ನಿಟ್ಟೂರು ಬಬ್ಬು ಸ್ವಾಮಿ ನೇಮದ ಲೆಪ್ಪೋಲೆ ಬುಡುಗಡೆ

*ನಿಟ್ಟೂರು ಶ್ರೀ ಬಬ್ಬುಸ್ವಾಮಿ ನೇಮೋತ್ಸವದ ಲೆಪ್ಪೋಲೆ  ಬುಡುಗಡೆ.*

ನಿಟ್ಟೂರು ಶ್ರೀ ಕಂಬಿಗಾರ ಶ್ರೀ ಬಬ್ಬುಸ್ವಾಮಿ ನೇಮೋತ್ಸವದ ಲೆಪ್ಪೋಲೆನ್ ದೈವಸ್ಥಾನದ ಸನ್ನಿಧಿಡ್ ಸೋಮವಾರದಾನಿ ದೈವಸ್ಥಾನದ ಆಡಳಿತ ಸಮಿತಿ, ಗ್ರಾಮಸ್ಥೆರು ಬೊಕ್ಕ ಪತ್ತು ಸಮಸ್ತೆರು ಬುಡುಗಡೆ ಮಲ್ತೆರು.

ಏಪ್ರಿಲ್ 25 ಬೊಕ್ಕ 26 ಗ್  ನಡಪರೆಗುಪ್ಪುನ ನೇಮೋತ್ಸವ  ವಿಜೃಂಭಣೆಡ್ ನಡಪರೆಗುಂಡ್.
ಏಪ್ರಿಲ್ 24 ಶುಕ್ರವಾರದಾನಿ  ಬಯ್ಯಗ್ 5 ಗಂಟೆಗ್ ಸೇವಾರೂಪಡ್  ಸಮರ್ಪಣೆಯಾವರೆಗುಪ್ಪುನ ಕೊರಗಜ್ಜ ದೈವದ ಬೊಳ್ಳಿದ  ಕವಚ, ಶ್ರೀ ತನ್ನಿಮಾನಿಗ ದೇವಿಗ್ ಬೊಳ್ಳಿದ ಸೊಂಟ ಪಟ್ಟಿ, ಶ್ರೀ ಕೊರಗಜ್ಜ ದೈವದ ಬೊಳ್ಳಿದ ದಂಟೆನ್ ಮೆರವಣಿಗೆಡ್ ದೈವಸ್ಥಾನಗ್  ಕನತುದು ದರ್ಶನ ಮುಖಾಂತರ ಸಮರ್ಪಣೆ ಮಲ್ಪರೆಗುಲ್ಲೆರ್..

25 ಗ್  ಬೇತೆ ಬೇತೆ ಧಾರ್ಮಿಕ ಕಾರ್ಯಕ್ರಮ ನಡತುದ್ ಮಹಾ ಅನ್ನಸಂತರ್ಪಣೆ ನಡಪುಂಡು.. ಆನಿ ಬೊಕ್ಕ ಮರುದಿನ (26 ರಂದು) ನಡಪರೆಗುಪ್ಪುನ ನೇಮೋತ್ಸವ ಬೊಕ್ಕ ಮಾತಾ  ಕಾರ್ಯಕ್ರಮಡ್ ಭಕ್ತಾಭಿಮಾನಿಲು ಪಾಲ್ ಪಡೆದ್  ಶ್ರೀಮುಡಿ ಗಂಧ ಪ್ರಸಾದನ್  ಸ್ವೀಕಾರ ಮಲ್ತುದ್, ಶ್ರೀದೈವೊಲೆನ  ಅನುಗ್ರಹ ಗ್ ಪಾತ್ರರಾವೊಡ್ ಪಂಡುದ್ ದೈವಸ್ಥಾನದ ಆಡಳಿತ ಸಮಿತಿ, ಗ್ರಾಮಸ್ಥೆರು ಬೊಕ್ಕ ಪತ್ತು ಸಮಸ್ತೆರು ಪ್ರಕಟಣೆಡ್ ತೆರಿಪಾದೆರ್.