ಡಾ.ಲೀಲಾಧರ್ ಗ್ ಆಯುಷ್ ಶ್ರೀ

ಡಾ. ಲೀಲಾಧರ್ ಡಿ.ವಿ ಮೆರೆಗ್ ಆಯುಷ್ ಶ್ರೀ ಪ್ರಶಸ್ತಿ.
ಮಂಗಳೂರುದ ಡಾ. ಟಿ ಎಂ ಎ ಪೈ ಅಂತಾರಾಷ್ಟ್ರೀಯ ಕನ್ವೆನ್ಷನ್ ಸೆಂಟರ್ ಡ್ ಇಂಚಪ್ಪೊಗ್ ಆಯೋಜನೆ ಮಲ್ದಿನ “ಆಯುಷ್ ಹಬ್ಬ 2026” ತ ಅಂಗವಾದ್ ನಡತಿನ ಆಯುಷ್ ಅಭಿನಂದನಾ ಕಾರ್ಯಕ್ರಮಡ್ ಸುಳ್ಯದ ಕೆ.ವಿ.ಜಿ ಆಯುರ್ವೇದ ಮೆಡಿಕಲ್ ಕಾಲೇಜು  ಬೊಕ್ಕ ಆಸ್ಪತ್ರೆದ ಪ್ರಾoಶುಪಾಲೆರಾಯಿನ ಡಾ. ಲೀಲಾಧರ್ ಡಿ. ವಿ ಮೆರೆಗ್ ಅರೆನ ವೈದ್ಯಕೀಯ ಸಾಧನೆಗಾದ್ “ಆಯುಷ್ ಶ್ರೀ” ಪ್ರಶಸ್ತಿ ಕೊರ್ದು ಗೌರವ ಮಲ್ದೆರ್.
ಈ ಸಂಧರ್ಭಡ್ ಆಯುಷ್ ಹಬ್ಬ ಆಯೋಜನಾ ಸಮಿತಿ ಅಧ್ಯಕ್ಷೆರಾಯಿನ ಡಾ. ಪಿ. ಕೆ. ಕೇಶವ್, ಆಳ್ವಾಸ್ ವಿದ್ಯಾಸಂಸ್ಥೆದ ಅಧ್ಯಕ್ಷರಾಯಿನ ಡಾ. ಮೋಹನ್ ಆಳ್ವ ಉಪಸ್ಥಿತರಿತ್ತೆರು.

ಡಾ. ಲೀಲಾಧರ್ ಡಿ.ವಿ ಮೇರು ಸುಳ್ಯದ ಪ್ರತಿಷ್ಠಿತ ಕೆ.ವಿ.ಜಿ ಆಯುರ್ವೇದ ಮೆಡಿಕಲ್ ಕಾಲೇಜು ಬೊಕ್ಕ ಆಸ್ಪತ್ರೆದ ಪ್ರಾಂಶುಪಾಲೆರಾದ್ ಬೊಕ್ಕ ಅಗದ ತಂತ್ರ ವಿಭಾಗದ ಮುಖ್ಯಸ್ಥೆರಾದ್  ಕಾರ್ಯನಿರ್ವಹಣೆ ಮಲ್ತೊಂದುಲ್ಲೆರ್.. ಆಯುರ್ವೇದ ಕ್ಷೇತ್ರದ  ಸಾಧನೆಗಾದ್ 2026ರ “ಆಯುಷ್ ಶ್ರೀ ಪುರಸ್ಕಾರ”ಗ್ ಭಾಜನರಾತೆರ್.. 18 ವರ್ಷಗುಲಾ ಜಾಸ್ತಿ ಬೋಧನಾ ಅನುಭವ ಇತ್ತಿನ ಮೇರು, 2020ಡ್ದ್ ಪ್ರಾಂಶುಪಾಲೆರಾದ್ ಸೇವೆ ಸಲ್ಲಿಸಾವೊಂದುಲ್ಲೆರ್.
ಡಾ. ಲೀಲಾಧರ್ ಡಿ.ವಿ ಅರೆನ ಪ್ರಮುಖ ವಿವರೊಲು:
ಹುದ್ದೆ: ಪ್ರಾಂಶುಪಾಲೆರು, ಕೆ.ವಿ.ಜಿ ಆಯುರ್ವೇದ ಮೆಡಿಕಲ್ ಕಾಲೇಜು ಮತ್ತು ಆಸ್ಪತ್ರೆ, ಸುಳ್ಯ.
ಶಿಕ್ಷಣ: ಬಿ.ಎ.ಎಂ.ಎಸ್. (BAMS), ಎಂ.ಡಿ (ಆಯು).
ವಿಭಾಗ: ಅಗದ ತಂತ್ರ (Toxicology) ವಿಭಾಗದ ಮುಖ್ಯಸ್ಥರು.
ಪ್ರಶಸ್ತಿ: ಆಯುಷ್ ಹಬ್ಬ-2026ರಲ್ಲಿ “ಆಯುಷ್ ಶ್ರೀ ಪುರಸ್ಕಾರ”.
ಅನುಭವ: 02.09.2005 ಡ್ದ್ ಕೆವಿಜಿ ಆಯುರ್ವೇದ ಕಾಲೇಜಿಡ್ ಬೋಧನಾ ಅನುಭವ.
ವಿಶೇಷ ಸಾಧನೆ: ನ್ಯಾಷನಲ್ ಕಮಿಷನ್ ಫಾರ್ ಇಂಡಿಯನ್ ಸಿಸ್ಟಮ್ ಆಫ್ ಮೆಡಿಸಿನ್‌ ಡ್ದ್ ಸಾಮರ್ಥ್ಯ ವರ್ಧನೆ ಕಾರ್ಯಕ್ರಮನ್ ಪೂರ್ಣ ಮಲ್ತುದೆರ್.
ಮೇರು ಕಾಲೇಜಿದ ಆಡಳಿತದ ಒಟ್ಟುಗ್ ಶೈಕ್ಷಣಿಕ ಬೊಕ್ಕ ಆಯುರ್ವೇದ ಕ್ಷೇತ್ರದ ಅಭಿವೃದ್ಧಿಡ್ ಸಕ್ರಿಯವಾದ್ ತೊಡಗಿಸಾವೊಂದೆರ್..