ತುರವೇ ಕಾಪು ಮಹಿಳಾ ಘಟಕದ ಗುರ್ಕಾರ್ದಿಯಾದ್ ಅನುಸೂಯ ಶೆಟ್ಟಿ…

ಯೋಗೀಶ್ ಶೆಟ್ಟಿ ಮುತಾಲಿಕೆದ ತುಳುನಾಎರಕ್ಷಣಾವೇದಿಕೆದ ಕಾಪು ಮಹಿಳಾ ಘಟಕದ ಗುರ್ಕಾರ್ದಿಯಾದ್ ಹಿರಿಯಡಕದ ಅನುಸೂಯ ಶೆಟ್ಟಿ ಆಯ್ಕೆ ಆತೆರ್.ಪ್ರಧಾನ ಕಾರ್ಯಂತೆರಾದ್ ಸರೋಜಿನಿ ಶೆಟ್ಟಿ ಆಯ್ಕೆ ಆತೆರ್.ಬಾಕಿದ ಪದಾಧಿಕಾರಿಲಾದ್ ಉಡುಪಿ ಜಿಲ್ಲಾ ವೀಕ್ಷಕೆರಾದ್ ಕೊಳಲಗಿರಿತ್ತ ಫ್ರ್ಯಾಂಕಿ ಡಿಸೊ’ಜ, ಸವಿತಾ ನಾಯಕ್,ಮಮತಾ ನಾಯಕ್,ಜಯಲಕ್ಷ್ಮಿ ಹೆಗ್ಡೆ,ಜ್ಯೋತಿ ಶೆಟ್ಟಿ, ನಿಶ್ಮಿತ ಶೆಟ್ಟಿ, ಕೀರ್ತಿ ಶೆಟ್ಟಿ,ಸುದೀಷ್ಮ ಮೊಕುಲು ಆಯ್ಕೆ ಆತೆರ್.ಹಿರಿಯಡಕಡ್ ಸುರಭಿ ಸಭಂಗಣೊಡ್ ನಡತಿನ ಕಾಪು ಮಹಿಳಾ ಘಟಕದ ಉದಿಪನದ ಕಜ್ಜೊಡ್ ಮೊಕ್ಲೆನ್ ಪೊಸ ಪದಾಧಿಕಾರಿಲಾದ್ ಆಯ್ಕೆ ಮಲ್ತೆರ್. ಕಜ್ಜೊಡ್ ಸ್ಥಾಪಕಾಧ್ಯಕ್ಷೆರಾಯಿನ ಯೋಗೀಶ್ ಶೆಟ್ಟಿ ಜೆಪ್ಪು ಮೆರೆನ್ ಮಾನಾದಿಗೆ ಮಲ್ತೆರ್.ಈ ಪೊರ್ತುಡ್ ತುಳುನಾಡ ರಕ್ಷಣಾವೇದಿಕೆದ ಸಂಘಟನಾ ಕಾರ್ಯಂತೆರಾಯಿನ ಪ್ರಶಾಂತ್ ಭಟ್,ಹಿರಿಯಡಕ ಪಂಚಾಯತ್ ಸದಸ್ಯೆ ಲತಾ,ತುರವೇ ಉಡುಪಿ ತಾಲೂಕುದ ಗೌರವಾಧ್ಯಕ್ಷೆರಾಯಿನ ರವಿ ಆಚಾರ್,ಉಡುಪಿ ತಾಲೂಕು ಅಧ್ಯಕ್ಷೆರಾಯಿನ ಕ್ರಷ್ಣ ಕುಮಾರ್,ಪ್ರಧಾನ ಕಾರ್ಯದರ್ಶಿ ನಾಗಲಕ್ಷ್ಮೀ,ಯುವ ಘಟಕದ ಅಧ್ಯಕ್ಷೆ ರಾಹುಲ್,ಸಾಮಾಜಿಕ ಕಾರ್ಯಕರ್ತೆರಾಯಿನ ರೋಶನ್ ಬಲ್ಲಾಳ್,ನಿತಿನ ಇತ್ತೆರ್.ದೀಪ್ತಿ ಸುಗಿತುದ್,ಯೋಗೀಶ್ ಕೊಳಲಗಿರಿ ಕಜ್ಜೊದ ಮದಿಪು ಕೊರಿಯೆರ್.