ಪರಿಸರ ಜಾಗ್ರತಿ ಪುಟ್ಟಾವುನ ಕಜ್ಜೊ…

“ಹಸಿರು ಹೊದಿಕೆ “ಕಾರ್ಯಕ್ರಮಡ್ ವಕೀಲೆರ್,ನ್ಯಾಯಾಧೀಶೆರು,ವಿದ್ಯಾರ್ಥಿಲು ಪಾಲ್ ಪಡೆಯೆರ್.

ಅಪರೂಪದ ಕಾರ್ಯಕ್ರಮ.ಗಿಡ ನಡ್ಪುನ ಮುಖೇನ ಒಟ್ಟುಗ್ ಪರಿಸರ ಜಾಗೃತಿ ಪುಟ್ಟಾವುನ ವಿಶಿಷ್ಟ ಕಾರ್ಯಕ್ರಮ ಹೆಬ್ರಿ ಅರಣ್ಯ ವ್ಯಾಪ್ತಿದ ಪೆರ್ಡೂರಿಡ್ ನಡತುಂಡ್..ವಕೀಲೆರು ,ನ್ಯಾಯಾಧೀಶೆರು ,ವಿದ್ಯಾರ್ಥಿಲೆನ ಒಟ್ಟುಗ್ ಪರಿಸರ ಪ್ರೇಮಿಲು ಈ ಕಾರ್ಯಕ್ರಮಡ್ ಪಾಲ್ ಪಡೆಯೆರ್.

ಉಡುಪಿ ವಕೀಲರ ಸಂಘ ,NECF ಬೊಕ್ಕ ಕಾನೂನು ಸೇವಾ ಪ್ರಾಧಿಕಾರ ಸಹಯೋಗದೊಟ್ಟುಗ್ ಪಶ್ಚಿಮ ಘಟ್ಟದ ಹಸಿರು ಹೊದಿಕೆ ಕಾರ್ಯಕ್ರಮನ್ ಪೆರ್ಡೂರುಡ್ ಆಯೋಜನೆ ಮಲ್ದಿತ್ತೆರ್.ಪರಿಸರಾಸಕ್ತೆರೆಗ್ ಬೊಕ್ಕ ವಿದ್ಯಾರ್ಥಿಲೆಗ್ ಪರಿಸರದ ಬಗ್ಗೆ ಮಾಹಿತಿ ಕೊರ್ದ್ ಜಾಗೃತಿಮೂಡಿಸಾವುನ ಒಟ್ಟುಗ್ 500 ಗಿಡ ನಡಿಯೆರ್.ದುಂಬುದ ಪೀಳಿಗೆಗ್ ಪರಿಸರನ್ ಒರಿಪಾದ್ ಬುಲೆಪಾವುನ ನಿಟ್ಟುಡ್ ಪ್ರತಿಜ್ಞೆ ಮಲ್ತೆರ್.

ವಕೀಲರ ಸಂಘದ ಅಧ್ಯಕ್ಷ ಬಿ.ನಾಗರಾಜ್ ಬೊಕ್ಕ ಹಿರಿಯ ಸಿವಿಲ್ ನ್ಯಾಯಾಧೀಶೆರಾಯಿನ ಶರ್ಮಿಲಾ ಎಸ್ ಕಾರ್ಯಕ್ರಮಡ್ ಪಾಲ್ ಪಡೆದ್ ಸ್ವತಃ ಗಿಡ ನಡಿಯೆರ್. .ಈ ಕಾರ್ಯಕ್ರಮ ದುಂಬುದ 10 ಐತಾರ ನಿರಂತರವಾದ್ ಉಡುಪಿ ಬೊಕ್ಕ ಮಂಗಳೂರು ಜಿಲ್ಲೆದ 10 ಅರಣ್ಯ ವಲಯೊಲೆಡ್ ನಡಪರೆಗುಂಡ್.