ಉಡುಪಿ: ಶ್ರೀ ಕ್ಷೇತ್ರ ಶಂಕರಪುರ ದ್ವಾರಕಾಮಾಯಿ ಮಠ ಬೊಕ್ಕ ಶ್ರೀ ಸಾಯಿ ಸಾಂತ್ವಾನ ಮಂದಿರ ಟ್ರಸ್ಟ್ ದ ಆಶ್ರಯಡ್ ಶ್ರೀ ಮುಖ್ಯಪ್ರಾಣ ದೇವೆರೆನ 19 ಅಡಿ ಎತ್ತರದ ಶಿಲಾಮೂರ್ತಿದ ಪ್ರತಿಷ್ಠಾ ಬ್ರಹ್ಮಕಲಶೋತ್ಸವ ಉಂದುವೇ ಬರ್ಪಿನ ಮಾ.31ಡ್ದ್ ಎಪ್ರಿಲ್ 3ಮುಟ್ಟ ಶ್ರೀಕ್ಷೇತ್ರ ಶಂಕರಪುರಡ್ ನಡಪರೆಗುಂಡ್ ಪಂಡುದು ಶ್ರೀಸಾಯಿ ಈಶ್ವರ್ ಗುರೂಜಿ ತೆರಿಪಾದೆರು.
ಸುದ್ದಿಗೋಷ್ಠಿಯಲ್ಲಿ ಮಾಯಿತಿ ಕೊರಿನ ಆರು, ಶಿಲಾಮೂರ್ತಿನ್ ಮಾ.14 ಗ್ ಉಡುಪಿ ಜೋಡುಕಟ್ಟೆಡ್ದ್ ಭವ್ಯ ಮೆರವಣಿಗೆಡ್ ಶ್ರೀ ಕ್ಷೇತ್ರಗ್ ಕನಪುಂಡ್. ಮಾ.26ಗ್ ಹನುಮ ಜನ್ಮ ಭೂಮಿಡ್ದ್ ರಾಮನವಮಿದಾನಿ ಹನುಮ ಜ್ಯೋತಿ ಬೊಕ್ಕ ಹನುಮ ಧ್ವಜ ಪಿದಾಡುದ್ ಮಾ.29ಗ್ ಉಡುಪಿ ತಲುಪುಂಡ್.. ಉಡುಪಿ ಜೋಡುಕಟ್ಟೆಡ್ದ್ ಭವ್ಯ ಮೆರವಣಿಗೆಡ್ದ್ ಹನುಮ ಜ್ಯೋತಿ, ಹನುಮಧ್ವಜ ಬೊಕ್ಕ ಅವಧೂತ ಭಗವಾನ್ ನಿತ್ಯಾನಂದ ಸ್ವಾಮಿನ 200ಕೆಜಿ ತೂಕದ ಪಂಚಲೋಹ ಮೂರ್ತಿನ್ ಶ್ರೀ ಕ್ಷೇತ್ರಗ್ ಕನಪುಂಡ್ ಪಂಡೆರು.
ಸುದ್ದಿಗೋಷ್ಠಿಡ್ ಪ್ರಮುಖೆರಾಯಿನ ಗೀತಾಂಜಲಿ ಎಂ. ಸುವರ್ಣ, ಅಭಿರಾಜ್ ಎಂ. ಸುವರ್ಣ, ಸುನಿಲ್ ಕೆ.ಆರ್, ವಿಜಯ ಕೊಡವೂರು, ವೀಣಾ ಎಸ್.ಶೆಟ್ಟಿ ಇತ್ತೆರು.
by 