ಮಲಬಾರ್ ವಿಶ್ವಸಾಹಿತ್ಯ.

ರಾಜ್ಯದ ಮೂಜಿ ಸಾಧಕರಿಗೆ ಮಲಬಾರ್ ವಿಶ್ವಸಾಹಿತ್ಯ ಪುರಸ್ಕಾರ_2024 ಪ್ರದಾನ

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನ (ರಿ) ಉಡುಪಿ, ಮಲಬಾರ್ ಗೋಲ್ಡ್ ಆಂಡ್ ಡೈಮಂಡ್ಸ್ ವತಿಡ್ದ್ ಮಲಬಾರ್ ವಿಶ್ವಸಾಹಿತ್ಯ ಪುರಸ್ಕಾರ 2024 ಕಾರ್ಯಕ್ರಮ ನವೆಂಬರ್ 14 ಗುರುವಾರ ಉಡುಪಿದ ಕಿದಿಯೂರು ಹೋಟೆಲ್’ ದ ಶೇಷಶಯನ ಬಾಲ್ಕನಿ ಸಭಾಂಗಣಡ್ ನಡತುಂಡ್..

ರಾಜ್ಯದ ಮೂಜಿ  ಪೆರಿಯ ಸಾಹಿತಿಲಾಯಿನ ಶಿವಮೊಗ್ಗದ ಅಂಬ್ರಯ್ಯ ಮಠ ( ಇತಿಹಾಸ ಸಂಶೋಧನೆ ), ಚಿಕ್ಕಮಂಗಳೂರುದ ಡಾ. ಎಚ್. ಎಸ್. ಸತ್ಯನಾರಾಯಣ.( ವಿಮಶೆ೯), ಕುಂದಾಪುರದ ಡಾ. ಉಮೇಶ್ ಪುತ್ರನ್ (ವೈದ್ಯ ಸಾಹಿತ್ಯ) ಮೊಕ್ಲೆಗ್ ಪ್ರಶಸ್ತಿ ಪತ್ರ, ಫಲಕ ಬೊಕ್ಕ ಬೆಳ್ಳಿ ಪದಕದೊಟ್ಟುಗ್  ‘ಮಲಬಾರ್ ವಿಶ್ವಸಾಹಿತ್ಯ ಪುರಸ್ಕಾರ 2024’ ನ್ ಜಾನಪದ ವಿದ್ವಾಂಸ ಡಾ. ಗಣನಾಥ್ ಎಕ್ಕಾರ್ ಪ್ರದಾನ ಮಲ್ತೆರು.

ಕಾರ್ಯಕ್ರಮದ  ಸಭಾಧ್ಯಕ್ಷತೆಡ್ ಗಣಕ ಪಿತಾಮಹ ನಾಡೋಜ ಡಾ. ಕೆ. ಪಿ. ರಾವ್  ಇತ್ತುದ್, ಮಾತಾ ಪ್ರಶಸ್ತಿ ಪುರಸ್ಕೃತೆರು ಅಭಿನಂದನಾರ್ಹೆರು. ಸಾಹಿತ್ಯ ಕ್ಷೇತ್ರಗ್ ಕೃತಕ ಬುದ್ಧಿಮತ್ತೆ (ಆರ್ಟಿಫಿಷಿಯಲ್ ಇಂಟಲಿಜೆನ್ಸ್) ಕಾರ್ ದೀದಿತ್ತುದ್ ದುಂಬುದ ದಿನಕ್ಲೆಡ್  ಬದಲಾವಣೆಲು ಕನವರೆಗಿತ್ತುದ್ ನೆತ್ತ ಬಗೆಟ್  ನಮ ಎಚ್ಚರಡ್  ಇಪ್ಪೊಡ್ ಪನ್ಪಿನ  ಕೆಬಿ ಪಾತೆರ ಪಂಡೆರು. ಮಲ್ಲ ಬಿನ್ನೆರಾದ್ ಕನ್ನಡ ಮತ್ತು ಸಂಸ್ಕೃತಿ ಇಲಾಖೆದ ಸಹಾಯಕ ನಿರ್ದೇಶಕಿ ಪೂರ್ಣಿಮಾ  ಉಪಸ್ಥಿತರಿತ್ತೆರು.

ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸ್ಥಾಪಕೆರಾಯಿನ ವಿಶ್ವನಾಥ್ ಶೆಣಿೈ ಅಧ್ಯಕ್ಷರಾಯಿನ  ಪ್ರೊ. ಶಂಕರ್ ಮಲಬಾರ್ ಗೋಲ್ಡ್ ಅಂಡ್ ಡೈಮಂಡ್ ದ  ವ್ಯವಸ್ಥಾಪಕೆರಾಯೀನ ಹಫೀಸ್ ರೆಹಮಾನ್ ಉಪಸ್ಥಿತರಿತ್ತೆರು. ಉಂದುವೇಸಂದರ್ಭಡ್ ಭಾರತ ಸ್ಕೌಟ್ಸ್ ಅಂಡ್ ಗೈಡ್ಸ್ ಇದರ ಜಿಲ್ಲಾ ಆಯುಕ್ತರಾಗಿ ಆಯ್ಕೆಯಾಯಿನ  ಜನಾರ್ದನ ಕೊಡವೂರು, ಅಂಚೆ ಇಲಾಖೆದ ಶ್ರೇಷ್ಠ ಪುರಸ್ಕಾರ ಮಾರ್ಕೆಟಿಂಗ್ ಎಕ್ಸಲೆನ್ಸ್ ಪುರಸ್ಕೃತ  ಪೂರ್ಣಿಮಾ ಜನಾರ್ದನ ದಂಪತಿಲೆನ್ ಮಾನಾದಿಗೆ ಮಲ್ತೆರ್.

ಉಪಾಧ್ಯಕ್ಷೆರಾಯಿನ ಮಧುಸೂದನ್ ಹೇರೂರು ಸ್ವಾಗತ ಮಲ್ತೆರು. ಸಂಸ್ಕೃತಿ ವಿಶ್ವ ಪ್ರತಿಷ್ಠಾನದ ಸಂಚಾಲಕ ರವಿರಾಜ್ ಎಚ್.ಪಿ ಪ್ರಸ್ತಾವನೆ ಮಲ್ತುದ್, ಖಜಾಂಚಿ ರಾಜೇಶ್ ಭಟ್ ಪಣಿಯಾಡಿ ನಿರೂಪಣೆ ಮಲ್ತೆರು. ಸಂಚಾಲಕಿ ಸಂಧ್ಯಾ ಶೆಣೈ ಧನ್ಯವಾದ ಮಲ್ತೆರು.