ಕೊಡಗುದ ಅಮ್ಮಣ್ಣಿಗ್ ಅಬ್ಬಕ್ಕ ಪ್ರಶಸ್ತಿ

ಕೊಡಗುದ ಕೆ.ಬಿ.ಅಮ್ಮಣ್ಣಿಗ್ ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿದ ಗರಿ.

ಸೂಲಗಿತ್ತಿ ವೃತ್ತಿ, ಕುಡಿಯ ಜನಾಂಗದ ಜಾನಪದ ಹಾಡುಗಾರಿಕೆ, ಉರುಟಿ ಕೊಟ್ ಜಾನಪದ ನೃತ್ಯದ ಮೆರೆನ ಸಾಧನೆನ್  ಗಮನಿಸಾದ್ ಮೆರೆಗ್  ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿಗ್ ಆಯ್ಕೆ ಮಲ್ದೆರ್.. ಮೂಲತಃ ಮೇರು ಚೆಯ್ಯಂಡಾಣೆ ಗ್ರಾಮದ ಚೇಲಾವರದ ಪೂವಮ್ಮ ಬೊಕ್ಕ ಕರುಂಬಯ್ಯ ಮೊಕ್ಲೆನ  ಮಗಳಾದಿತ್ತುದ್  ಭೀಮಯ್ಯ ಮೆರೆನ್ ಮದಿಮೆ ಆತೆರ್.

ಬಾಲ್ಯಡೇ  ಉರಟಿಕೊಟ್ ಬೊಕ್ಕ ಕುಡಿಯ ಜನಾಂಗದ ಜಾನಪದ ಹಾಡುಗಾರಿಕೆಡ್ ತನನ್ ತಾನೇ ತೊಡಗಿಸಾವೊಂದೆರ್.. ಮದಿಮೆಡ್ ಬೊಕ್ಕ  ಮಾಮಿಡ ನಾಟಿ ವೈದ್ಯ ಬೊಕ್ಕ ಸೂಲಗಿತ್ತಿ ವೃತ್ತಿನ್ ಕಲ್ತುದ್ ಗ್ರಾಮೀಣ ಭಾಗಡ್ ಬಾಲೆನ್ ಪೆದಿಪಾವುನ ಬೇಲೆದೊಟ್ಟುಗ್, ಪೆದ್ಮೆದಿ  ಬೊಕ್ಕ ಬಾಲೆದ ಆರೈಕೆ ಬೊಕ್ಕ ಪೆದ್ಮೆದಿಗ್  ಗಿಡ ಮೂಲಿಕೆದ ಮರ್ದ್ ಕೊರ್ಪೆರ್..

ಅಂಚೆನೇ ನಾಟಿ ವೈದ್ಯರಾಯೀನ  ಮೇರು ಅಲರ್ಜಿ, ಬಾಲಗ್ರಹ, ಗಾಯ, ಉಚ್ಚು ಬೊಕ್ಕ ವಿಷಪೂರಿತ ಕೀಟ ಕಡಿತ, ಉಳುಕು ಇಂಚಿನ  ಖಾಯಿಲೆಗ್  ಮರ್ದುಲಾ ಕೊರ್ಪೆರ್.

ಕರ್ನಾಟಕ ರಾಜ್ಯ ಮಹಾವಿದ್ಯಾಲಯ ಶಿಕ್ಷಕ ಸಂಘ (ರಿ.) ಮಂಗಳೂರು ವಿಭಾಗ ಬೊಕ್ಕ ವಿವೇಕಾನಂದ ಕಲಾ, ವಿಜ್ಞಾನ ಬೊಕ್ಕ ವಾಣಿಜ್ಯ ಮಹಾವಿದ್ಯಾಲಯ (ಸ್ವಾಯತ್ತ), ಪುತ್ತೂರುದ ಇತಿಹಾಸ ವಿಭಾಗ ಬೊಕ್ಕ ಐಕ್ಯೂಎಸಿ ಸಹಯೋಗದೊಟ್ಟುಗ್
ಅಬ್ಬಕ್ಕ @500 ನೇ ರಾಷ್ಟ್ರೀಯ ವಿಚಾರ ಸಂಕಿರಣ 100  ನೇ ಸಂಭ್ರಮ ಕಾರ್ಯಕ್ರಮ  ಉಂದುವೇ ಬರ್ಪಿನ ಫೆಬ್ರವರಿ 16 ತಾರೀಕು ದಾನಿ  ಸೋಮಾರದಾನಿ ಪುತ್ತೂರು ನೆಹರು ನಗರದ ವಿವೇಕಾನಂದ ಕಾಲೇಜಿದ ಆವರಣೊಡ್ ನಡಪರೆಗುಂಡ್.ಈ ಕಜ್ಜೊಡ್   ಕೆ.ಬಿ.ಅಮ್ಮಣ್ಣಿ ಮೆರೆಗ್ ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್..