ವಿಶ್ವ ಭಂಡಾರಿ ಮಹಾಮಂಡಲದ ಪೊಸ ಪದಾಧಿಕಾರಿಲೆನ ಆಯ್ಕೆ.

ಮಹಿಳಾ ನಾಯಕತ್ವದ ಪೊಸ ಅಧ್ಯಾಯ: ವಿಶ್ವ ಭಂಡಾರಿ ಮಹಾಮಂಡಲಗ್ ಮಹಿಳಾ ಅಧ್ಯಕ್ಷೆ ಆಯ್ಕೆ

ಕಚ್ಚೂರು ಶ್ರೀ ನಾಗೇಶ್ವರ ದೇವಸ್ಥಾನ ಆಡಳಿತ  ಬೊಕ್ಕ ಸೇವಾ ಟ್ರಸ್ಟ್ (ರಿ) ಬೊಕ್ಕ ಭಂಡಾರಿ ಮಹಾಮಂಡಲ (ರಿ)ದ ವಾರ್ಷಿಕ ಮಹಾಸಭೆ ಅಕ್ಟೋಬರ್ 2 ರ ಗುರುವಾರದಾನಿ ಯಶಸ್ವಿಯಾದ್  ನಡತುಂಡ್..
ಈ ಸಭೆಟ್  ಭಂಡಾರಿ ಮಹಾಮಂಡಲ (ರಿ) ದ ಪೊಸ ಅಧ್ಯಕ್ಷೆರಾದ್  ಶ್ರೀಮತಿ ಅಮಿತಾ ಗಿರೀಶ್ ಭಂಡಾರಿ ಆಯ್ಕೆ ಆಯೆರು . ಉಪಾಧ್ಯಕ್ಷೆರಾದ್  ಶ್ರೀ ಶೇಖರ್ ಹೆಚ್ ಭಂಡಾರಿ ಕಾರ್ಕಳ, ಬೊಕ್ಕ ಶ್ರೀಮತಿ ವಾಣಿ ಎಸ್ ಭಂಡಾರಿ ಮಂಗಳೂರು, ಪ್ರಧಾನ ಕಾರ್ಯದರ್ಶಿಯಾದ್  ಶ್ರೀ ವಿಶ್ವನಾಥ್ ಭಂಡಾರಿ ಉಜಿರೆ, ಕೋಶಾಧಿಕಾರಿಯಾದ್ ಶ್ರೀ ಕುಶಲ್ ಭಂಡಾರಿ ಬೆಂಗಳೂರು ಆಯ್ಕೆಯಾಯೆರು.
ವಲಯವಾರು ಪ್ರತಿನಿಧಿಲೆನ್, ಸಂಚಾಲಕೆರೆನ್  ಶೀಘ್ರಡೇ ದುಂಬುದ ಸಭೆ ಲೆತ್ತುದು ಆಯ್ಕೆ ಮಲ್ಪುವ ಪಂಡುದು ಅಧ್ಯಕ್ಷೆ ಶ್ರೀಮತಿ ಅಮಿತ ಗಿರೀಶ್ ಹೇಳಿಕೆ ಕೊರ್ತೆರ್.

ಕಚ್ಚೂರುವಾಣಿ ಮಾಸ ಪತ್ರಿಕೆದ ಪ್ರಧಾನ ಸಂಪಾದಕ ರಮೇಶ್ ಭಂಡಾರಿ ಪಾಂಗಾಳ ಆಯ್ಕೆ ಪ್ರಕ್ರಿಯೆನ್  ನಿರ್ವಹಣೆ ಮಲ್ತೆರು.

ವಿಶ್ವ ಭಂಡಾರಿ ಮಹಾಮಂಡಲದ ಮಹಿಳಾ ಅಧ್ಯಕ್ಷೆರೆನ ಆಯ್ಕೆ ಪೊಸ ಆಶಯದ ಬೊಲ್ಪು. ಈ ನೇತೃತ್ವಡ್ ಸಮಾಜಡ್  ಪೊಸ ಚೈತನ್ಯ ಬೊಕ್ಕ ಪ್ರಗತಿದ  ಅಲೆ ಪರಪಡ್ — ಮಹಿಳಾ ಶಕ್ತಿಗ್ ಜಯ ಆವಡ್, ಆಯ್ಕೆಯಾಯಿನ ಪದದಾಧಿಕಾರಿಲೆಗ್ ತುಳುನಾಡ ಧ್ವನಿ ಅಭಿನಂದನೆ ಸಲ್ಲಿಸಾವುಂಡ್ .