ಕೊಡವೂರು ಶಂಕರನಾರಾಯಣ

*ಭಕ್ತಿ ಬೊಕ್ಕ ನಂಬಿಕೆ ಜೀವನಗ್ ಸತ್ಪಥನ್ ತೋಜಾವುಂಡ್.~ ಉದ್ಯಮಿ ವಿಜಿ ಶೆಟ್ಟಿ.

*ಭಕ್ತಿ ಬೊಕ್ಕ ನಂಬಿಕೆ ಜೀವನಗ್  ಸರಿಯಾಯಿನ ತಾದಿನ್ ತೋಜಾವುಂಡ್..ದೇವೆರೆನ ಮಿತ್ತುದ  ಭಕ್ತಿ ನಮ್ಮ ಉಲಾಯಿದ ಅಶಾಂತಿ, ಪೋಡಿಗೆನ್ ದೂರ ಮಲ್ತುದ್ ಶಾಂತಿನ್ ಕೊರ್ಪುಂಡ್.. ನಂಬಿಕೆ ನಮನ್ ಸಂಕಷ್ಟಲೆಡ್ ಧೈರ್ಯಡ್ ದುಂಬು ನಡಪರೆಗ್ ಶಕ್ತಿ ಕೊರ್ದು ಪ್ರಗತಿ ಆವರೆಗ್ ಕಾರಣ ಆಪುಂಡ್  ಪಂಡುದು ವಿ ಜಿ ಶೆಟ್ಟಿ ಅಭಿಪ್ರಾಯ ಪಂಡೆರ್..

ಆರು ಕೊಡವೂರು ಶ್ರೀ ಶಂಕರನಾರಾಯಣ ದೇವಳಡ್ ವಾರ್ಷಿಕ ರಥೋತ್ಸವದ ಪ್ರಯುಕ್ತ ಧಾರ್ಮಿಕ ಬೊಕ್ಕ ಸಾಂಸ್ಕೃತಿಕ ಕಾರ್ಯಕ್ರಮಲೆಗ್ ಚಾಲನೆ ಕೊರಿನೆಡ್ ಬೊಕ್ಕ  ಪಾತೆರ್ದ್ ಬಾಲ್ಯಡ್  ನಮಕ್ ಹಿರಿಯೆರು ಕೊರಿನ ಎಡ್ಡೆ ಸಂಸ್ಕಾರ ಆತೇ  ನಮ್ಮ ಜೀವನಗ್  ಭದ್ರವಾಯಿನ  ಅಡಿಪಾಯ. ದುಂಬುದ ಪೀಳಿಗೆಗ್ ನಮ ಉಂದೆನೇ ಉಡುಗೊರೆಯಾದ್  ಕೊರೊಡುಂದ್  ಪಂಡೆರು.

ಶ್ರೀ ಕ್ಷೇತ್ರಗ್  ಸೇವೆ ಸಲ್ಲಿಸಾಯಿನ  ಅಡಿಗ ಕೃಷ್ಣಮೂರ್ತಿ ಭಟ್, ಯು ನರೇಂದ್ರ ಕಲ್ಮಾಡಿ, ಸದಾನಂದ ಸೇರಿಗಾರ್ ಬೊಕ್ಕ ಪೂರ್ಣಿಮಾ ಜನಾರ್ದನ್ ಮೆರೆಗ್ ಶ್ರೀ ಶಂಕರನಾರಾಯಣಾನುಗ್ರಹ ಪ್ರಶಸ್ತಿ ಕೊರಿಯೆರ್.. ಈ ಸಂದರ್ಭಡ್ ಸಮಾಜ ಸೇವಕ ಕೃಷ್ಣಮೂರ್ತಿ ಆಚಾರ್ಯ, ಉದ್ಯಮಿ ಆನಂದ ಪಿ ಸುವರ್ಣ, ಕೆಎಂಎಫ್ ಅಧ್ಯಕ್ಷ ರವಿರಾಜ ಹೆಗ್ಡೆ, ಶಂಕರನಾರಾಯಣ ಭಕ್ತವೃಂದ ಅಧ್ಯಕ್ಷ ತೋಟದಮನೆ ದಿವಾಕರ ಶೆಟ್ಟಿ, ವ್ಯವಸ್ಥಾಪನ ಸಮಿತಿ ಸದಸ್ಯೆರಾಯಿನ ಉಷಾ ಆನಂದ ಸುವರ್ಣ , ಎ ರಾಜ ಸೇರಿಗಾರ್, ವಾದಿರಾಜ್ ಸಾಲ್ಯಾನ್, ಯಶೋಧರ ಸಾಲ್ಯಾನ್, ಬಾಬಾ ಕೆ, ಉಪಸ್ಥಿತಿತರಿತ್ತೆರು.

ಶ್ರೀದೇವಳದ ವ್ಯವಸ್ಥಾಪನ ಸಮಿತಿ ಅಧ್ಯಕ್ಷ ಪ್ರಕಾಶ್ ಜಿ ಕೊಡವೂರು ಸ್ವಾಗತ ಮಲ್ತುದ್ ಪ್ರಸ್ತಾಪನೆ ಮಲ್ತೆರು. ಶಂಕರ ನಾರಾಯಣ ಸೇವಾ ಸಮಿತಿ ಪ್ರಧಾನ ಕಾರ್ಯದರ್ಶಿ ಜನಾರ್ದನ್ ಕೊಡವೂರು ಧನ್ಯವಾದ ಮಲ್ತೆರು. ಕಾರ್ಯದರ್ಶಿ ಸತೀಶ್ ಕೊಡವೂರು ನಿರೂಪಣೆ ಮಲ್ತೆರು.       

ಸಭಾಕಾರ್ಯಕ್ರಮಡ್  ಬೊಕ್ಕ ನೃತ್ಯನಿಕೇತನ ಕೊಡವೂರು ತಂಡದ ಸದಸ್ಯೆರೆಡ್ದ್  ನೃತ್ಯಸಿಂಚನ ಕಾರ್ಯಕ್ರಮ ಸಂಪನ್ನ ಆಂಡ್..