ಮೋದಿನ ಮೆಚ್ಚುಗೆ ಪಡೆಯಿನ ರೇಣು ಜಯರಾಂ.

ಪ್ರಧಾನಿ ನರೇಂದ್ರ ಮೋದಿ ಕೋಟಿಗೀತಾ ಲೇಖನ ಯಜ್ಞದ ಕಾರ್ಯಕ್ರಮಗ್ ಉಡುಪಿಗ್ ಭೇಟಿ ಕೊರಿನ ಪೊರ್ತುಡ್  ಉಡುಪಿ ಕ್ರಾಫ್ಟ್ ಮಂತ್ರದ ಪ್ರವರ್ತಕೆರಾಯಿನ, ಮಣಿಪಾಲ ಪವರ್ ಕ್ಲಬ್ ದ ಸ್ಥಾಪಕಿ ಶ್ರೀಮತಿ ರೇಣು ಜಯರಾಂ ಅರೆನ ಮಹಿಳಾ ಸಬಲೀಕರಣದ ಬಗ್ಗೆ ಮೆಚ್ಚುಗೆ ವ್ಯಕ್ತಪಡಿಸಾದ್ ಅರೆಗ್ ಪತ್ರಮುಖೇನ ಶುಭಾಶಯ ಕಡಫುಡುದೆರ್., ಸ್ಥಳೀಯ ಪರಿಕಲ್ಪನೆಗ್  ಧ್ವನಿಯಾದ್. ತುಳುನಾಡುದ ಸಂಸ್ಕೃತಿ ಬೊಕ್ಕ ಸಂಪ್ರದಾಯೊನ್  ಉಡುಗೊರೆದ  ಮೂಲಕ ಜೀವ ಕೊರ್ಪಿನ ಬೇಲೆಗ್ ಪ್ರಧಾನಿ ಮೆಚ್ಚುಗೆ ಪತ್ರ ಕಡಪುಡುದೆರ್. ಪ್ರಧಾನಿ ನರೇಂದ್ರ ಮೋದಿ ಅರೆನ  ಕೈಟೇ ಬರೆದ್ ಕಡಪುಡುದಿನ ಈ ಪತ್ರ ಮಹಿಳಾ ಉದ್ಯಮಿಲೆಗ್ ಸ್ಪೂರ್ತಿ ಆದುಪ್ಪುನ ರೇಣು ಜಯರಾಂ ಮೆರೆಗ್ ಅರೆನ ಸಾಧನೆಗ್ ಕುಡಲಾತ್ ಮಲ್ಲ ಮಟ್ಟಗ್ ಬುಲೆವರೆಗ್ ಬೆರಿಬಲ ಕೊರ್ತುಂಡ್.

ಶ್ರೀಮತಿ ರೇಣು ಜಯರಾಂ ಮೇರ್ ಮಣಿಪಾಲದ ಕ್ರಾಫ್ಟ್ ಮಂತ್ರದ ಪ್ರವರ್ತಕೆರಾದಿತ್ತುದ್, ಮಣಿಪಾಲಡ್ ಪವರ್ ಕ್ಲಬ್ ನ್ ಸ್ಥಾಪನೆ ಮಲ್ತುದ್ ಮಹಿಳಾ ಉದ್ಯಮಿಲೆಗ್ ವೇದಿಕೆ ಕಲ್ಪಿಸಾದ್ ಕೊರೊಂದುಲ್ಲೆರ್.ರೋಟರಿ,ಲಯನ್ಸ್ ಕ್ಲಬ್,ಮಹಿಳಾ ಸಮಾಜ,ಇಂಚ ಬೇತೆ ಬೇತೆ ಸಾಮಾಜಿಕ ಕ್ಷೇತ್ರಡ್ ತೊಡಗಿಸಾವೊಂದ್ ಸಮಾಜ ಸೇವೆ ಮಲ್ತೊಂದುಲ್ಲೆರ್.ಮೆರೆನ ಸಾಧನೆಗ್ ಮಸ್ತ್ ಪ್ರಶಸ್ತಿಲು ಮೆರೆನ್ ನಾಡೊಂದ್ ಬೈದುಂಡ್.ಮೆರೆನ ಸಾಧನೆ ಬಾಕಿದ ಮಹಿಳೆಯೆರೆಗ್ ಪ್ರೇರಣೆ ಆತುಂಡ್.