ಛಾಯಗ್ರಾಹಕೆರೆಗ್ ಅಕಾಡೆಮಿ ತಾಪನೆ ಆವೊಡು – ಯಶ್‌ಪಾಲ್‌ ಸುವರ್ಣ
ಉಡುಪಿ : ಛಾಯಾಗ್ರಾಹಕೆರೆಗಾದ್ ಒಂಜಿ ಅಕಾಡೆಮಿ ತಾಪನೆ ಆವೊಡು ಬೊಕ್ಕ ಹಿರಿಯ ಛಾಯಾಗ್ರಾಹಕೆರೆಗ್ ಪಿಂಚಣಿ ಯೋಜನೆನ್ ಕೊರೊಡು . ಈ ಬಗೆಟ್ ಅಧಿವೇಶನಡ್ ಸರಕಾರದ ಗಮನಗ್ ಕನಪಿನ ಬಗೆಟ್ ಪ್ರಾಮಾಣಿಕವಾದ್ ಪ್ರಯತ್ನ ಮಲ್ಪುವೆ ಪಂಡುದು ಉಡುಪಿ ಶಾಸಕ ಯಶ್‌ಪಾಲ್‌ ಸುವರ್ಣ ಪಂಡೆರು.
ಕಿದಿಯೂರು ಹೊಟೇಲ್‌ ದ ಶೇಷಶಯನ ಸಭಾಭವನಡ್ ನಡತಿನ ಸೌತ್ ಕೆನರಾ ಫೋಟೋಗ್ರಾಫರ್ಸ್‌ ಅಸೋಸಿಯೇಷನ್‌ ದಕ್ಷಿಣ ಕನ್ನಡ ಉಡುಪಿ ಜಿಲ್ಲೆದ ಉಡುಪಿ ವಲಯದ 30ನೇ ವಾರ್ಷಿಕೋತ್ಸವ ಸಮಾರಂಭ ಉದಿಪನ ಮಲ್ತುದ್ ಪಾತೆರಿನ ಆರು ಛಾಯಾಗ್ರಾಹಕೆರೆನ ಹಿತಾಶಕ್ತಿಗಾದ್ ಏಪೊಲಾ ಕಾರ್ಯನಿರ್ವಹಣೆ ಮಲ್ಪುವೆ ಪಂಡೆರು.
ಮುಖ್ಯ ಅತಿಥಿಯಾದ್ ಭಾಗವಹಿಸಾಯಿನ ಕರ್ಜೆ ಶ್ರೀ ಮಹಾಲಿಂಗೇಶ್ವರ ದೇವಸ್ಥಾನದ ಆಡಳಿತ ಮುಕ್ತೇಸರೆ ಸುಗ್ಗಿ ಸುಧಾಕರ್‌ ಶೆಟ್ಟಿ ಪಾತೆರ್ದ್ , 30 ವರ್ಷ ಪಿರಾವುಡ್ ಸಂಘಟನೆನ್ ಕಟ್ಟುನೇಟ್ ಸಂಘದ ಹಿರಿಯ ಸದಸ್ಯೆರೆನ ಪಾತ್ರ ಮಹತ್ತರವಾದುಂಡ್. ಪ್ರಾರಂಭದ ಉದ್ದೇಶನ್ ಸದಸ್ಯೆರು ದುಂಬರಿತೊಂದ್ ಬತ್ತಿನ ಫಲವಾದ್ ಇನಿ ಸಂಘಟನೆ ಛಾಯಾಗ್ರಾಹಕೆರೆನ ಬದುಕುಡ್ ಆಶಾಕಿರಣವಾದ್ ಮೂಡ್ದ್ ಬರೊಂದುಂಡ್. ಛಾಯಾಗ್ರಾಹಣ ಕ್ಷೇತ್ರ ಕೇವಲ ಛಾಯಗ್ರಾಹಣಗ್ ಸೀಮಿತ ಆವಂದೆ ಆಧುನಿಕ ತಂತ್ರಜ್ಞಾನಲೆನ್ ಅಳವಡಿಸಾವೊಂದ್ ಮಲ್ಲ ಉದ್ದಿಮೆಯಾದ್ ಬುಳೆದು ಉಂತುದಿನವ್ ಅಭಿನಂದನಾರ್ಹ ಪಂಡೆರು.
ಕಾರ್ಯಕ್ರಮಡ್ ವಿದ್ಯಾನಿಧಿ ಬೊಕ್ಕ ಸಹಾಯಧನ ಹಸ್ತಾಂತರ ಮಲ್ತೆರು.. ಕ್ರೀಡಾ ಸ್ಪರ್ಧಾ ವಿಜೇತರೆಗ್ ಇನಾಮು ಪಟ್ಟಿಯೆರ್. ಈ ಸಂದರ್ಭ ಸಾಧಕ ಛಾಯಾಗ್ರಾಹಕೆರೆನ್ ಬೊಕ್ಕ 30ವರ್ಷಡ್ ವಲಯದ ಅಧ್ಯಕ್ಷೆರಾದ್ ಕಾರ್ಯನಿರ್ವಹಿಸಾಯಿನ ಅಧ್ಯಕ್ಷೆರೆನ್ ಸನ್ಮಾನ ಮಲ್ತೆರ್..
ಉಡುಪಿ ವಲಯದ ಅಧ್ಯಕ್ಷ ಸುಧೀರ್‌ ಎಂ. ಶೆಟ್ಟಿ ಸಭೆತ್ತ ಅಧ್ಯಕ್ಷತೆಡಿತ್ತೆರು. ಕಾರ್ಯಕ್ರಮಡ್ ಎಸ್‌ಕೆಪಿಎ ಜಿಲ್ಲಾಧ್ಯಕ್ಷ ಪದ್ಮಪ್ರಸಾದ್‌ ಜೈನ್, ಉಡುಪಿ ನಗರ ಸಭೆ ಅಧ್ಯಕ್ಷ ಪ್ರಭಾಕರ್‌ ಪೂಜಾರಿ, ಕಾಂಗ್ರೆಸ್‌ ಮುಖಂಡ ಪ್ರಸಾದ್‌ ರಾಜ್‌ ಕಾಂಚನ್‌, ಜಿಲ್ಲಾ ಸಂಚಾಲಕ ಕರುಣಾಕರ ಕಾನಂಗಿ, ಎಸ್‌ಕೆಪಿಎ ವಿವಿಧೋದ್ದೇಶ ಸಹಕಾರಿ ಸಂಘದ ಅಧ್ಯಕ್ಷ ಕೆ. ವಾಸುದೇವ್‌ ರಾವ್‌, ಜಿಲ್ಲಾ ಉಪಾಧ್ಯಕ್ಷ ಪ್ರವೀಣ್‌ ಕೊರೆಯ, ಎಸ್‌ಕೆಪಿಎ ಪ್ರಧಾನ ಕಾರ್ಯದರ್ಶಿ ದಯಾನಂದ್‌ ಬಂಟ್ವಾಳ್‌, ಉಡುಪಿ ವಲಯ ಗೌರವಾಧ್ಯಕ್ಷ ನವೀನ್‌ ಚಂದ್ರ ಬಳ್ಳಾಲ್‌, ಉಪಾಧ್ಯಕ್ಷ ಸಂದೀಪ್‌ ಕಾಮತ್‌, ಪ್ರಧಾನ ಕೋಶಾಧಿಕಾರಿ ರಮೇಶ್‌ ಭಟ್‌ ಎಲ್ಲೂರು, ಜೊತೆ ಕಾರ್ಯದರ್ಶಿ ಭಾರತಿ ಭಾಸ್ಕರ್‌, ಕ್ರೀಡಾ ಕಾರ್ಯದರ್ಶಿ ಅಶೋಕ್‌ ಪುತ್ರನ್‌, ಸಂಘಟನಾ ಕಾರ್ಯದರ್ಶಿಲಾಯಿನ ಚಂದ್ರಶೇಖರ್‌ ಹಿರಿಯಡ್ಕ ಬೊಕ್ಕ ಎಂ.ಎಸ್. ಮಂಜು, ಛಾಯಾ ಕಾರ್ಯದರ್ಶಿ ಅಶೋಕ್‌ ದೇವಾಡಿಗ ಬೊಕ್ಕ ಸಾಂಸ್ಕೃತಿಕ ಕಾರ್ಯದರ್ಶಿ ಉದಯ್‌ ನಾಯ್ಕ್‌ ಉಪಸ್ಥಿತರಿತ್ತೆರು. ಕಾರ್ಯದರ್ಶಿ ದಿವಾಕರ್‌ ಹಿರಿಯಡ್ಕ ಪ್ರಾಸ್ತಾವಿಕ ಸ್ವಾಗತ ಮಲ್ತೆರು. ರಾಘವೇಂದ್ರ ಕಾರ್ಯಕ್ರಮ ನಿರೂಪಣೆ ಮಲ್ತುದ್ ಸೊಲ್ಮೆ ಸಂದಾಯ್ತ ಮಲ್ತೆರು.
by 