ಉಚ್ಚಿಲಡ್ ಅಪ್ಪ ಸೇವೆ

ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲಡ್  ಆಗಸ್ಟ್ 10ಗ್  ವಿಶೇಷ ತುಪ್ಪದ ಅಪ್ಪ ಸೇವೆ

ಉಚ್ಚಿಲ: ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲದ ವತಿಡ್ದ್  ಆಟಿ ತಿಂಗೊಲ್ಡ್ ಪಿರಾಕುಡಿಂಚಿಲಾ  ನಡತೊಂದ್ ಬರೊಂದುಪ್ಪುನ  ಶ್ರೀ ಮಹಾಲಕ್ಷ್ಮೀ ಅಮ್ಮಗ್ ಬಾರೀ ಪ್ರಿಯವಾಯಿನ  ವಿಶೇಷ ತುಪ್ಪದ ಅಪ್ಪ ಸೇವೆನ್ ಉಂದುವೇ ಆಗಸ್ಟ್ 10ಗ್ ಸೋಮವಾರ ಅಪರಾಹ್ನ 3.30ಗಂಟೆಡ್ದ್ ಶ್ರೀ ಕ್ಷೇತ್ರಡ್  ಭಕ್ತಿಪೂರ್ವಕವಾದ್  ನಡಪರೆಗುಂಡ್..

ಈ ವಿಶೇಷ ಸೇವೆ ಶ್ರೀ ಕ್ಷೇತ್ರದ ಪರಂಪರೆದ ಧಾರ್ಮಿಕ ಆಚರಣೆದ ಭಾಗವಾದಿತ್ತುದ್ , ಭಕ್ತಾದಿಲು ಹೆಚ್ಚಿನ ಸಂಖ್ಯೆಡ್  ಪಾಲ್ ಪಡೆದ್ ಶ್ರೀ ಮಹಾಲಕ್ಷ್ಮೀ ಅಮ್ಮನ ಕೃಪೆಕ್ ಪಾತ್ರರಾವೊಡ್ ಪಂಡುದು ಶ್ರೀ ಕ್ಷೇತ್ರದ ವತಿಡ್ದ್ ಬಿನ್ನಪ ಮಲ್ತುದೆರ್.

ವಿಶೇಷ ತುಪ್ಪದ ಅಪ್ಪ ಸೇವೆನ್ ಕೊರ್ಪಿನ   ಭಕ್ತಾದಿಲು ಶ್ರೀ ಕ್ಷೇತ್ರದ ಸೇವಾ ಕೌಂಟರ್‌ ಡ್  ಸೇವಾ ರಶೀದಿನ್  ಪಡೆತೊನೊಲಿ ಪಂಡುದು ಶ್ರೀ ಕ್ಷೇತ್ರದ ಪ್ರಕಟಣೆ ತೆರಿಪಾದುಂಡ್.

ಜಾಗೆ: ಶ್ರೀ ಮಹಾಲಕ್ಷ್ಮೀ ದೇವಸ್ಥಾನ, ಶ್ರೀ ಕ್ಷೇತ್ರ ಉಚ್ಚಿಲ
ತೇದಿ: 10.08.2026, ಸೋಮವಾರ
ಪೊರ್ತು: ಅಪರಾಹ್ನ 3.30ಗಂಟೆಡ್ದ್ .