ರಾಣಿ ಅಬ್ಬಕ್ಕನ್ ನೆಂಪು ಮಲ್ಪುನವ್ವೇ ಪೆರ್ಮೆದ ಸಂಗತಿ.ಅಲೆನ ಬದುಕುದ ಸಾಹಸ ಜಗತ್ತು ದ ಮಹಿಳೆಯೆರೆಗ್ ಪ್ರೇರಣೆ ಆತುಂಡ್.ಎಂಕಲೆನ ಜೋಕುಲು ಸ್ಫೂರ್ತಿ ದೆತೊನೊಡು, ದುಂಬುದ ತರೆಮರೆ ಬುಲೆವೊಡು ಪನ್ಪಿನ ಅದ್ಭುತ ಇತಿಹಾಸೊನು ಎಂಕುಲು ಮದತೊಂದುಲ್ಲ. ಶಿವಾಜಿನ್ ನಮ ಒಂಜೇ ಜಾತಿ ಬಾಸೆಗ್ ಸೀಮಿತ ಮಲ್ತೊಂದುಲ್ಲ. ಅಬ್ಬಕ್ಕ ರಾಣಿನ್ ನಮ ಒಂಜಿ ಭಾಗೊಗು ಸೀಮಿತ ಮಲ್ತೊಂದುಲ್ಲ. ಪಿರವು ಉಂತುದು ಬೆರಿಕ್ ಚುಚ್ಚುನ ಘಟನೆ ನಡತ್‌ಂಡಲಾ ಅಬ್ಬಕ್ಕ ರಾಣಿ ತನ್ನ ಅಪ್ಪೆ ನಾಡುನ್ ಪೋರ್ಚುಗೀಸೆರೆಡ್ದ್ ರಕ್ಷಣೆ ಮಲ್ಪೆರೆ ನಿಶ್ಚಯ ಮಲ್ತೆರ್. ಅಬ್ಬಕ್ಕನ ನೆಂಪು ನಮ್ಮ ಸ್ಫೂರ್ತಿ ಪಂಡುದ್ ಕೇಂದ್ರ ಸೂಕ್ಷ್ಮ, ಸಣ್ಣ, ಮಧ್ಯಮ ಉದ್ಯಮ ಸಚಿವೆ ಶೋಭಾ ಕರಂದ್ಲಾಜೆ ಪಂಡೆರ್.
ಕನಾ೯ಟಕ ರಾಜ್ಯ ಕಾಲೇಜು ಶಿಕ್ಷಕ ಸಂಘ, ಮಂಗಳೂರು ವಿಭಾಗ, ವಿವೇಕಾನಂದ ಮಹಾವಿದ್ಯಾಲಯದ ಆಶ್ರಯಡ್ ಸೋಮವಾರ ಪುತ್ತೂರುದ ವಿವೇಕಾನಂದ ಇಂಜಿನಿಯರಿಂಗ್ ಕಾಲೇಜಿದ ಸಾವರ್ಕರ್ ಸಭಾಭವನಡ್ ನಡತಿನ ಅಬ್ಬಕ್ಕ-500 ರಾಷ್ಟ್ರೀಯ ವಿಚಾರ ಸಂಕಿರಣ ಉದಿಪನೆ ಮಲ್ತುದ್ ಆರ್ ಪಾತೆರಿಯೆರು.
ಕಜ್ಜೊಡ್ ಪುತ್ತೂರು ವಿವೇಕಾನಂದ ವಿದ್ಯಾವರ್ಧಕ ಸಂಘದ ಅಧ್ಯಕ್ಷ ಡಾ.ಕಲ್ಲಡ್ಕ ಪ್ರಭಾಕರ ಭಟ್ ಅಧ್ಯಕ್ಷತೆಡಿತ್ತೆರ್. ,ಭಾರತ ದೇಶೊಡು ಪೊಂಜೊವುಲೆಗ್ ದೇವೆರೆನ ಸ್ಥಾನಮಾನ ಕೊರ್ದು ಮಹತ್ವ ಕೊರ್ತ. ಪೊಂಜೊವುಲು ದೇಶಗಾದ್ ಹೋರಾಟ ಮಲ್ಪುನ ಉದಾರ್ಮೆ ನಮ್ಮ ದೇಶೊಡುಲಾ ಉಂಡು ಪಂಡೆರ್. ದೆಹಲಿ ಯುಜಿಸಿ ದ ಕಾರ್ಯದರ್ಶಿ ಆಸಿಮಾ ಮಂಗಳ. ಶಿಕ್ಷಣ ಸಂಸ್ಥೆಲು ದೇಶದ ಪೆರ್ಮೆದ ಸಂಸ್ಕೃತಿನ್ ತೆರಿಪಾವುನ ಕೇಂದ್ರೊಲು ಆವೊಡು ಪಂಡೆರ್…
ಬೇತೆ ಬೇತೆ ಕ್ಷೇತ್ರೊಡ್ದ್ ಸಾಧನೆ ಮಲ್ತಿನ 21 ಮಹಿಳಾ ಸಾಧಕೆರೆಗ್ ವೀರ ರಾಣಿ ಅಬ್ಬಕ್ಕ ಪ್ರಶಸ್ತಿ ಕೊರ್ದು ಮಾನಾದಿಗೆ ಮಲ್ತೆರ್.
, ಅಖಿಲ ಭಾರತ ರಾಷ್ಟ್ರೀಯ ಶೈಕ್ಷಣಿಕ ಮಹಾ ಸಂಘ (ಎಬಿಆರ್ಎಸ್ಎಂ), ರಾಷ್ಟ್ರೀಯ ಸಂಘಟನಾ ಕಾರ್ಯದರ್ಶಿ ಗುಂಟಾ ಲಕ್ಷ್ಮಣ್, ವಿವೇಕಾನಂದ ಮಹಾವಿದ್ಯಾಲಯದ ಸಂಚಾಲಕ ಮುರಳೀ ಕ್ರಷ್ಣ ಕೆ.ಎನ್.ಎಡ್ಡೆಪ್ಪು ಬಯಕಿಯೆರ್.
ಮೂಡಬಿದ್ರೆ ಚೌಟೆರ್ನ ಅರಂತಡೆತ ಕುಲದೀಪ ಎಂ.ಚೌಟ, ಕರ್ನಾಟಕ ರಾಜ್ಯ ಮಹಾವಿದ್ಯಾಲಯ ಶಿಕ್ಷಕ ಸಂಘ ಮಂಗಳೂರು ವಿಭಾಗದ ಮುಖ್ಯಸ್ಥೆ ಡಾ.ಪ್ರಮೋದ್ ಎಮ್.ಜಿ., ಪ್ರಾಂಶುಪಾಲೆರಾಯಿನ ಶ್ರೀ ಕೃಷ್ಣ ಗಣರಾಜ್ ಭಟ್ ಉಪಸ್ಥಿತರಿತ್ತೆರು.ಕಜ್ಜೊದ ಸಂಯೋಜಕೆರಾಯಿನ ಡಾ.ಮಾಧವ ಎಂ.ಕೆ.ಸ್ವಾಗತ ಪ್ರಸ್ತಾವನೆ ಮಲ್ತೆರ್.ವಾಣಿ ಯು.ಎಸ್.ಸೊಲ್ಮೆ ಸಂದಾಯ್ತ ಮಲ್ತೆರು. ಶಿಕ್ಷಕಿ ಕಾಜಲ್ ನಿರೂಪಣೆ ಮಲ್ತೆರು.
by 