ಮೋಹನ್ ಮೊಗವೀರ ಬೈಂದೂರು

ಮೋಹನ ಮೊಗವೀರ ಬೈಂದೂರು ತಾಲೂಕು ತುಳುವ ಮಹಾಸಭೆ ಸಂಚಾಲಕೆರಾದ್ ನೇಮಕ

ಬೈಂದೂರು :
ಧಾರ್ಮಿಕ ಬೊಕ್ಕ ಸಾಮಾಜಿಕ ಕ್ಷೇತ್ರಲೆಡ್  ಸಕ್ರಿಯವಾದುಪ್ಪುನ  ಗೌರವಾನ್ವಿತ ಮೋಹನ ಮೊಗವೀರ ಮೆರೆನ್ ಬೈಂದೂರು ತಾಲೂಕು ತುಳುವ ಮಹಾಸಭೆ ಸಂಚಾಲಕೆರಾದ್  ನೇಮಕ ಮಲ್ದುಂಡ್.. ಜನ ಸೇವೆನೇ ಜನಾರ್ದನ ಸೇವೆ ಪಂಡುದು  ಕೆಲವು ವರ್ಷಡಿಂಚಿ ಸಮಾಜಮುಖಿ ಚಟುವಟಿಕೆಲೆಡ್ ನಿರಂತರವಾದ್ ತೊಡಗಿಸಾವೊಂದೆರ್..

ತನ್ನ ಕರ್ಮಭೂಮಿಯಾಯಿನ ಗುಜ್ಜಾಡಿ–ಬೈಂದೂರುಡ್ ಧಾರ್ಮಿಕ ಕಾರ್ಯಕ್ರಮಲು, ಸಾಮಾಜಿಕ ಸೇವಾ ಯೋಜನೆಲು,, ಬೊಕ್ಕ ಯುವ ಸಮುದಾಯದ ಜಾಗೃತಿ ಅಭಿಯಾನಲೆಡ್ ಮಹತ್ವದ ಪಾತ್ರದೆತೊಂದಿನ ಆರು, ಕೆಲವು ಸಂಘಟನೆಡ್ ನಿಷ್ಠೆಡ್  ಸೇವೆ ಸಲ್ಲಿಸಾರ್ “ಬಲೇ ಸಮಾಜಗ್ ಬೋಡಾದ್ ಒಂಜಾದ್  ಪೊರಂಬಾಟ ಮಲ್ಪುಗ”ಪನ್ಪಿನ ಸಂದೇಶನ್  ಪರತುದೆರ್..

ತುಳುವ ಮಹಾಸಭೆ, 1928ಡ್ ಹಿರಿಯ ತಿಲಕವಾದಿ ಎಸ್.ಯು.ಪಣಿಯಾಡಿ ಮೆರೆನ ನೇತೃತ್ವಡ್ ಸ್ಥಾಪನೆಯಾದ್,, ತುಳು ಭಾಷೆ, ಸಂಸ್ಕೃತಿ, ಸಂಪ್ರದಾಯ ಬೊಕ್ಕ ತುಳುವೆರೆನ ಹಕ್ಕು ಪರಿರಕ್ಷಣೆದ ಸಂಕಲ್ಪದೊಟ್ಟುಗ್ ಶತಮಾನೋತ್ಸವದಂಚಿ ಪಯಣ ಮಲ್ತೊಂದುಂಡ್.. ಈ ಮಹಾಸಭೆ ಪೊಸ ಚೇತನದೊಟ್ಟುಗ್ ಪುನಶ್ಚೇತನ ಆವೊಂದುಪ್ಪುನ ಈ ಪೊರ್ತುಡ್  ಶ್ರೀ ಮೋಹನ ಮೊಗವೀರ ಮೆರೆನ್ ಆಯ್ಕೆ ಮಲ್ದಿನೇಟ್  ಮಹತ್ವದ ಅರ್ಥ ಉಂಡು..

ಮಹಾಸಭೆ  ತುಳುನಾಡನ್ ಕಳರಿ (ಸಮರಕಲೆ, ಮರ್ಮ ಚಿಕಿತ್ಸಾ ತರಬೇತಿ), ದೈವ ಆರಾಧನೆದ ಪುನರುಜ್ಜೀವನ, ತುಳುವೇಶ್ವರ ದೇವಾಲಯ ಪುನರ್ ನಿರ್ಮಾಣ, ಭಾಷಾ–ಜಾತಿ–ಮತ ಸೌಹಾರ್ದತೆ, ಪರಿಸರ ಸಂರಕ್ಷಣೆ ಬೊಕ್ಕ ಗ್ರಾಮೀಣ ಅಭಿವೃದ್ಧಿ ಕ್ಷೇತ್ರಲೆಡ್ ವೈಶಿಷ್ಟ್ಯಪೂರ್ಣ ಕಾರ್ಯಚಟುವಟಿಕೆಲೆನ್ ಮಲ್ತೊಂದುಂಡ್..

ಬೈಂದೂರು ತಾಲೂಕುಡ್ ಅರೆನ ನೇತೃತ್ವಡ್ ತುಳು ಬೊಕ್ಕ ಕುಂದಗನ್ನಡ ಭಾಷಾ ಬಾಂಧವ್ಯ, ಸಾಂಸ್ಕೃತಿಕ ಚಟುವಟಿಕೆದ ಪ್ರೋತ್ಸಾಹ, ಬೊಕ್ಕ ಸಮುದಾಯದ ಸಂಘಟಿತ ಬಲವರ್ಧನೆಗ್ ನಿರೀಕ್ಷಿತ ಬೆಳವಣಿಗೆಲು ಆವರೆಗುಂಡ್  ಪನ್ಪಿನ ವಿಶ್ವಾಸನ್ ತುಳುವ ಮಹಾಸಭೆ ಕೇಂದ್ರ ಸಮಿತಿ ವ್ಯಕ್ತಪಡಿಸಾದುಂಡ್…