ರುಡ್ ಸೆಟ್ ಡ್ ಆರೋಗ್ಯ ಶಿಬಿರ

ರುಡ್ಸೆಟ್ ಸಂಸ್ಥೆ, ಬ್ರಹ್ಮಾವರಡ್ ಉಚಿತ ಆರೋಗ್ಯ ತಪಾಸಣಾ ಶಿಬಿರ.

ಬ್ರಹ್ಮಾವರ, ಆಗಸ್ಟ್ 07: ಗ್ರಾಮಾಭಿವೃದ್ಧಿ ಬೊಕ್ಕ ಸ್ವ ಉದ್ಯೋಗ ತರಬೇತಿ (ರುಡ್ಸೆಟ್) ಸಂಸ್ಥೆ, ಬ್ರಹ್ಮಾವರ, ಜಯಂಟ್ಸ್ ಗ್ರೂಪ್ ಬ್ರಹ್ಮಾವರ, ಸಿ.ಎಸ್.ಐ. ಲೊಂಬಾರ್ಡ್ ಮಿಷನ್ ಆಸ್ಪತ್ರೆ ಬೊಕ್ಕ ರುಡ್ಸೆಟ್ ಆಸರೆ ಸಂಘಟನೆದ ಸಂಯುಕ್ತ ಆಶ್ರಯಡ್ ಉಚಿತ ಆರೋಗ್ಯ ತಪಾಸಣಾ ಶಿಬಿರದ ಉದಿಪನಾ ಸಮಾರಂಭ ರುಡ್ಸೆಟ್ ಸಂಸ್ಥೆದ ಸಭಾಂಗಣಡ್ ನಡತುಂಡ್.

ಕಾರ್ಯಕ್ರಮನ್  ಮಲ್ಲ ಬಿನ್ನೆರಾದಿತ್ತಿನ   ಮಾಜಿ ಸಚಿವೆರು, ಮೀನುಗಾರಿಕೆ, ಯುವ ಸಬಲೀಕರಣ ಬೊಕ್ಕ ಕ್ರೀಡಾ ಇಲಾಖೆ, ಉದ್ಯಮಿಲು ಬೊಕ್ಕ ಕೊಡುಗೈ ದಾನಿಲಾಯಿನ ಶ್ರೀ ಪ್ರಮೋದ್ ಮಧ್ವರಾಜ್ ತುಡರ್ ಅರ್ಲಾದ್ ಉದಿಪನ ಮಲ್ತೆರು.
ಬೊಕ್ಕ ಪಾತೆರಿನ  ರುಡ್ಸೆಟ್ ಸಂಸ್ಥಡ್  ಹೆಚ್ಚಿಗೆ ಸಂಖ್ಯೆಡ್ ಮಹಿಳೆಯೆರು ತರಬೇತಿ ಮಲ್ತೊಂದುಪ್ಪುನ  ಗಮನಿಸಾದ್ ಸಂತಸ ವ್ಯಕ್ತಪಡಿಸಾಯೆರು. ಪಿರಾಕುದ ಕಾಲೊಡ್ ಮಹಿಳೆಯೆರ್  ಕೆಲವು ನಿರ್ದಿಷ್ಟ ಕೆಲಸಲೆಗ್  ಮಾತ್ರ ಸೀಮಿತರಾದಿತ್ತೆರು. ಆಂಡ  ಇನಿ  ಮಹಿಳೆಯೆರು ದುಂಬು ಬತ್ತುದ್  ಬೇತೆ ಬೇತೆ ಕೌಶಲ್ಯನ್  ಪಡೆತೊಂದ್  ತಮ್ಮ ಆರ್ಥಿಕ ಪರಿಸ್ಥಿತಿನ್  ಸುಧಾರಣೆ ಮಲ್ತೊನರೆಗ್ ಪ್ರಯತ್ನ ಮಲ್ಪುನವ್  ಎಡ್ಡೆ  ಬೆಳವಣಿಗೆಯಾದುಂಡ್  ಪಂಡೆರ್.
ವ್ಯವಹಾರಡ್  ಕೇವಲ ಲಾಭ ಗಳಿಸಾವುನ ಮುಖ್ಯ ಅತ್ತ್ ; ಸಮಾಜಡ್  ಆದರ್ಶ ವ್ಯಕ್ತಿಲಾದ್  ಬದುಕುನುಲಾ  ಬಾರೀ ಮುಖ್ಯ. ವ್ಯವಹಾರಡ್  ತಾಳ್ಮೆ, ಪ್ರಾಮಾಣಿಕತೆ ಬೊಕ್ಕ ಬಾಕಿದಕ್ಲೆಗ್ ಸಹಾಯ ಮಲ್ಪುನ ಮನೋಭಾವ ಇತ್ತುಂಡ ಯಶಸ್ಸು ದ ಮುಟ್ಲು ಏರರೆಗ್ ಸಾಧ್ಯ ಪಂಡುದು ಆರು ತೆರಿಪಾಯೆರು.
ನಮ  ನಮ್ಮ ವಾಹನೊನ್  ಬಾರಿ ಕಾಳಜಿಡ್ ಪ್ರತಿತಿಂಗೊಲುಗೊರ  ಪರಿಶೀಲನೆ. ಮಲ್ಪುವಾ. ಆಂಡ ನಮ್ಮನೇ ಜೀವ ಬೊಕ್ಕ ಆರೋಗ್ಯದ ಬಗ್ಗೆ ಕಾಳಜಿ ವಹಿಸಂದೆ ಇತ್ತುಂಡ  ಒವ್ವೇ ಸಾಧನೆ ಮಲ್ಪರೆಗ್ ಸಾಧ್ಯ ಇಜ್ಜಿ ಪಂಡೆರ್.. ಮಾತೆಡುಲಾ  ಮುಖ್ಯವಾದ್ ನಮ್ಮ ಆರೋಗ್ಯ ಎಡ್ಡೆ ಡ್ ಉಪ್ಪೊಡ್.. ಈ ನಿಟ್ಟುಡ್ ಸಮಾಜಮುಖಿ ಧರ್ಮಾರ್ಥ ಆರೋಗ್ಯ ತಪಾಸಣಾ ಶಿಬಿರೊನ್  ಆಯೋಜನೆ ಮಲ್ದಿನ ಶ್ಲಾಘನೀಯ. ಮಾತೆರ್ಲ ಈ ಅವಕಾಶೊನ್ ಸದುಪಯೋಗ ಮಲ್ತೊನೊಡ್ ಪಂಡುದು ಆರು ಶುಭ ಹಾರೈಸಿಯೆರು.




ಕಾರ್ಯಕ್ರಮದ ಅಧ್ಯಕ್ಷತೆಡಿತ್ತಿನ  ರುಡ್ಸೆಟ್ ಸಂಸ್ಥೆದ ನಿರ್ದೇಶಕೆರಾಯಿನ  ಡಾ. ಬೊಮ್ಮಯ್ಯ ಎಂ. ಪಾತೆರ್ದ್, ಆರೋಗ್ಯ  ಎಡ್ಡೆ ಇತ್ತುಂಡ ಮಾತ್ರ ಉದ್ಯಮ ಕ್ಷೇತ್ರಡ್ ಯಶಸ್ಸು ಸಾಧಿಸಾವರೆಗ್  ಸಾಧ್ಯ. ಕೆಲಸದ ಒತ್ತಡಡ್ ನಮ ನಮ್ಮ ಆರೋಗ್ಯದ ಬಗ್ಗೆ ಗಮನ ಕೊರ್ಪಿನ  ಮದತ್ ಬುಡ್ಪ. ಅಂಚಾದ್ “ಆರೋಗ್ಯನೇ ಸಂಪತ್ತು” ಪನ್ಪಿನ ಪಾತೆರೊನ್ ಏಪೊಲ ನೆಂಪು ಡ್ ದಿಯೊನೊಡ್ .ದೈಹಿಕ ಆರೋಗ್ಯದ ಒಟ್ಟುಗ್  ಮಾನಸಿಕ ನೆಮ್ಮದಿನುಲಾ  ಕಾತೊನೊಡ್. ಪಂಡೆರು. ಇಂಚಿನ  ಎಡ್ಡೆ  ಅವಕಾಶೊನ್  ಕಲ್ಪಿಸಾದಿನ  ಸಂಸ್ಥೆಲೆಗ್ ಕೃತಜ್ಞತೆ ಸಲ್ಲಿಸಾದ್  ಕಾರ್ಯಕ್ರಮಗ್  ಶುಭ ಹಾರೈಸಿಯೆರು.

ಈ ಸಂದರ್ಭಡ್  ಶ್ರೀ. ಹರೀಶ್ ಜಿ., ಲೀಡ್ ಡಿಸ್ಟ್ರಿಕ್ಟ್ ಮ್ಯಾನೇಜರ್, ಉಡುಪಿ; ಶ್ರೀ. ಅಣ್ಣಯ್ಯ ದಾಸ್, ಅಧ್ಯಕ್ಷೆರು, ಜಯಂಟ್ಸ್ ಗ್ರೂಪ್, ಬ್ರಹ್ಮಾವರ; ಡಾ. ಕೆವಿನ್ ಪಾಂಡ್ಯನ್, ಸಿ.ಎಸ್.ಐ. ಲೊಂಬಾರ್ಡ್ ಮಿಷನ್ ಆಸ್ಪತ್ರೆ;  ಶ್ರೀ. ರಾಮಚಂದ್ರ ಆಚಾರ್, ಅಧ್ಯಕ್ಷೆರು, ರುಡ್ಸೆಟ್ ಆಸರೆ; ಶ್ರೀ. ಮಿಲ್ಟನ್ ಅಲೋವೆರಾ, ಕಾರ್ಯದರ್ಶಿ, ಜಯಂಟ್ಸ್ ಗ್ರೂಪ್; ಶ್ರೀ. ಮಹೇಶ್ ಕುಮಾರ್ ಮಲ್ಪೆ, ಮಾಲಕೆರು, ವಿಘ್ನೇಶ್ವರ ಪ್ರಿಂಟರ್ಸ್, ಮಲ್ಪೆ; ಶ್ರೀ. ರಾಜೇಶ್ ದೇವಾಡಿಗ, ಮಾಲಕೆರು, ಅವಿರಾಗ್ ಸ್ಟುಡಿಯೋ, ಬ್ರಹ್ಮಾವರ, ಶ್ರೀ. ಕುಶ,  ಸಂಸ್ಥೆದ ಸಿಬ್ಬಂದಿಲು  ಬೊಕ್ಕ ಬೇತೆ ಬೇತೆ ಸಂಸ್ಥೆದ ಪದಾಧಿಕಾರಿಲು ಉಪಸ್ಥಿತರಿತ್ತೆರು.

ಈ ಕಾರ್ಯಕ್ರಮದ ಅಂಗವಾದ್  ರುಡ್ಸೆಟ್ ಸಂಸ್ಥೆಡ್ ತರಬೇತಿನ್  ಪಡೆದಿನ  ಯಶಸ್ವಿ ಉದ್ಯಮಿಲೆಗ್ ರುಡ್ಸೆಟ್ ಬಜಾರ್ ದ  ಮೂಲಕ ಮಾರುಕಟ್ಟೆ ಅವಕಾಶೊನ್ ಆಯೋಜನೆ ಮಲ್ದುಂಡ್..

ಉಪನ್ಯಾಸಕಿ ಶ್ರೀಮತಿ ಚೈತ್ರ ಕೆ. ಕಾರ್ಯಕ್ರಮ ನಿರೂಪಣೆ ಮಲ್ತುದ್ . ಶ್ರೀ. ಸುಂದರ್ ಪೂಜಾರಿ, ನಿರ್ದೇಶಕೆರು, ಜಯಂಟ್ಸ್ ಯೂನಿಟ್, ಸ್ವಾಗತ ಮಲ್ತೆರು. ಶ್ರೀ. ಮಧುಸೂಧನ್, ಅಡ್ವೈಸರ್, ಜಯಂಟ್ಸ್ ಗ್ರೂಪ್ ಪ್ರಸ್ತಾವಿಕ ಪಾತೆರಿಯೆರು.  ಹಿರಿಯ ಉಪನ್ಯಾಸಕೆರಾಯಿನ ಶ್ರೀ ಸಂತೋಷ್ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರು.