ಎಸೆಸೆಲ್ಸಿ ಪರೀಕ್ಷಾ ಕಲಿಕೆಗ್ ನಿರಂತರ ವಿದ್ಯುತ್ ಒದಗಿಸಾಲೆ:
ಶೌರ್ಯ ಪ್ರಶಸ್ತಿ ಪುರಸ್ಕೃತ ವಿದ್ಯಾರ್ಥಿಡ್ದ್ ಸಿಎಂಗ್ ಮನವಿ
ಉಡುಪಿ, ಜ.೧೯: ಈ ಸರ್ತಿದ ಎಸೆಸೆಲ್ಸಿ ಪರೀಕ್ಷೆಗ್ ತಯಾರಾವೊಂದುಪ್ಪುನ ರಾಜ್ಯದ ಲಕ್ಷಾಂತರ ವಿದ್ಯಾರ್ಥಿಲೆನ ವಾರ್ಷಿಕ ಪರೀಕ್ಷೆದ ಹಿತದೃಷ್ಟಿಡ್ ನಿರಂತರ ವಿದ್ಯುತ್ ಸರಬರಾಜು ಒದಗಿಸಾವರೆಗ್ ಕರ್ನಾಟಕ ಸರ್ಕಾರನ್ ಒತ್ತಾಯ ಮಲ್ತುದ್, ಹೊಯ್ಸಳ ಶೌರ್ಯ ಪ್ರಶಸ್ತಿ ಪುರಸ್ಕೃತ ವಿದ್ಯಾರ್ಥಿ ಮಾಸ್ಟರ್ ದೀಪೇಶ್ ದೀಪಕ್ ಶೆಣೈ ಮೇರು ಮುಖ್ಯಮಂತ್ರಿ ಸಿದ್ದರಾಮಯ್ಯ ಗ್ ಮನವಿ ಸಲ್ಲಿಕೆ ಮಲ್ದೆರ್.
ಕುಂಜಿಬೆಟ್ಟು ಟಿ.ಎ. ಪೈ ಇಂಗ್ಲಿಷ್ ಮೀಡಿಯಂ ಹೈಸ್ಕೂಲ್ ದ ಪತ್ತನೇ ತರಗತಿ ವಿದ್ಯಾರ್ಥಿಯಾದುಪ್ಪುನ ಮಾಸ್ಟರ್ ದೀಪೇಶ್ ದೀಪಕ್ ಶೆಣೈ, ತಮ್ಮ ಪ್ರದೇಶಡ್ ನಡತೊಂದುಪ್ಪುನ ಅನಿಯಮಿತ ಬೊಕ್ಕ ಅಘೋಷಿತ ವಿದ್ಯುತ್ ಕಡಿತದ ಬಗ್ಗೆ ಗಂಭೀರ ಚಿಂತೆನ್ ವ್ಯಕ್ತಪಡಿಸಾದೆರ್..
ಎಸೆಸೆಲ್ಸಿ ಪರೀಕ್ಷೆಗ್ ಸಿದ್ಧರಾವೊಂದುಪ್ಪುನ ವಿದ್ಯಾರ್ಥಿಲೆಗಾದ್ ಕಾಂಡೆ ಬೊಕ್ಕ ರಾತ್ರೆಗ್ ಅಧ್ಯಯನ ಸಮಯಡ್ ನಿರಂತರ ವಿದ್ಯುತ್ ಸರಬರಾಜು ಒದಗಿಸಾವೊಡ್.. ತಕ್ಷಣ ತಾಂತ್ರಿಕ ಪರಿಶೀಲನೆ ಬೊಕ್ಕ ಅಗತ್ಯ ದುರಸ್ತಿ ಕಾರ್ಯಲೆನ್ ಮಲ್ಪೊಡ್ ಪಂಡುದು ಆರು ಮನವಿಡ್ ತೆರಿಪಾದೆರ್..
ವಿದ್ಯುತ್ ಕಡಿತಲು ವಿದ್ಯಾರ್ಥಿಲೆನ ಅಧ್ಯಯನ ಸಮಯನ್ ವ್ಯತ್ಯಯ ಆವೊಂದಿತ್ತುದ್ , ಆನ್ಲೈನ್ ಅಧ್ಯಯನ, ಡಿಜಿಟಲ್ ಶೈಕ್ಷಣಿಕ ಸಂಪನ್ಮೂಲದ ಬಳಕೆ ಬೊಕ್ಕ ಸಾಧನದ ಚಾರ್ಜಿಂಗ್ಗ್ ಅಡಚಣೆ ಆವೊಂದುಂಡ್. ಪರೀಕ್ಷೆಗ್ ತಯಾರಾವೊಂದುಪ್ಪುನ ಪ್ರತಿಯೊಂಜಿ ವಿದ್ಯಾರ್ಥಿಲೆನ ಭವಿಷ್ಯದ ಹಿತದೃಷ್ಟಿಡ್ ಈ ವಿಷಯಗ್ ಮುಖ್ಯಮಂತ್ರಿ ಕೂಡಲೇ ಸ್ಪಂದಿಸಾದ್ ಕ್ರಮ ದೆತೊನುವೆರ್ ಪನ್ಪಿನ ವಿಶ್ವಾಸವುಂಡ್ ಪಂಡುದು ಆರು ತೆರಿಪಾದೆರ್.
by 