ವಿದ್ಯೋದಯಪೆಕ್ಸ್ -2026

ವಿದ್ಯೋದಯಪೆಕ್ಸ್-2026: ಅಂಚೆ ಚೀಟಿ ಬೊಕ್ಕ ನಾಣ್ಯ ಪ್ರದರ್ಶನ ಜನವರಿ 31ಗ್.

ದಕ್ಷಿಣ ಕನ್ನಡ ಫಿಲಾಟಲಿಕ್ ಬೊಕ್ಕ ನ್ಯುಮಿಸ್ಮಾಟಿಕ್ ಅಸೋಸಿಯೇಷನ್ ಮಂಗಳೂರು (50ನೇ ವರ್ಷಾಚರಣೆ) ಬೊಕ್ಕ ಮಣಿಪಾಲ ಫಿಲಾಟಲಿ ಬೊಕ್ಕ ನ್ಯುಮಿಸ್ಮಾಟಿಕ್ ಕ್ಲಬ್ (ದಶ ವರುಷದ ಸಂಭ್ರಮಾಚರಣೆ) ವಿದ್ಯೋದಯ ಪಬ್ಲಿಕ್ ಸ್ಕೂಲ್ ಉಡುಪಿ ಸಹಯೋಗದೊಟ್ಟುಗ್ ವಿದ್ಯೋದಯ ಪೆಕ್ಸ್ 2026 ಅಂಚೆ ಚೀಟಿ ಸಂಗ್ರಹಣೆ ಬೊಕ್ಕ ನಾಣ್ಯ ಪ್ರದರ್ಶನನ್ ಜನವರಿ 31ಗ್ ಉಡುಪಿ ವಿದ್ಯೋದಯ ಪಬ್ಲಿಕ್ ಸ್ಕೂಲ್ ಡ್ ಆಯೋಜನೆ ಮಲ್ದುಂಡ್.

ಕಾಂಡೆ 9:30ಕ್ಕ್ ಶ್ರೀ ಕಾಣಿಯೂರು ಮಠದ ಪೀಠಾಧಿಪತಿ ಶ್ರೀ ಶ್ರೀ ವಿದ್ಯಾವಲ್ಲಭ ತೀರ್ಥ ಸ್ವಾಮೀಜಿ ಈ ಪ್ರದರ್ಶನನ್ ಉದಿಪನ ಮಲ್ತುದ್,, ವಿದ್ಯೋದಯ ಪಬ್ಲಿಕ್ ಸ್ಕೂಲ್ ಉಡುಪಿಧ ಅಧ್ಯಕ್ಷೆರಾಯಿನ ಸಿ ಎನ್ ನಾಗರಾಜ್ ಬಳ್ಳಾಲ್ ಅಧ್ಯಕ್ಷತೆಡುಪ್ಪುವೆರ್.. ಮಲ್ಲ ಬಿನ್ನೆರಾದ್ ಉಡುಪಿ ಅಂಚೆ ವಿಭಾಗದ ಅಂಚೆ ಅಧೀಕ್ಷಕೆರಾಯಿನ  ಶ್ರೀ ರಮೇಶ್ ಪ್ರಭು, ಶ್ರೀ ಕಿರಣ್ ಆಚಾರ್ಯ, ಶ್ರೀ ಮಾರ್ಕಡ್ ಪ್ರಭಾಕರ್ ಕಾಮತ್ ಬೊಕ್ಕ ವಿದ್ಯೋದಯ ಪ್ರೌಢಶಾಲೆದ  ಪ್ರಾಂಶುಪಾಲೆರಾಯಿನ ಶ್ರೀಮತಿ ಅನಿತಾ ಪಿ ರಾಜ್ ಪಾಲ್ ಪಡೆವೆರ್.

ಜೋಕ್ಲೆಗ್ ಕಾಂಡೆ  9:30 ಡ್ದ್  ಒಂಜಿ ಗಂಟೆಮುಟ್ಟ ಬೊಕ್ಕ ಸಾರ್ವಜನಿಕೆರೆಗ್  ಮಧ್ಯಾಹ್ನ 1:30ಡ್ದ್  ಬಯ್ಯಗ್ 4 ಗಂಟೆಮುಟ್ಟ ವೀಕ್ಷಣೆ ಮಲ್ಪರೆಗ್ ಮುಕ್ತ ಅವಕಾಶ ಉಂಡು ಪಂಡುದು ವಿದ್ಯೋದಯಪೆಕ್ಸ್-2026 ಸಂಯೋಜಕೆರು ಬೊಕ್ಕ ವಿದ್ಯೋದಯ ಪಿಯು ಕಾಲೇಜಿಧ ಪ್ರಾಂಶುಪಾಲೆರಾಯಿನ ಸಂದೀಪ್ ಕುಮಾರ್ ತೆರಿಪಾದೆರ್..