ಸಂಧ್ಯಾ ಆಳಕ್ಕೆ ಗ್ ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿ.

ಶ್ರೀಮತಿ ಸಂಧ್ಯಾ ಅಳಕ್ಕೆ ಮೇರು ಕಾಸರಗೋಡು ಕೈತಲುದ ನೀರ್ಚಾಲು ಪನ್ಪಿನ  ಊರುದ ಶ್ರೀ ಗೋಪಾಲಕೃಷ್ಣ ಭಟ್ ಬೊಕ್ಕ ಶ್ರೀಮತಿ ಇವರ ನಾಲನೇದ ಮಗಲ್ ..
ಪ್ರಸ್ತುತ ಜೈನ ಪದವಿ ಪೂರ್ವ ಕಾಲೇಜು ಮೂಡೆದ್ರಡ್ ಕಂಪ್ಯೂಟರ್ ಸೈನ್ಸ್ ಉಪನ್ಯಾಸಕಿಯಾದ್ ಕರ್ತವ್ಯ ನಿರ್ವಹಿಸಾವುನೊಟ್ಟುಗ್   ಸುಮಾರು 5 ವರುಷಡಿಂಚಿ ಶೂನ್ಯ ತ್ಯಾಜ್ಯ ಜೀವನ ಶೈಲಿನ್ ಅಳವಡಿಸಾವೊಂದ್ ಪರಿಸರನ್ ಒರಿಪಾದ್  ಬುಳೆಪಾವುನ ಕಾರ್ಯಡ್ ತನನ್ ನಿರಂತರವಾದ್ ತೊಡಗಿಸಾವೊಂದ್ ಬಾಕಿದಕ್ಲೆನ್ ಪ್ರೇರೇಪಣೆ  ಮಲ್ತೊಂದುಪ್ಪುನ ಮಾದರಿ ಕಾರ್ಯ ಮಾತೆರೆಗ್ಲಾ  ಪ್ರೇರಣೆ ಬೊಕ್ಕ ಸ್ಪೂರ್ತಿ ..

ನಾಲ್  ವರುಷಡಿಂಚಿ ಮೂಡುಬಿದಿರೆ ಪರಿಸರದ ಸಮಾರಂಭಲೆಗ್ ಉಚಿತವಾದ್  ಕೊರ್ಪಿನ ಸ್ಟೀಲ್ ತಟ್ಟೆ ಲೋಟೆದ  cutlery bank ನ ಅನನ್ಯ ಸೇವೆ ಅವ್ವೇತೊ ಲಕ್ಷ ಏಕಬಳಕೆದ ತಟ್ಟೆ ಲೋಟಲೆನ ತ್ಯಾಜ್ಯಗ್ ಕಡಿವಾಣ ಪಾಡುದುಂಡ್..
ಏಕ ಬಳಕೆದ ಪ್ಲಾಸ್ಟಿಕ್ ಅತ್ತುಂಡ ಪೇಪರ್ ಲೋಟದ ಬದಲುಗ್ ತಾರೆದ  ಚಿಪ್ಪಿದ ಬಳಕೆದ ಅಬಿಯಾನ , ಮೂಡುಬಿದಿರೆ ವಾರದ ಸಂತೆಡ್  ಚೀಲ ಕನಲೆ ಇಜ್ಜಿಡ ಚೀಲ ಖರೀದಿ ಅಭಿಯಾನ, ಕೆಲವಾರು ಶೂನ್ಯ ತ್ಯಾಜ್ಯ ಸಮಾರಂಭದ ಆಯೋಜನೆ, ZEROWASTE ಕ್ಯಾಂಪಸ್, ಝೀರೋ waste temple ನ ಅಳವಡಿಕೆ ಇಂಚ ಕೆಲವ್ ಪರಿಸರ ಸ್ನೇಹಿ ಕಾರ್ಯಕ್ರಮಲೆನ್ ನಿರಂತರವಾದ್ ಯೋಜನೆ ಮಲ್ತೊಂದ್ ಪರಿಸರ ಯೋಧೆ ಯಾದ್ ಕೆಲಸ ನಿರ್ವಹಣೆ ಮಲ್ತೊಂದುಲ್ಲೆರ್. .

ಕರ್ನಾಟಕ ರಾಜ್ಯ ಮಹಾವಿದ್ಯಾಲಯ ಶಿಕ್ಷಕ ಸಂಘ (ರಿ.) ಮಂಗಳೂರು ವಿಭಾಗ ಬೊಕ್ಕ ವಿವೇಕಾನಂದ ಕಲಾ, ವಿಜ್ಞಾನ ಬೊಕ್ಕ ವಾಣಿಜ್ಯ ಮಹಾವಿದ್ಯಾಲಯ (ಸ್ವಾಯತ್ತ), ಪುತ್ತೂರುದ ಇತಿಹಾಸ ವಿಭಾಗ ಬೊಕ್ಕ ಐಕ್ಯೂಎಸಿ ಸಹಯೋಗದೊಟ್ಟುಗ್
ಅಬ್ಬಕ್ಕ @500 ನೇ ರಾಷ್ಟ್ರೀಯ ವಿಚಾರ ಸಂಕಿರಣ 100  ನೇ ಸಂಭ್ರಮ ಕಾರ್ಯಕ್ರಮ  ಉಂದುವೇ ಬರ್ಪಿನ ಫೆಬ್ರವರಿ 16 ತಾರೀಕು ದಾನಿ  ಸೋಮಾರದಾನಿ ಪುತ್ತೂರು ನೆಹರು ನಗರದ ವಿವೇಕಾನಂದ ಕಾಲೇಜಿದ ಆವರಣೊಡ್ ನಡಪರೆಗುಂಡ್.ಈ ಕಜ್ಜೊಡ್ ಸಂಧ್ಯಾ ಆಳಕ್ಕೆ ಮೆರೆಗ್ ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ಪರೆಗುಲ್ಲೆರ್..