ಆಳ್ವಾಸ್ ನುಡಿಸಿರಿ

ಆಳ್ವಾಸ್ ನುಡಿಸಿರಿ ವಿರಾಸತ್ ಉಡುಪಿ ಘಟಕದ ವತಿಡ್ದ್  ಉಡುಪಿಡ್ ಆಳ್ವಾಸ್ ಸಾಂಸ್ಕೃತಿಕ ವೈಭವ

ಪರ‍್ಯಾಯ ಶ್ರೀಪುತ್ತಿಗೆ ಶ್ರೀಕೃಷ್ಣ ಮಠ, ಉಡುಪಿ, ಪರ್ಯಾಯ ಪೀಠಾಧೀಶೆರಾಯಿನ  ಪರಮಪೂಜ್ಯ ಶ್ರೀ ಶ್ರೀ ಸುಗಣೇಂದ್ರ ತೀರ್ಥ ಶ್ರೀಪಾದೆರು ಬೊಕ್ಕ ಅರೆನ ಶಿಷ್ಯ ಪರಮಪೂಜ್ಯ ಸುಶ್ರೀಂದ್ರ ತೀರ್ಥಶ್ರೀಪಾದಂಗಳೆರೆನ ಶುಭಾಶೀರ್ವಾದದೊಟ್ಟುಗ್, ಆಳ್ವಾಸ್ ನುಡಿಸಿರಿ-ವಿರಾಸತ್ ಉಡುಪಿ ಘಟಕದ ಆಶ್ರಯಡ್ ಉಡುಪಿದ ಶ್ರೀ ಕೃಷ್ಣ ಮಠ ರಾಜಾಂಗಣದ ವಾಹನ ನಿಲುಗಡೆ ಆವರಣದ, ಶ್ರೀ ಶ್ರೀ ವಿಶ್ವೇಶತೀರ್ಥ ಶ್ರೀಪಾದ ವೇದಿಕೆಡ್ ಡಿಸೆಂಬರ್ 13, ಶನಿವಾರದಾನಿ ಬಯ್ಯಗ್ 5:45 ಗ್ ಆಳ್ವಾಸ್ ಸಾಂಸ್ಕೃತಿಕ ವೈಭವ ನಡಪರೆಗುಂಡ್ ಪಂಡುದು ಸಂಘಟನಾ ಕಾರ್ಯದರ್ಶಿ ಮುರುಳಿ ಕಡೆಕಾರ್ ತೆರೀಪಾದೆರು.

ಆರು ಉಡುಪಿ ಪತ್ರಿಕಾ ಭವನಡ್ ಪತ್ರಿಕಾಗೋಷ್ಠಿಡ್ ಪಾತೆರ್ದ್
ಸುರುಟ್ 45 ನಿಮಿಷ ಕಾಲ ನಡಪುನ ಸಭಾಕರ‍್ಯಕ್ರಮನ್ ಪುತ್ತಿಗೆ ಮಠದ ಪರಮಪೂಜ್ಯ ಶ್ರೀ ಶ್ರೀ ಸುಗಣೇಂದ್ರ ತೀರ್ಥ ಶ್ರೀಪಾದೆರು ಬೊಕ್ಕ ಪರಮಪೂಜ್ಯ ಸುಶ್ರೀಂದ್ರ ತೀರ್ಥಶ್ರೀಪಾದೆರು ಉದಿಪನ ಮಲ್ಪುವೆರ್., ಉಡುಪಿ ವಿಧಾನ ಸಭಾ ಕ್ಷೇತ್ರದ ಶಾಸಕೆರಾದುಪ್ಪುನ ಯಶಪಾಲ್ ಸುವರ್ಣ ಅಧ್ಯಕ್ಷತೆಡುಪ್ಪುವೆರ್. ಸಮಾಜದ ಮಾತಾ ಪ್ರಮುಖೆರು ಸಭಾ ಕಾರ‍್ಯಕ್ರಮಡ್ ಗೌರವ ಉಪಸ್ಥಿತಿಡ್ ಹಾಜರಿಪ್ಪುವೆರ್.. ಈ ಸಾಂಸ್ಕೃತಿಕ ಕಾರ‍್ಯಕ್ರಮನ್ ಕೀರ್ತಿಶೇಷ ಡಾ ವಿಎಸ್ ಆಚಾರ್ಯೆರೆಗ್  ಅರ್ಪಣೆ ಮಲ್ದುಂಡ್.
ಆಳ್ವಾಸ್ ಶಿಕ್ಷಣ ಪ್ರತಿಷ್ಠಾನದ 500ಕ್ ಲಾ  ಜಾಸ್ತಿ ವಿದ್ಯಾರ್ಥಿ ಕಲಾವಿದೆರೆಡ್ದ್  ಭಾರತೀಯ ಕಲಾಪ್ರಕಾರಲಾಯಿನ ಯೋಗ ದೀಪಿಕಾ, ಶಾಸ್ತಿçÃಯ ನೃತ್ಯ-ಅಷ್ಟಲಕ್ಷ್ಮಿ, ಬಡಗುತಿಟ್ಟು ಯಕ್ಷಗಾನ ಶಂಕರಾರ್ಧ ಶರೀರಿಣಿ, ಗುಜರಾತುದ ದಾಂಡಿಯ ನೃತ್ಯ, ಮಣಿಪುರಿ ಸ್ಟಿಕ್ ಡಾನ್ಸ್, ಮಲ್ಲಕಂಬ ಬೊಕ್ಕ ಕಸರತ್ತು, ಸೃಜನಾತ್ಮಕ ನೃತ್ಯ, ಡೊಳ್ಳು ಕುಣಿತ, ಕಥಕ್ ವರ್ಷಧಾರೆ, ಪುರುಲಿಯಾ ಸಿಂಹ ನೃತ್ಯ, ತೆಂಕುತಿಟ್ಟು ಯಕ್ಷಗಾನ ಹಿರಣ್ಯಾಕ್ಷ ವಧೆ, ಬೊಂಬೆ ವಿನೋದಾವಳಿದ ಪ್ರದರ್ಶನ ನಡಪರೆಗುಂಡ್..
ಕಾರ‍್ಯಕ್ರಮದ ಆರಂಭ ಡ್ಆಳ್ವಾಸ್ ವಿದ್ಯಾರ್ಥಿಲೆಡ್ದ್  ಸಿಂಗಾರಿ ಮೇಳ ಫ್ಯೂ಼ಷನ್ ನಡಪರೆಗುಂಡ್.. ಬೊಂಬೆ ವಿನೋದಾವಳಿದೊಟ್ಟುಗ್ ಆಕರ್ಷಕ ಸಿಡಿಮದ್ದು ಪ್ರದರ್ಶನ ಉಪ್ಪುಂಡ್.. ಪ್ರೇಕ್ಷಕೆರೆಗಾದ್ 15000ಕ್ಕ್ ಲಾ  ಜಾಸ್ತಿ ಆಸನದ ವ್ಯವಸ್ಥೆ ಮಲ್ದಿತ್ತುದ್, ಮಾತೆರೆಗುಲಾ ಧರ್ಮಾರ್ಥ ಪ್ರವೇಶ ಉಪ್ಪುಂಡ್.. ಸಾಂಸ್ಕೃತಿಕ ಕಾರ‍್ಯಕ್ಲಮ  ಪೊರ್ತುಗ್ ಸರಿಯಾದ್  ಆರಂಭವಾದ್  ನಿಗದಿತ ಸಮಯಗ್ ಮುಕ್ತಾಯ ಆಪುಂಡ್.

ಪತ್ರಿಕಾಗೋಷ್ಟಿಡ್ ಆಳ್ವಾಸ್ ನುಡಿಸಿರಿ ವಿರಾಸತ್ ಉಡುಪಿ ಘಟಕದ ಗೌರವಧ್ಯಕ್ಷ ವಿ. ಜಿ. ಶೆಟ್ಟಿ, ಉಡುಪಿ ಘಟಕದ ಕಾರ್ಯದರ್ಶಿ ಭುವನ ಪ್ರಸಾದ, ಕಾರ್ಯಕ್ರಮ ಸಂಘಟಕೆರಾಯಿನ ನಿದೀಶ್ ತೋಳಾರ್, ಅಂಬರೀಷ್, ಆಳ್ವಾಸ್ ಪತ್ರಿಕೋದ್ಯಮ ವಿಭಾಗದ ಮುಖ್ಯಸ್ಥೆರಾಯಿನ ಪ್ರಸಾದ ಶೆಟ್ಟಿ, ಉದ್ಯಮಿ ಬೊಕ್ಕ ಘಟಕದ ಕಾರ್ಯಕಾರಿಣಿ ಸದಸ್ಯ ಸುಪ್ರಸಾದ್ ಶೆಟ್ಟಿ ಉಪಸ್ಥಿತರಿತ್ತೆರು.