ಮೊಗವೀರ ಸಮಾವೇಶ.

ಬೆಂಗಳೂರರುಡ್  ಮೊಗವೀರೆರೆನ ಬೃಹತ್ ಸಮಾವೇಶ.

ಮೊಗವೀರ ಸಂಘ, ಬೆಂಗಳೂರು [ರಿ.] ದ ಸುವರ್ಣ ಸಂಭ್ರಮದ ಪ್ರಯುಕ್ತ… ಬೆಂಗಳೂರುದ ಅರಮನೆ ಮೈದಾನದ ವೈಟ್ ಪೆಟಲ್ಸ್ ಸಭಾಂಗಣಡ್ ಮೊಗವೀರ ಭಾಂದವೆರೆನ  ಬೃಹತ್ ಸಮ್ಮೇಳನನ್
2025 ಜನವರಿ‌ 5’ರ ಐತಾರದಾನಿ  ಆಯೋಜನೆ ಮಲ್ದೆರ್..
ಬೆಂಗಳೂರು ಮೊಗವೀರ ಸಂಘದ ಸುವರ್ಣಪಥದ ಸಮಾರೋಪ ಸಮಾರಂಭ ಬೊಕ್ಕ ಅದ್ದೂರಿ ಸಾಂಸ್ಕೃತಿಕ ಕಾರ್ಯಕ್ರಮೊಲು… ಮಾನ್ಯ ಮುಖ್ಯಮಂತ್ರಿ  ಬೊಕ್ಕ ಉಪ ಮುಖ್ಯಮಂತ್ರಿಲು ಬೊಕ್ಕ  ಗಣ್ಯೆರೆನ  ಉಪಸ್ಥಿತಿಡ್ ಸಂಪನ್ನ ಆವರೆಗುಂಡ್..

ನಾಡೋಜ ಡಾ. ಜಿ ಶಂಕರ್ ಮೆರೆಗ್  ಈ ಸರ್ತಿದ  ಮಾಧವ ಮಂಗಲಶ್ರೀ ಪುರಸ್ಕಾರ

ಜನವರಿ 5 ತಾರೀಕುಗ್  ನಡಪುನ  ಸುವರ್ಣಪಥ ಸಮಾರೋಪ- ಸಾಂಸ್ಕೃತಿಕ ಸಡಗರ- ಬೃಹತ್ ಮೊಗವೀರ ಸಮಾವೇಶಡ್  ಕರಾವಳಿ ಸೇರಿನಂಚ ರಾಜ್ಯದ ಬೇತೆ ಬೇತೆ ಜಿಲ್ಲೆಲೆಡ್  ಶೈಕ್ಷಣಿಕ ಬೊಕ್ಕ ಆರೋಗ್ಯ ಕ್ಷೇತ್ರಡ್  ಜಾತಿದ  ಎಲ್ಲೆನ್  ಮೀರುದ್ ಅಶಕ್ತೆರೆನ  ಕಲ್ಯಾಣಡ್ ತೊಡಗಿಸಾವೊಂದಿನ  ನಾಡೋಜ ಡಾ ಜಿ ಶಂಕರ್ ಗ್  ಈ ಸರ್ತಿದ  ಮಾಧವ ಮಂಗಲಶ್ರೀ ಪ್ರಶಸ್ತಿ ಕೊರ್ದ್  ಪುರಸ್ಕಾರ ಮಲ್ಪರೆಗುಲ್ಲೆರ್.. ಮಾನ್ಯ ಮುಖ್ಯಮಂತ್ರಿಲು ಸಾರಗಟ್ಟಲೆ  ಸಮುದಾಯ ಬಾಂಧವೆರೆನ  ಸಮ್ಮಖಡ್  ಪ್ರಶಸ್ತಿ ಪ್ರದಾನ ಮಲ್ಪುವೆರ್..