ಡಿ.14 ಧಾನ್ಯ ಮುಹೂರ್ತ

ಡಿಸೆಂಬರ್ 14ಗ್  ಧಾನ್ಯ ಮುಹೂರ್ತ ಬೊಕ್ಕ ಕಟ್ಟಿಗೆ ರಥದ ಶಿಖರ ಪ್ರತಿಷ್ಠೆ ನಡಪರೆಗಿತ್ತುದ್  ಜನವರಿ 9 ಗ್ ಭಾವೀ ಪರ್ಯಾಯ ಪೀಠಾಧಿಪತಿ ವೇಧವರ್ಧನ ತೀರ್ಥ ಸ್ವಾಮೀಜಿಲೆನ ಪುರಪ್ರವೇಶ ನಡಪರೆಗುಂಡ್ ಪಂಡುದು ಶೀರೂರು ಮಠಟ್  ನಡತಿನ ಪತ್ರಿಕಾಗೋಷ್ಠಿಡ್ ಸ್ವಾಗತ ಸಮಿತಿ ಪ್ರಧಾನ ಕಾರ್ಯದರ್ಶಿ ಮಟ್ಟಾರ್ ರತ್ನಾಕರ್ ಹೆಗ್ಡೆ ತೆರಿಪಾಯೆರು. ಮಠದ ದಿವಾನೆರಾಯಿನ ಡಾ ಉದಯ ಸರಳತ್ತಾಯ ಪಾತೆರ್ದ್  ಪರ್ಯಾಯದ ಪೂರ್ವಭಾವಿಯಾದ್ ನಡಪುನ 4 ಮುಹೂರ್ತಡ್ ಬಾಳೆ ಮುಹೂರ್ತ, ಅಕ್ಕಿ‌ಮುಹೂರ್ತ ಬೊಕ್ಕ ಕಟ್ಟಿಗೆ ಮುಹೂರ್ತ ನಡೆದಿತ್ತುದ್ ಐತಾರದಾನಿ ಕಾಂಡೆ   7.45 ಧಾನ್ಯ ಮುಹೂರ್ತ ಅತ್ತುಂಡ ಭತ್ತ ಮುಹೂರ್ತ ನಡಪರೆಗುಂಡ್ ಕಾಂಡೆ 6.15ಗ್ ದೇವತಾ ಪ್ರಾರ್ಥನೆ ಬೊಕ್ಕ ಧಾನ್ಯ ದಿಂಜಿನ ಚೀಲಲೆನ್  ಬೇತೆ ಬೇತೆ ಬಿರುದಾವಲಿದೊಟ್ಟುಗ್ ರಥಬೀದಿಡ್ ಸಾಗುದ್ ಅನಂತೇಶ್ವರ ಚಂದ್ರಮೌಳೀಶ್ವರ ಶ್ರೀ ಕೃಷ್ಣ ಮುಖ್ಯಪ್ರಾಣ ಗರುಡ ದೇವೆರು ಬೊಕ್ಕ ಮಧ್ವಾಚಾರ್ಯರೆನ  ಸನ್ನಿಧಿಡ್  ಪ್ರಾರ್ಥನೆ ಸಲ್ಲಿಸಾದ್  ಬೊಕ್ಕ ಬಡಗು ಮಾಳಿಗೆಗ್  ತಲುಪರೆಗುಂಡ್ ಪಂಡೆರು. ಪತ್ರಿಕಾಗೋಷ್ಠಿಡ್  ಹೊರೆಕಾಣಿಕೆ ಸಮಿತಿ ಸಂಚಾಲಕ ಸುಪ್ರಸಾದ್ ಶೆಟ್ಟಿ, ಸ್ವಾಗತ ಸಮಿತಿ ಕಾರ್ಯದರ್ಶಿ ಮೋಹನ್ ಭಟ್, ಮಧುಕರ್ ಮುದ್ರಾಡಿ, ಪ್ರಚಾರ ಸಮಿತಿದ ಸಂಚಾಲಕ ನಂದನ್ ಜೈನ್ ವಾಸುದೇವ ಆಚಾರ್  ಉಪಸ್ಥಿತರಿತ್ತೆರು.