ಜಿಲ್ಲಾ ಧಿಕಾರಿ ಗ್ ಮನವಿ..

ಅಖಿಲ ಭಾರತೀಯ ವಿದ್ಯಾರ್ಥಿ ಪರಿಷತ್ ಉಡುಪಿ ವತಿಡ್ದ್ ನಿಟ್ಟೆ ಭಾಗಡ್ ಅಸಮಪರ್ಕ ಬಸ್ ವ್ಯವಸ್ಥೆಡಾದ್ ವಿದ್ಯಾರ್ಥಿಲು ಅನುಭವಿಸಾವೊಂದುಪ್ಪುನ  ಸಮಸ್ಯೆನ್ ಬಗೆಹರಿಸಾವರೆಗ್ ಜಿಲ್ಲಾಧಿಕಾರಿಲೆಗ್  ಆಗ್ರಹ ಮಲ್ತೆರ್ .ಈ ಸಂದರ್ಭಡ್ ಜಿಲ್ಲಾ ಸಂಚಾಲಕೆರಾಯಿನ ಶ್ರೇಯಸ್ ಅಂಚನ್ ಬೊಕ್ಕ ವಿದ್ಯಾರ್ಥಿಲು ಉಪಸ್ಥಿತರಿತ್ತೆರು.

ಕಾರ್ಕಳ ತಾಲೂಕುಧ  ನಿಟ್ಟೆ ಕಾಲೇಜಿಡ್ ಸಾರಗಟ್ಟಲೆ ವಿದ್ಯಾರ್ಥಿಲು  ಕಲ್ತೊಂದಿತ್ತುದ್  ಉಡುಪಿ, ದಕ್ಷಿಣಕನ್ನಡ ಜಿಲ್ಲೆದ   ಭಾಗಲೆಡ್  ವಿದ್ಯಾರ್ಥಿಲು ಪ್ರತಿನಿತ್ಯ ಸಾರ್ವಜನಿಕ ಸಾರಿಗೆನ್ ಅವಲಂಬಿಸಾವೊಂದ್ ಪ್ರಯಾಣ ಮಲ್ತೊಂದುಲ್ಲೆರ್.

ಈ ಮಾರ್ಗಡ್  ವಿಪರೀತವಾಯಿನ  ಬಸ್ ಸಮಸ್ಯೆ ಇತ್ತುದ್  ಕೂಡಲೇ  ಸಮಸ್ಯೆ ಪರಿಹಾರ ಮಲ್ಪೊಡ್ . ದಿನೊಲಾ ಬಸ್ಸುದ ಫುಟ್ಟೋರ್ಡ್ ಡ್  ವಿದ್ಯಾರ್ಥಿಲು ಸೇರಿನಂಚ ಸಾರ್ವಜನಿಕೆರು ಪ್ರಯಾಣ ಮಲ್ತೊಂದಿತ್ತುದ್ ಪರದಾಡುನಂಚಾತುಂಡ್..  ಈ ಮಾರ್ಗಡ್  ಸರ್ಕಾರಿ ಬಸ್ ಮಂಜೂರಾದಿತ್ತುಂಡಲಾ ಖಾಸಗಿ ಬಸ್ ಮಾಲೀಕೆರೆಡಾದ್  ಅವ್ಲಾ  ಇಜ್ಜಿ. ಬೊಕ್ಕ ಖಾಸಗಿ ಬಸ್ಸುಲು ಅಗತ್ಯಗ್  ಬೋಡಾಯಿನಾತ್  ಇಪ್ಪಂದಿನೆಡ್ದಾವರ  ಸಮಸ್ಯೆ ಆವೊಂದುಂಡ್.. ಇಂಚಪ್ಪೊಗ್ ಒರಿ ವಿದ್ಯಾರ್ಥಿ ಫುಟ್ಟೋರ್ಡ್ ಡ್  ಉಂತೊಂದು ಪ್ರಯಾಣ ಮಲ್ಪುನ ಪೊರ್ತುಡ್   ಕಾರ್  ಜಾರುದ್  ಬೂರ್ದಿತ್ತೆರು  ಹೆಚ್ಚ ಅಪಾಯ ಆತುಜಿ ಕುಡೊರ  ಅಪಾಯ ಆಪಿನೇಡ್  ದುಂಬೇ ಇಲಾಖೆ  ಸೂಕ್ತ ಕ್ರಮ ದೆತೊನೊಡು..

ಕರಿನ  ವರ್ಷ ಆಗಸ್ಟ್ ತಿಂಗೊಲುಡ್  ಜನಿತ್ ಶೆಟ್ಟಿ ಪನ್ಪಿನ ವಿದ್ಯಾರ್ಥಿನ  ದುರ್ಮರಣಡ್ ಬೊಕ್ಕ ಕೆ ಲವ್ ಕ್ರಮ ದೆತೊನುವ ಪಂಡುದ್  ಭರವಸೆ ಕೊರಿನ ಪೊಲೀಸ್ ಇಲಾಖೆ ಬಸ್ಸುಲೆಡ್  ಕಡ್ಡಾಯವಾದ್  ಬಾಕಿಲುನ್  ಅಳವಡಿಸಾವರೆಗ್ ಸೂಚನೆ ಮಲ್ಪುವ ಪಂತೆರು ಅವ್ವೆನ್  ಅನುಷ್ಠಾನಗ್  ಕನವರೆಗ್ ಒವ್ವೇ ರೀತಿದ  ಪ್ರಯತ್ನ ಮಲ್ಪಂದೆ ಇಪ್ಪುನವ್ ಬೇಜಾರು ದ ಸಂಗತಿ .ಅಂಚಾದ್ ಈ ಸಂಬಂಧ ಕ್ರಮ ದೆತೊನೊಡು ಪಂಡುದು ಮಾನ್ಯ ಜಿಲ್ಲಾಧಿಕಾರಿಗ್ ಆಗ್ರಹ ಮಲ್ತೆರ್.
ಅಂಚೆನೇ ಈ ಸಂದರ್ಭಡ್
ಬೇತೆ ಬೇತೆ ಮಾರ್ಗಲೆಡ್  ನಿಟ್ಟೆಗ್  ಸಂಪರ್ಕ ಮಲ್ಪುನ ಬಸ್ಸುಲೆನ  ಸಂಖ್ಯೆನ್  ಹೆಚ್ಚ ಮಲ್ಪರೆಗ್ ಕ್ರಮ/ ವಿಶೇಷವಾದ್ ಸರಕಾರಿ ಬಸ್ಸುಲೆನ್  ಸೇರ್ಪಡೆ.,
ಬಸ್ಸುಡ್ ಮಿತಿಮೀರ್ದ್  ಪ್ರಯಾಣಿಕರೆನ್ ಪಾಡಂದಿನಂಚ ಸೂಚನೆ.
ಮಾತ  ಬಸ್ಸುಲೆಡ್  ಕಡ್ಡಾಯವಾದ್ ಬಾಕಿಲುನ್ ಅಳವಡಿಸಾವರೆಗ್  ಕ್ರಮ ದೆತೊನೊಡು  ಪಂಡುದು ಅಗ್ರಹ ಮಲ್ತೆರ್.
ಬಸ್ಸುದ  ವೇಗನ್ ನಿಗ್ರಹಡ್  ದೀಯರೆಗ್  ಬೋಡಾಯಿನ ಸೂಕ್ತ ಕ್ರಮ ದೆತೊನೊಡು  ಪಂಡುದು ಅಗ್ರಹ ಮಲ್ತುಂಡ್.

ಈ ಸಂದರ್ಭಡ್  ಜಿಲ್ಲಾ ಸಂಚಾಲಕೆರಾಯಿನ ಶ್ರೇಯಸ್ ಅಂಚನ್ ಬೊಕ್ಕ ಪ್ರಮುಖ ಕಾರ್ಯಕರ್ತೆರು ಉಪಸ್ಥಿತರಿತ್ತೆರು.