ಕಾಪು ಮಹಿಳಾ ಮಂಡಲ ಆಟಿಡೊಂಜಿ ದಿನ.

ನಮ್ಮ ಹಿರಿಯಕ್ಲೆಗ್  ಪ್ರಕೃತಿದ  ಬಗೆಟ್ ಅಪಾರವಾಯಿನ  ಅನುಭವ ಇತ್ತುಂಡ್ .ಅವ್ವೆನ್ ಗಲಸೊಂದು ಅಕುಲು ತಂಕ್ಲೆನ ಬದುಕುದ ಸಾದಿನ್ ನಾಡೊಂದಿತ್ತೆರ್ ಪಂಡುದು ತುಳುನಾಡ ಧ್ವನಿ ಅಂತರ್ಜಾಲ ಪತ್ರಿಕೆದ  ಮುಖ್ಯಸ್ಥೆರಾಯಿನ ಯಶೋದ ಕೇಶವ್ ಪಂಡೆರು.. ಆರು ಕಾಪು ಮಹಿಳಾ ಮಂಡಲದ ವತಿಡ್ದ್  ನಡತಿನ  ಆಟಿಡೊಂಜಿ ದಿನ ಕಾರ್ಯಕ್ರಮನ್  ಉದಿಪನ ಮಲ್ತುದ್  ಪಾತೆರಿಯೆರು..ಆಟಿ ತಿಂಗೊಲುಡ್  ಬುಡಂದೆ ಬರ್ಸ ಬರ್ಪಿನೆಡ್ದಾವರ  ರೋಗರುಜಿನೊಲು ಹೆಚ್ಚಾಪಿನ ಸಾಧ್ಯತೆ ಉಂಡು ಪಂಡುದು ತೆರಿಯೊಂದಿನ ನಮ್ಮ ಹಿರಿಯೆರು ಪ್ರಕೃತಿಡ್  ಸಿಕ್ಕುನ ಆಹಾರ ವಸ್ತುಲೆನ್  ಗಲಸುದ್ ಆರೋಗ್ಯಕರವಾಯಿನ  ಖಾದ್ಯೊಲೆನ್  ತಯಾರ್ ಮಲ್ತುದ್  ತಿನೊಂದಿತ್ತೆರು. ಅಂಚಾದ್ ನಮ್ಮ ಹಿರಿಯರೆಗ್ ಇತ್ತೆದ ಯುವಜನತೆಗ್  ಬರ್ಪಿನ  ಹೃದಯರೋಗ, ಕ್ಯಾನ್ಸರ್ ನಂಚಿನ ಸೀಕ್ ಲು  ಬರೊಂದಿತ್ತುಜಿ..ಆಂಡ  ಇನಿತ್ತ  ಯುವಪೀಳಿಗೆ ಫಾಸ್ಟ್ ಫುಡ್ ಲೆನ್  ತಿನ್ಪಿನೆಡ್ದಾವರ  ಆರೋಗ್ಯ   ಹಾಳಾವೊಂದುಂಡ್..ಬದಲಾವಣೆದ  ಕಾಲಘಟ್ಟೊಡುಪ್ಪುನ   ನಮ್ಮ ಜೀವನ ಶೈಲಿನ್  ನಮನೇ  ಹಾಳು ಮಲ್ತೊಂದುಲ್ಲ.. ನಮ್ಮ ಹಿರಿಯೆರೆನ  ಜೀವನ ಶೈಲಿನ್ ಅನುಸರಿಸಾಂಡ ಆರೋಗ್ಯ ಕರವಾಯಿನ  ವಾತಾವರಣ  ನಿರ್ಮಾಣ ಮಲ್ಪರೆಗ್ ಸಾಧ್ಯ ಪಂಡೆರು..
ಈ ಸಂದರ್ಭಡ್ ಕಾಪು ಮಹಿಳಾ ಮಂಡಲದ ವತಿಡ್ದ್  ಅರೆಗ್  ಮಾನಾದಿಗೆ ಮಲ್ತೆರ್…ಕಾಪು ಮಹಿಳಾ ಮಂಡಲದ ಅಧ್ಯಕ್ಷೆ ಶ್ರೀಮತಿ ಜಯಲಕ್ಷ್ಮಿ ಸ್ವಾಗತ ಮಲ್ತುದ್ ಪ್ರಾಸ್ತಾವಿಕ ಪಾತೆರಿಯೆರು.. ಕಾರ್ಯದರ್ಶಿ ಅನಿತಾ ಹೆಗ್ಡೆ ಕಾರ್ಯಕ್ರಮ ನಿರೂಪಣೆ ಮಲ್ತೆರು.ಕೋಶಾಧಿಕಾರಿ ಸರಿತಾ ಶೆಟ್ಟಿ, ಉಪಾಧ್ಯಕ್ಷೆ ವಿಜಯಲಕ್ಷ್ಮಿ ಆಚಾರ್ಯ ವೇದಿಕೆಡ್  ಉಪಸ್ಥಿತರಿತ್ತೆರು.
ಮಹಿಳಾ ಮಂಡಲದ ಮಹಿಳೆಯೆರೆಗಾದ್  ಗೊಬ್ಬುದ ಪಂತೊಲೆನ್ ಆಯೋಜನೆ ಮಲ್ತುದ್ ಇನಾಮು ಪಟ್ಟಿಯೆರ್. . ಕಾರ್ಯಕ್ರಮಡ್  ಬೊಕ್ಕ ಆಟಿದ ಬೇತೆ ಬೇತೆ ಬಗೆತ್ತ ಖಾದ್ಯಲೆನ್  ತಯಾರ್ ಮಲ್ತುದ್ ಪೊಂಜೊವುನಕುಲು  ಒಟ್ಟಾದ್  ವನಸ್ ಮಲ್ತೆರು.