ಉಡುಪಿ : ಉಡುಪಿ ಜಿಲ್ಲಾ ಪತ್ರಿಕಾ ಮಾಲೀಕರ ಸಂಘದ ಆಶ್ರಯಡ್ ಕನಾ೯ಟಕ ರಾಜ್ಯ ಮುದ್ರಣ ಮಾಲೀಕ ಸಂಘ, ಡಾ.ಟಿ.ಎಂ.ಎ ಪೈ ಪಾಲಿಟೆಕ್ನಿಕ್ ಬೊಕ್ಕ ಮಣಿಪಾಲ ಕೌಶಲ್ಯ ಅಭಿವೃದ್ಧಿ ಕೇಂದ್ರದ ಸಹಯೋಗಡ್ “ಅಖಿಲ ಭಾರತ ಮುದ್ರಣ ಶೃಂಗಸಭೆ-2025” ನ್ ಡಿಸೆಂಬರ್ 21ಗ್ ಆಯೋಜನೆ ಮಲ್ದುಂಡ್ ಟಿ.ಎಂ.ಎ. ಪೈ ಪಾಲಿಟೆಕ್ನಿಕ್, ಸಮ್ಮೇಳನದ ಗೌರವಾಧ್ಯಕ್ಷ ಯು.ಮೋಹನ್ ಉಪಾಧ್ಯಾಯ, ಕಾರ್ಯಾಧ್ಯಕ್ಷ ಎಂ.ಮಹೇಶ್ ಕುಮಾರ್ ಕೆ.ಪತ್ರಿಕಾಗೋಷ್ಠಿಡ್ ಈ ಬಗ್ಗೆ ಮಾಹಿತಿ ಕೊರ್ದು, ಆ ದಿನ ಕಾಂಡೆ 10 ಗಂಟೆಗ್ ಮಣಿಪಾಲ ಮೀಡಿಯಾ ನೆಟ್ವರ್ಕ್ ಕಾರ್ಯನಿರ್ವಾಹಕ ಅಧ್ಯಕ್ಷೆ ಟಿ.ಸತೀಶ್ ಯು ಪೈ ಬೊಕ್ಕ ಬೆಂಗಳೂರು ಪ್ರಿಂಟೆಕ್ ಪಾರ್ಕ್ ಕ್ಲಸ್ಟರ್ ಅಧ್ಯಕ್ಷೆ ಸಿ.ಆರ್.ಜನಾರ್ಧನ್ ಸಮ್ಮೇಳನೊನು ಉದ್ಘಾಟನೆ ಮಲ್ಪುವೆರ್ ಪಂಡ್ದ್ ಆರ್ ಪಂಡೆರ್. ಮುದ್ರಣ ಉದ್ಯಮೊಗು ಸಂಬಂಧಪಟ್ಟಿನ ಒಂಜಿ ಪ್ರದರ್ಶನ, ಸೆಮಿನಾರ್ ಬೊಕ್ಕ ಸನ್ಮಾನ ಕಾರ್ಯಕ್ರಮ ನಡಪುಂಡು ಪಂಡ್ದ್ ಆರ್ ಪಂಡೆರ್.
ಮುದ್ರಣಾಲಯೊಲು ಇತ್ತೆ ಎದುರಿಸೊಂದುಪ್ಪುನ ಕೆಲವು ಸಮಸ್ಯೆಲು, ಉದಾಹರಣೆಗ್ ಕುಶಲ ಬೊಕ್ಕ ಅನುಭವಿ ಕಾರ್ಮಿಕೆರೆನ ಕೊರತೆ, ಅನಾರೋಗ್ಯಕರ ಸ್ಪರ್ಧೆ, ತಂತ್ರಜ್ಞಾನೊಡು ನಿರಂತರ ಅಭಿವೃದ್ಧಿನ್ ಜಾರಿ ಮಲ್ಪುನ ಕಷ್ಟ, ಮಧ್ಯವರ್ತಿಲೆನ ಬೆದರಿಕೆ, ತರೆಮರೆತ ನಡುಟು ಮುದ್ರಣ ಕ್ಷೇತ್ರೊದ ಬಗ್ಗೆ ಉದಾಸೀನತೆ, ಬೊಕ್ಕ ಈ ಸಮ್ಮೇಳನೊಡು ಮುದ್ರಣ ಕ್ಷೇತ್ರೊದ ಭವಿಷ್ಯದ ಬಗ್ಗೆ ಒಂಜಿ ಸಂಗೋಷ್ಠಿ ನಡಪುಂಡು ಪಂಡ್ದ್ ಆರ್ ಪಂಡೆರ್.
ಉಡುಪಿ ಜಿಲ್ಲಾ ಪತ್ರಿಕಾ ಮಾಲೀಕೆರೆನ ಸಂಘದ ಮಾಜಿ ಅಧ್ಯಕ್ಷ ರಮೇಶ್ ತಿಂಗಳಾಯ, ಉಪಾಧ್ಯಕ್ಷೆರಾಯಿನ ಜಿ.ಎಂ. ಶರೀಫ್, ಸಂತೋಷ್ ಕುಮಾರ್, ಬೊಕ್ಕ ಪ್ರಿಂಟರ್ಸ್ ಫ್ರೆಂಡ್ಲಿ ಕೋಆಪರೇಟಿವ್ ದ ಅಧ್ಯಕ್ಷ ಬಿ.ಜಿ. ಸುಬ್ಬರಾವ್ ಪತ್ರಿಕಾಗೋಷ್ಠಿಡ್ ಇತ್ತೆರ್.
by 