ಗಝಲ್

ಗಝಲ್

ಇರ್ಲ್‌ದ ಕತ್ತಲೆ ಕಳೆಯೆರೆ ನಿತ್ಯೊಲ ಬೊಲ್ಪು ಪತ್ತುನಾಯೆ ಏರೋ
ಏತೊಂಜಿ ದೈ ಮರಕ್ಕುಲು ಉಲ್ಲ ಐನ್ ಮಾತಾ ಬಿತ್ತಿನಾಯೆ ಏರೋ

ಏತ್ ಮಾತಾ ಛೋದ್ಯೊಲು ಉಲ್ಲ ಈ ಪಂಸಂದ್ರದ ಉಲಾಯಿಡ್
ನೆಲನ್ ತಂಪು ಮಲ್ಪೆರೆ ಬರ್ಸೊದೊರುಟು ನೀರ್ ತಲ್ಪುನಾಯೆ ಏರೋ

ಕೋಟಿ ಕೋಟಿ ಜೀವ ಜಂತುಲು ಬದುಕೊಂದುಲ್ಲ ಪುಡೆಮಿಡ್
ಮಾನ್ಯನ ಉಲಾಯಿ ಹೆಚ್ಚಿಗೆ ಗೇನದ ಶಕ್ತಿನ್ ದೀತಿನಾಯೆ ಏರೋ

ಒಂಜೆಂಕ್ಕೊಂಜಿ ಗೋಡ್ಯೊಂದು ಏತ್ ಸಂಗತಿಲು ನಡತೊಂದುಲ್ಲ
ಕಾಲ ಕಾಲೊಗು ದಾದ ಆವೊಡಾ ಅವೆನ್ ಒದಗುಲೆಕ ಮಲ್ಪುನಾಯೆ ಏರೋ

ಈ ಜಗತ್ತ್‌ದ ಎದುರು ನಮ ಏತ್ ಕಿನ್ಯ ಪಂಡ್ದ್ ಆಚಿರಾದುಲ್ಲೆ ವಿಶ್ವೆ
ಉಂದು ಮಾತೆತ ಪಿರವು ಸೂತ್ರದಾರಿ ಆದ್ ಇತ್ತಿನಾಯೆ ಏರೋ

ವಿಶ್ವನಾಥ ಕುಲಾಲ್ ಮಿತ್ತೂರು
ತುಲುವೆರೆ ಕಲ (ರಿ)