸವ ,ಅರೋಗ್ಯ ಶಿಬಿರ ,ಉದ್ಯೋಗ ಮೇಳನ್ ಆಯೋಜನೆ ಮಲ್ದುಂಡ್.
ಈ ಮಹಾರುದ್ರ ಯಾಗದ ಪೊರ್ಲ ಘಳಿಗೆನ್ ನಾಡ ಪರ್ಬದಂಚ ಅಚರಣೆ ಮಲ್ಪರೆಗ್ ನಿರ್ಧಾರ ಮಲ್ತುದ..ಮೇ 10 ಡ್ದ್ ಮೇ 20 ಮುಟ್ಟ ಸರ್ವೆರೆನ ಮನೋರಂಜನೆಗಾದ್ ಜಾಯಿಂಟ್ ವಿಲ್, ಮೋಜು ಮಸ್ತಿಲು,ಆಟಿಕೆಲು, ಆಟೋಟ ಪರಿಕರೊಲು,ಬೃಹತ್ತ್ ವಸ್ತು ಪ್ರದರ್ಶನ ಮಾರಾಟ ಮಳಿಗೆಲು, ಮನರಂಜನೆ ಮಲ್ಪರೆಗುಂಡ್..
ಮೇ 14 ಗ್ ಮಹಾರುದ್ರಾ ಯಾಗ ಪೂರ್ವ ಭಾವಿಯಾದ್ ಮಲ್ಪೆ ಅಯ್ಯಪ್ಪ ಮಂದಿರ ಡ್ದ್ ಕೊಡವೂರು ಮಹತೋಭಾರ ಶಂಕರನಾರಯಣ ದೇವಸ್ಥಾನ ಮುಟ್ಟ ಭವ್ಯ ಪುದೆಕಾಣಿಕೆ ಮೆರವಣಿಗೆ ಗಣ್ಯೆರೆನ ಉಪಸ್ಥಿತಿಡ್ ನಡಪರೆಗುಂಡ್..
ಮೇ 15 ಗ್ ಮಹಾ ರುದ್ರ ಯಾಗ, ಗಣ ಯಾಗ ಧಾರ್ಮಿಕ ವಿಧಿವಿಧಾನೊಲು ಅರಂಭ ಆಪುಂಡ್ .ಆನಿ ಬಯ್ಯಗ್ ಧಾರ್ಮಿಕ ಕಾರ್ಯಕ್ರಮ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮೊಲೆನ ಉದಿಪನೆ ನಡಪರೆಗುಂಡ್.
ಮೇ .16 ಗ್ ಮಾತೆರೆಗುಲಾ ಆರೋಗ್ಯ ಭಾಗ್ಯದ ಪರಿಕಲ್ಪನೆಡ್ ಧರ್ಮಾರ್ಥ ಆರೋಗ್ಯ ಶಿಬಿರ ಆಯೋಜನೆ ಮಲ್ದಿತ್ತುದ್ ಉಂದೇತ್ತ ಪ್ರಯೋಜನನ್ ಹೆಚ್ಚಿನ ಸಂಖ್ಯೆಡ್ ಜನತೆ ಪಡೆತೊನೊಡ್ ಪಂಡುದ್ ಪಂಡೆರ್.
ಮೇ 17 ಗ್ ಮಲ್ಪೆ ಬೀಚ್ ಡ್ ಸಾಂಪ್ರದಾಯಿಕ ಕ್ರೀಡಾಕೂಟ ಸ್ಪರ್ಧೆಲು ನಡಪರೆಗುಂಡ್ ..ಆನಿ ಬಯ್ಯಗ್ 6 ಗಂಟೆಗ್ ಮಲ್ಪೆ ಕಡಲ ತೀರಡ್ ವಾರಣಾಸಿದ ಪುರೋಹಿತೆರಾಯಿನ ಗಂಗಾರತಿ ನ್ ತೂದ್ ಪುನೀತೆರಾಪಿನ ಭಾಗ್ಯ ಭಕ್ತ ಜನತೆಗ್ ತಿಕ್ಕುಂಡ್. ಈ ಕಾರ್ಯಕ್ರಮಗ್ ನಾಡುದ ಉಪ ಮುಖ್ಯಮಂತ್ರಿಲಾಯಿನ ಡಿ ಕೆ ಶಿವಕುಮಾರ್ ಪಾಲ್ ಪಡೆಯರೆಗುಲ್ಲೆರ್.
ರಾತ್ರೆಗ್ 8:00ಗ್ ದಕ್ಷಿಣ ಭಾರತದ ಪ್ರಖ್ಯಾತ ಕಲಾವಿದೆ ಮಂಗ್ಲಿ ತಮ್ಮ ಅದ್ಭುತ ಶಿವಗಾನಮೃತಡ್ ಕಲಾಭಿಮಾನಿಲೆನೆಲೆನ್, ಭಕ್ತ ಜನತೆನ್ ಭಕ್ತಿ ಸಾಗರಡ್ ಮುರ್ಕಾವರೆಗುಲ್ಲೆರ್..
ಮೇ 18 ಗ್ ನಡಪರೆಗುಪ್ಪುನ ಬೃಹತ್ ಉದ್ಯೋಗ ಮೇಳ ಆಯೋಜನೆ ಮಲ್ದಿತ್ತುದ್ , ದೇಶದ ಮೂಲೆ ಮೂಲೆಡ್ದ್ ಬೇತೆ ಬೇತೆ ಸಂಸ್ಥೆಲು ಈ ಉದ್ಯೋಗ ಮೇಳಡ್ ಪಾಲ್ ಪಡೆಯರೆಗಿತ್ತುದ್ ,ನಾಡುದ ಯುವ ಉದ್ಯೋಗಕಾಂಕ್ಷಿಲು ಪಾಲ್ ಪಡೆಯರೆಗ್ ಮನವಿ ಮಲ್ದುಂಡ್.
ಮೇ 19 ಗ್ ಮಹಾ ರುದ್ರ ಯಾಗ ಕಡೇತ್ತ ದಿನತ್ತಾನಿ ಪೂರ್ಣಾಹುತಿ.
ನನಲಾ ವಿಶೇಷವಾದ್ ಸ್ಥಳೀಯ ಕಲಾವಿದೆರೆನ್ ಪ್ರೋತ್ಸಾಹ ಮಲ್ಪುನ ನಿಟ್ಟುಡ್ ,ವಸ್ತು ಪ್ರದರ್ಶನ ನಡಪುನ ವೇದಿಕೆಡ್ “ಪ್ರತಿಭೆ ನಿಮ್ಮದು ವೇದಿಕೆ ನಮ್ಮದು” ಪನ್ಪಿನ ಕಾರ್ಯಕ್ರಮ ಆಯೋಜನೆ ಮಲ್ದಿತ್ತುದ್ , ಹೆಚ್ಚಿನ ಸಂಖ್ಯೆಡ್ ಈ ಕಾರ್ಯಕ್ರಮಡ್ ಸಾರ್ವಜನಿಕೆರು ಪಾಲ್ ಪಡೆಯೊಲಿ. .ಕಾರ್ಯಕ್ರಮ ಪ್ರತಿದಿನ 5 ಗಂಟೆಡ್ದ್ 8 ಗಂಟೆ ಮುಟ್ಟ ನಡಪರೆಗುಂಡ್..ಅಸಕ್ತೆರು ಮಹಾ ರುದ್ರ ಯಾಗ ಸಮಿತಿ ಕಚೇರಿಡ್ ಪುದರುನ್ ನೊಂದಣಿ ಮಲ್ಪೊಲಿ.
ಈ ಐನ್ ದಿನತ್ತ ಕಾಲ ಮಹಾರುದ್ರ ಯಾಗ ಧಾರ್ಮಿಕ ಕಾರ್ಯಕ್ರಮದೊಟ್ಟುಗ್ ,ಧಾರ್ಮಿಕ ಸಾಂಸ್ಕೃತಿಕ ಕಾರ್ಯಕ್ರಮೊಲು ನಾಡುದ ಪ್ರಖ್ಯಾತ ಕಲಾವಿದೆರೆಡ್ದ್ ಪ್ರತಿ ನಿತ್ಯ ನಡಪರೆಗುಂಡ್.
ಆತೇ ಅತ್ತಾವಂದೇ ಪರಮ ಶಿವನ ಮಹಾ ಯಾಗದ ಪುಣ್ಯೋದಯಗ್ ಬರ್ಪಿನ ಭಕ್ತೆರೆಗ್ ಪ್ರತಿದಿನ ಅನ್ನ ಪ್ರಸಾದದ ವ್ಯವಸ್ಥೆನ್ ಲಾ ಮಲ್ದುಂಡ್..
ವಿಶೇಷ ವಾದ್ ಐನ್ ಸಾರ ಮಹಿಳೆಯೆರೆಗ್ ಮಹಾ ರುದ್ರ ಯಾಗ ಸಂಕಲ್ಪದೊಟ್ಟುಗ್ ಪಾಲ್ ಪಡೆಯರೆಗ್ ಅವಕಾಶ ಕಲ್ಪಿಸಾದುಂಡ್. ಅಸಕ್ತೆರು ಮಹಾ ರುದ್ರ ಯಾಗ ಸಮಿತಿ ಕಚೇರಿಡ್ ತಂಕ್ಲೆನ್ ಪುದರುನ್ ನೊಂದಣಿ ಮಲ್ಪೊಲಿ.
ಇಂಚ ಒಂಜಿ ಅಭೂತಪೂರ್ವ ಪುಣ್ಯ ಪದ ಮಹಾ ರುದ್ರಯಾಗಡ್ ಮಾತೆರ್ಲ ಪಾಲ್ ಪಡೆದ್ ಶ್ರೀದೇವೆರೆನ ಅನುಗ್ರಹ ಪಡೆತೊನೊಡ್ . ಪಂಡುದ್ ಪತ್ರಿಕಾಗೋಷ್ಠಿ ಡ್ ತೆರಿಪಾಯೆರ್.. ಪತ್ರಿಕಾಗೋಷ್ಠಿಡ್ ಶ್ರೀ ಶಂಕರನಾರಾಯಣ ದೇವಸ್ಥಾನದ ವ್ಯವಸ್ಥಾಪನಾ ಸಮಿತಿದ ಅಧ್ಯಕ್ಷೆರಾಯಿನ ಶ್ರೀ ಪ್ರಕಾಶ್ ಕೊಡವೂರು, ಪ್ರಧಾನ ತಂತ್ರಿ ಲಾಯಿನ ಶ್ರೀ ವಾದಿರಾಜ ತಂತ್ರಿ, ಸಮಿತಿದ ಪ್ರಧಾನ ಸಂಚಾಲಕೆರಾಯಿನ ತಾರಾನಾಥ್ ಪೂಜಾರಿ, ರಮೇಶ್ ತಿಂಗಳಾಯ,ಬಾಲಕೃಷ್ಣ ಕೊಡವೂರು,ವಾದಿರಾಜ್ ಸಾಲ್ಯಾನ್,ರಾಜ ಶೇರಿಗಾರ್ ಭಜನಾ ಸಮಿತಿದ ಸಂಚಾಲಕೆರಾಯಿನ ಶ್ರೀ ಧನಂಜಯ್ ಕಾಂಚನ್, ವಸ್ತುಪ್ರದರ್ಶನದ ಸಂಚಾಲಕೆರಾಯಿನ ಉಮೇಶ್ ಪೂಜಾರಿ,ಡಾ.ವಿಜಯೇಂದ್ರ , ಮಾಧ್ಯಮ ಸಂಯೋಜಕೆರಾಯಿನ ಶ್ರೀ ಜನಾರ್ದನ ಕೊಡವೂರು,ಶಿಜಿತ್ ಉಪಸ್ಥಿತರಿತ್ತೆರು.
.
by 