ಮಲ್ಪೆ ಬೀಚ್ ದುರಂತ

ಮಲ್ಪೆ ಬೀಚ್ ದುರಂತ : ತೆರಿದಿನ ಲೈಫ್ ಗಾರ್ಡ್ ಲೆನ್ ಜಿಲಾಡಳಿತ ಮೂಲಕ ತರಬೇತಿ ಕೊರ್ದು ನೇಮಕ ಮಲ್ಪೊಡ್ ಪಂಡುದ್ ಜಿಲ್ಲಾಧಿಕಾರಿಲೆಗ್ ಮೀನುಗಾರ ಮುಖಂಡ ವಿಶ್ವಾಸ್ ವಿ ಅಮೀನ್ ಮನವಿ.

ಕೋಡೆ ಮಲ್ಪೆ ಬೀಚ್ ಡ್  ಪ್ರವಾಸಿಗೆರು ಕಡಲು ಡ್ ನೀಂದರೆಗ್  ಪೋದ್  ಸಮುದ್ರ ಪಾಲಾದಿತ್ತುದ್ ರಡ್ಡ್ ಜನ ತೀರುದ್ ಒರಿ  ಚಿಂತಾಜನಕ ಸ್ಥಿತಿಟ್  ಆಸ್ಪತ್ರೆಡ್ ದಾಖಲಾದಿತ್ತುದ್ . ಈ ಬಗ್ಗೆ ಮಾದ್ಯಮಡ್ ಬೊಕ್ಕ ಸಾರ್ವಜನಿಕ ವಾದ್  ಜಿಲ್ಲಾಡಳಿತದ ನಿರ್ಲಕ್ಷ್ಯಪಾತೆರ ಕೇನೊಂದಿತ್ತುದ್  ನೆಕ್ ಪ್ರಮುಖ ಕಾರಣ ಕನಿಷ್ಠ ನೀಂದರೆಗ್  ಬರಂದಿನ ಮೂಜಿ ಲೈಫ್ ಗಾರ್ಡ್ ನಕುಲು ಇತ್ತುದ್ ಸಾರಗಟ್ಟಲೆ ಸಂಖ್ಯೆಡ್  ಬರ್ಪಿನ ಪ್ರವಾಸಿಗೆರೆನ್ ನಿಯಂತ್ರಣ ಮಲ್ಪರೆಗ್ ಅತ್ತುಂಡ  ಒವ್ವೇ ಅವಗಡ ಸಂಭವಿಸಿನದಗ ರಕ್ಷಣೆ ಮಲ್ಪರೆಗ್ ಅಸಾಧ್ಯ ವಾಯಿನ  ಕಾರಣ ತಕ್ಷಣ ಜಿಲ್ಲಾಡಳಿತದ ವತಿಡ್ದ್  ಸೂಕ್ತ ಕ್ರಮ ದೆತೊನರೆಗ್ ಕೇಂದಿತ್ತೆರ್. ವಿಶ್ವ ಪ್ರಸಿದ್ಧ ಮಲ್ಪೆ ಬೀಚ್ ಡ್ ನೀಂದರೆಗ್  ಬರಂದಿನ  ಲೈಫ್ ಗಾರ್ಡ್ ಲೆನ್  ನೇಮಕ ಮಲ್ಪುನ ಕಾರಣ ದಾದ ಪನ್ಪಿನ ಯಕ್ಷ ಪ್ರಶ್ನೆ ಮೂಡುದಿತ್ತುದ್  ನೆತ್ತ ಬಗ್ಗೆ ಸೂಕ್ತ ತನಿಖೆದೆತೊನೊಡ್  ಆಗ್ರಹ ಮಲ್ದೆರ್.. ಮಲ್ಪೆ ಬೊಕ್ಕ ಉಡುಪಿ ಜಿಲ್ಲೆದ ಮಾತಾ ಪ್ರಮುಖ ಬೀಚ್ ಡ್ ಹೆಚ್ಚಿನ ಸಂಖ್ಯೆಡ್  ಸ್ಥಳೀಯ ನುರಿತ ಲೈಫ್ ಗಾರ್ಡ್ ನಕ್ಲೆನ್ ಅತೀ ಶೀಘ್ರಡೇ ನೇಮಕ ಮಲ್ಪೊಡ್ ಪಂಡುದ್ ಉಡುಪಿ ಜಿಲ್ಲಾಧಿಕಾರಿ ಸ್ವರೂಪ ಟಿ ಕೆ ಮೆರೆಗ್ ಮನವಿ ಕೊರ್ತೆರ್.