ವಿದ್ಯಾರ್ಥಿ ಬದುಕುಡ್ ಶಿಕ್ಷಕೆರೆನ ಪಾತ್ರ ಬಾರೀ ಮುಖ್ಯವಾಯಿನವ್. ಬದುಕುಡ್ ಎಡ್ಡೆ ಶಿಕ್ಷಕೆರ್ ಇತ್ತರೆಡ ಸಮಜೊಡ್ ಆ ವಿದ್ಯಾರ್ಥಿ ಒಂಜಿ ಎಡ್ಡೆ ವ್ಯಕ್ತಿ ಆವರೆಗ್ ಸಾಧ್ಯ ಆಪುಂಡ್. ಕಾಲೊಗ್ ತಕ್ಕ ಬದಲಾಪಿನ ಶಿಕ್ಷಣ ನೀತಿಗ್ ಶಿಕ್ಷಕೆರ್ ತಯಾರಾದುಪ್ಪೊಡ್. ಓನ್ಲೈನ್ ಶಿಕ್ಷಣದ ಮುಖೇನ ಶಿಕ್ಷಣ ಕೊರ್ಪುನಡೆಮುಟ್ಟ ಇತ್ತೆದ ಶಿಕ್ಷಣ ಪದ್ಧತಿ ಬುಲೆದುಂಡ್.ಈ ನಿಲೆಟ್ ದುಂಬುಡಿಂಚಿ ಪಾಠ ಪುಸ್ತಕೊಲೆಡೇ ಪಾಠ ಮಲ್ತೊಂದಿತ್ತಿನ ಶಿಕ್ಷಕೆರ್ ಈ ಪೊಸ ನಿಯಮದ ಪ್ರಕಾರ ಜೋಕ್ಲೆಗ್ ಕಲ್ಪಾವುನವ್ವ್ ಸುಲಭದ ಬೇಲೆ ಅತ್ತ್.ಈ ನಿಟ್ಟುಡ್ ನಮ ಶಿಕ್ಷಕೆರೆಗ್ ಆಭಾರಿಯಾದುಪ್ಪೊಡ್.
ಸೈಂಟ್ ಸಿಸಿಲಿ ಪ್ರೌಢಶಾಲೆ, ಉಡುಪಿಡ್ ನಡತಿನ ಜಿಲ್ಲಾ ಪಂಚಾಯತ್,ಸಾರ್ವಜನಿಕ ಶಿಕ್ಷಣ ಇಲಾಖೆ ಬೊಕ್ಕ ಜಿಲ್ಲಾ ಮಟ್ಟದ ಶಿಕ್ಷಕರ ದಿನಾಚರಣೆ ಸಮಿತಿದ ಒತ್ತುಸೇರಿಗೆಡ್ ನಡತಿನ ಶಿಕ್ಷಕರ ದಿನಾಚರಣೆ ಕಜ್ಜೊದ ಉದಿಪನ ಮಲ್ತುದ್ ಪಾತೆರಿಯೆರ್.
ಈ ಪೊರ್ತುಡು ತನ್ನ ವ್ಯಯಕ್ತಿಕ ವಿಷಯೊಡ್ ಪಾತೆರ್ದ್ ಯಾನುಲಾ ಒರಿ ಶಿಕ್ಷಕನ ಮಗೆ ಪಂಡುದ್ ಪೆರ್ಮೆಡ್ ಸಭೆತ್ತ ಎದುರುಡ್ ಪಂಡುದ್,ಎನ್ನ ಪೊಪ್ಪ ಹೈಸ್ಕೂಲ್ ಶಿಕ್ಷಕೆರಾದ್,ಕಾಲೇಜ್ ಉಪನ್ಯಾಸಕೆರಾದ್ ಮಸ್ತ್ ಜೋಕುಲೆಗ್ ಸಾದಿಬೊಲ್ಪು ಆತೆರ್ ಪಂಡೆರ್.
ಉಡುಪಿ ಶಾಸಕೆರಾಯಿನ ಶ್ರೀ ರಘುಪತಿ ಭಟ್ ಸಭೆತ್ತ ಅಧ್ಯಕ್ಷೆರಾದಿತ್ತುದ್ ಶಿಕ್ಷಕೆರೆನಕಲೆಗ್ ಅಭಿನಂದನೆ ಮಲ್ತೆರ್.
ಜಿಲ್ಲಾ ಪ್ರಶಸ್ತಿ ಪುರಸ್ಕೃತೆರಾಯಿನ 17 ಜನ ಶಿಕ್ಷಕೆರ್ ಬೊಕ್ಕ 43 ಜನ ನಿವ್ರತ್ತ ಶಿಕ್ಷಕೆರೆನ್ ಈ ಪೊರ್ತುಡು ಮಾನಾದಿಗೆ ಮಲ್ತೆರ್.
ಕಜ್ಜೊಡ್ ಉಡುಪಿ ಜಿಲ್ಲಾಧಿಕಾರಿ ಕೂರ್ಮ ರಾವ್, ಉಡುಪಿ ನಗರ ಸಭೆತ್ತ ಅಧ್ಯಕ್ಷೆ ಸುಮಿತ್ರಾ ಆರ್ ನಾಯಕ್ ಕರಾವಳಿ ಅಭಿವ್ರದ್ಧಿ ಪ್ರಾಧಿಕಾರದ , ಅಧ್ಯಕ್ಷೆ ಮಟ್ಟಾರು ರತ್ನಾಕರ ಹೆಗ್ಡೆ, ಜಿಲ್ಲಾ ಪಂಚಾಯತ್ ಮುಖ್ಯ ಕಾರ್ಯನಿರ್ವಹಣಾಧಿಕಾರಿ ಡಾ.ನವೀನ್ ಭಟ್,ಡಿಡಿಪಿಐ ಎನ್.ಎಚ್. ನಾಗೂರ, ಬಿಇಓ ನಾಗೇಂದ್ರಪ್ಪ,ನಗರಾಭಿವ್ರದ್ಧಿ ಪ್ರಾಧಿಕಾರದ ರಾಘವೇಂದ್ರ ಕಿಣಿ ಉಪಸ್ಥಿತರಿತ್ತೆರ್.
by 