ತುಳುವೇಶ್ವರ

ಮಾ.23 : ಬಸ್ರೂರು ಶ್ರೀ ತುಳುವೇಶ್ವರ ದೇವಸ್ಥಾನದ ಅಭಿವೃದ್ಧಿ ನಿಲೆಟ್ಟ್ ಪ್ರಶ್ನೆ ದೀಪಿನ ಕಜ್ಜ

#

ಕುಡ್ಲ : ತುಳುನಾಡ್ ದ ಆರಾಧ್ಯ ದೇವೆರಾಯಿನ ಬಸ್ರೂರುದ ಶ್ರೀ ತುಳುವೇಶ್ವರ ದೇವಸ್ಥಾನ ಸಾರ ಸಾರ ವರ್ಷದ ಪರಪೋಕು ಇತ್ತಿನವು. ಕುಂದಾಪುರದ ಬಸ್ರೂರುದ ಮಣ್ಣ್ ಡ್ ಗೋಳಿದ ಮರತ್ತ ಬೇರ್ ದುಲಯಿ ಈ ದೇವೆರ್ನ ಶಿವಲಿಂಗ ಉಂಡು. ಕಾಲದ ಮೈಮೆನಾ ನಮ್ಮಕ್ಲೆನ ಉದಾಸೀನಡಾ ಗೊತ್ತಿಜ್ಜಿ ಪಾರ್ ಪಡಿಲ್ ಬೂರ್ದಿನ ಈ ದೇವಲ್ಯಗ್ ಇತ್ತೆ ಪ್ರಕೃತಿಯೇ ಆವರಣವಾದ್, ಗರ್ಭಗುಡಿಯಾದ್ ಆಶ್ರಯ ಕೊರ್ತುಂಡು. ಈ ದೇವಸ್ಥಾನದ ಅವಸ್ಥೆನ್ ತೂಯಿನ ತುಳುವರ್ಲ್ಡ್ ಫೌಂಡೇಶನ್ ಅಯಿತ್ತ ಜೀರ್ಣೋದ್ಧಾರದ ಬಗೆಟ್ಟ್ ಚಿಂತನೆ ಮಲ್ಪರೆ ಒಂಜಿ ದಿನತ್ತ ತಾಂಬೂಲ ಪ್ರಶ್ನೆ ದೀವರೆ ನಿಗಂಟ್ ಮಲ್ದ್ಂಡ್.
ಶ್ರೀ ಅಪ್ಪಣ್ಣ ಹೆಗ್ಡೆ ಬಸ್ರೂರು ಮೆರೆನ ಮಾರ್ಗದರ್ಶನಡ್ ತುಳುವೇಶ್ವರ ದೇವಸ್ಥಾನದ ಅರ್ಚಕೆರಾಯಿನ ಮಹೇಶ್ ಕಿಣಿ ಮೆರೆನ ಸಂಚಾಲಕತ್ವಡ್ ಜ್ಯೋತಿಷ್ಯ ತಿಲಕಂ ಶಶಿಧರ ಮಾಂಗಾಡ್ ಮೆರೆರ್ದ್ ಪ್ರಶ್ನೆ ಚಿಂತನೆ ನಡಪರೆ ಉಂಡು.
ಮಾರ್ಚ್ 23 ಐತಾರ ಕಾಂಡೆ 10 ಗಂಟೆರ್ದ್ ತುಳುವೇಶ್ವರ ದೇವಸ್ಥಾನದ ಪರಿಸರಡ್ ತಾಂಬೂಲ ಪ್ರಶ್ನೆ ನಡಪರೆ ಉಂಡು. ನಿಕುಲು ಮಾತೆರ್ಲ ಈ ಕಜ್ಹೊಡು ಪಾಲ್ ಪಡೆದ್ ತನು ಮನ ಧನದ ಸಹಕಾರ ಕೊರೊಡು ಪಂದ್ ತುಳುವರ್ಲ್ಡ್ ಫೌಂಡೇಶನ್ ಕಟೀಲ್ ಉಂದೆತ್ತ ಗುರ್ಕಾರ್ರ್
ಸರ್ವೋತ್ತಮ ಶೆಟ್ಟಿ ಅಂಚೆನೆ ನಿದಯಂತೆರ್ ಡಾ. ರಾಜೇಶ್ ಪತ್ರಿಕಾ ಹೇಳಿಕೆಡ್ ತೆರಿಪಾದೆರ್. ಮಾಹಿತಿಗಾದ್
9061086101.