ಜೋಕ್ಲೆಗ್ ನಮ್ಮ ಸಂಸ್ಕೃತಿ ದ ಪರಿಚಯ ಮಲ್ತ್ ಕೊರ್ಪಿನ ಮೂಲಕ ನಮ್ಮ ಪರ್ಬ ಪಂಚೆಮಿಲೆನ್ ಆಚರಣೆ ಮಲ್ತುಂಡ ನಮ್ಮ ಸಂಸ್ಕೃತಿ ಒರಿಯರೆಗ್ ಸಾಧ್ಯ ಪಂಡುದ್ ಉಡುಪಿ ತುಳುಕೂಟದ ಗುರ್ಕಾರೆರಾಯಿನ ಬಿ.ಜಯಕರ ಶೆಟ್ಟಿ ಇಂದ್ರಾಳಿ ಪಂಡೆರ್.ಆರು ತುಳುಕೂಟ ಉಡುಪಿದ ವತಿಡ್ದ್ ನಡತಿನ ಆಟಿದ ತಿರ್ಲ್-2025 ಕಜ್ಜೊಡುಗುರ್ಕಾರ್ಮೆಡಿತ್ತುದ್ ಪಾತೆರಿಯೆರ್.ತುಳುಕೂಟ ವರ್ಷದ 12 ತಿಂಗೊಲುಲಾ ವಿಶೇಷ ತುಳುಕಜ್ಜೊಲೆನ್ ಮಲ್ತೊಂದ್ ಬರೊಂದಿತ್ತುದ್,ತುಳುಬದುಕುದ ಪೊಲಬುನ್ ತುಳುನಾಡೊರ್ಮೆ ಪರಡುನ ಬೇಲೆನ್ ಮಲ್ತೊಂದುಂಡ್.ಪಂಡೆರ್.
ಉಡುಪಿದ ಬೇತೆ ಬೇತೆ ತುಳು ಸಂಘದ ಜೋಕುಲಾಯಿನ ಎಮ್.ಜಿ.ಎಮ್.ಕಾಲೇಜಿದ ಕೃತಿ ಮೂಡಬೆಟ್ಟು, ವಿದ್ಯೋದಯ ಪಿ.ಯು.ಕಾಲೇಜಿದ ಭಾವನಾ ಬೊಕ್ಕ ನಿರಾಲಿ, ಶ್ರೇಯಸ್, ಆಟಿದ ತೆನಸುಲೆನ್ ಅನಾವರಣ ಮಲ್ಪುನ ಮೂಲಕ ಆಟಿದ ತಿರ್ಲ್ ಕಜ್ಜೊದ ಉದಿಪನ ಮಲ್ತುದ್ ಆಟಿದ ಬಗೆಟ್ ತನ್ನ ಅನುಭವೊಲೆನ್ ಪಟ್ಟೊಂಡೆರ್.
ಈ ಪೊರ್ತುಡ್ ವಿಶೇಷವಾದ್ ಜೋಕ್ಲೆಗ್ ತಪ್ಪು ಪಾಡುನ ಕಮಲ ಮಡ್ಡೇಲ್ದಿ ದೆಂದೂರುಕಟ್ಟೆ ಮೆರೆಗ್ ತುಳುಕೂಟದ ವತಿಡ್ದ್ ಮಾನಾದಿಗೆ ನಡತುಂಡ್..
ಆಟಿ ಕೂಟದ ಸಂಚಾಲಕೆರಾಯಿನ ತಾರಾ ಸತೀಶ್ ಬತ್ತಿ ಬಿನ್ನೆರೆನ್ ಎದ್ಕೊಂಡೆರ್ ಪೂರ್ಣಿಮಾ ಶೆಟ್ಟಿ ಸೊಲ್ಮೆ ಸಂದಾಯ್ತ ಮಲ್ತೆರು.ತಾರಾ ಉಮೇಶ್ ಆಚಾರ್ಯ ಮಾನಾದಿಗೆದರೆನ್ ಸಭೆಕ್ ಗುರ್ತ ಮಲ್ತುದ್ ಕೊರಿಯೆರ್. ಯಶೋದ ಕೇಶವ್ ಕಜ್ಜೊದ ನಿರೂಪಣೆ ಮಲ್ತೆರು.ಸುಮಾರು 33 ಬಗೆಟ್ ತುಳುಕೂಟದ ಪೊಂಜೊವುನಕುಲು ಅಟ್ಟಿಲ್ ಮಲ್ತ್ ಕನದಿನ ತೆನಸುಲೆನ್ ಬತ್ತಿ ಬಿನ್ನೆರೆಗ್ ಬಲಸಿಯೆರ್.
by 