ಕಾರ್ಕಳಡ್ ನಡಪರೆಗಿಪ್ಪುನ ಹಿಂದೂ ಸಂಗಮಡ್ ಸಾದ್ವಿ ಬಾಲಿಕ ಸರಸ್ವತಿ ಕೈಮರ ಪಾತೆರ..

ದತ್ತ ಜಯಂತಿದ ಅಂಗವಾದ್ ವಿಶ್ವ ಹಿಂದೂ ಪರಿಷದ್ ಬಜರಂಗದಳ ಕಾರ್ಕಳ ಪ್ರಖಂಡದ ವತಿಡ್ದ್ ಡಿಸೆಂಬರ್ 12‌ತಾರೀಕು ಐತಾರದಾನಿ ಮಧ್ಯಾಹ್ನ 2.30 ಗಂಟೆಗ್ ಸ್ವರಾಜ್ ಮೈದಾನಡ್ದ್ ಗಾಂಧಿ ಮೈದಾನಮುಟ್ಟ ಹಿಂದೂಲೆನ ಬ್ರಹತ್ ಶೋಭಾಯಾತ್ರೆ “ಹಿಂದೂ ಸಂಗಮ” ನಡಪರೆಗುಂಡ್.ಈ ಬ್ರಹತ್ ಶೋಭಾಯಾತ್ರೆಡ್ ರಾಮಮಂದಿರದ ವಿಶ್ವಸ್ಥೆರ್ ಉಡುಪಿ ಪೇಜಾವರ ಮಠಾಧೀಶೆರಾಯಿನ ಶ್ರೀ ಶ್ರೀ ವಿಶ್ವಪ್ರಸನ್ನತೀರ್ಥ ಸ್ವಾಮೀಜಿಯವರು ಪಾಲ್ ಪಡೆಯರೆಗುಲ್ಲೆರ್.

ವಿಶ್ವ ಹಿಂದೂ ಪರಷತ್ ನಾಯಕಿ ಸಾದ್ವಿ ಬಾಲಿಕ ಸರಸ್ವತಿ ಹಿಂದೂಸಂಗಮದ ಬಗ್ಗೆ ಕೈಮರ ಪಾತೆರ(ದಿಕ್ಸೂಚಿ ಭಾಷಣ) ಪಾತೆರ್ರೆಗುಲ್ಲೆರ್.ಹಿಂದೂ ಸಮಾಜದ ಶಕ್ತಿಪ್ರದರ್ಶನ ನಡಪರೆಗುಪ್ಪುನ ಈ ಬ್ರಹತ್ ಶೋಭಾಯಾತ್ರೆಡ್ ಸಮಸ್ತ ಹಿಂದೂ ಬಾಂಧವೆರ್ ಪಾಲ್ ಪಡೆದ್ ಕಾರ್ಯಕ್ರಮ ನ್ ಯಶಸ್ವಿ ಮಲ್ತ್ ಕೊರೊಡ್ ಪಂಡುದ್ ವಿಶ್ವ ಹಿಂದೂ ಪರಿಷದ್ ಕಾರ್ಕಳದ ಅಧ್ಯಕ್ಷೆರಾಯಿನ ಭಾಸ್ಕರ್ ಎಸ್.ಕೋಟ್ಯಾನ್,ಕಾರ್ಯದರ್ಶಿ ಸುಧೀರ್ ನಿಟ್ಟೆ,ಬಜರಂಗದಳ ಕಾರ್ಕಳದ ಸಂಯೋಜಕೆರಾಯಿನ ಚೇತನ್ ಪೇರಲ್ಕೆ ಮಾತೆರೆನ್ಲಾ ಮೋಕೆಡ್ ಎದ್ಕೊಂದೆರ್.